رواية حب غير مكتمل بقلم يارا محمد حصريه وجديده وكامله جميع الفصول

رواية حب غير مكتمل بقلم يارا محمد حصريه وجديده وكامله جميع الفصول
يعني جوازك مني بس علشان خاطر جدي مش علشان بتحبني زي ماقلت يا داغر.
أيوة يا اريام أنا مش بحبك انتي مجرد اخت وبس انتي اللي فهمتي اهتمامي بيكي غلط أنا بحب واحدة تانيه وهنتجوز بس تعدي شهور جوازنا وهطلقك اول ما ناخد ورثنا تمام.
پغضب وكبرياء لا مش أنا اللي اقبل بحاجه زي دي ومنك انت انا هنزل دلوقتي واقولهم اني مش موافقه ويعملوا اللي يعملوه أنا خلاص اتعودت علي اهمالهم وضربهم وانت طول عمرك الولد اللي مدلع واخد كل حاجه ليك بس لاول مرة أنا هعترض.

ببرود اعترضي يا اريام جربي تقوليلهم لا كده وهما فورا هيعرفوا يخلوكي توافقي ازاي
معقول انت الشخص اللي حبيته تمام انا هنزل دلوقتي.

اريام نزلت ولقت العيله متجمعه وفرحانين وهما بيخططوا لاجمل يوم فرح هيعدي علي عيله الوهيبي لقت جدها بيتفق ع كل حاجه مع ابوها وعمها وامها بتشوف الفساتين الحلوة اللي تخلي بنتها اجمل عروسه يتاحكوا بيها النجع كله.
جه من وراها بابتسامه وشافهم مبسوطين واتكلم.
داغر بابتسامه شايفه فرحتهم وتخطيطهم لليوم ده عامل ازاي هتيجي انتي تبوظيها بغبائك ده.
اريام بدموع غبائي ولا كلامك اللي نزل زي السم ده اللي صممت خصيصا تقوله قبل فرحنا باسبوع.
داغر كان لازم تعرفي علشان مش تتعشمي كتير واعرفي من اولها انك مش نوعي فاهمه يا حلوة
داغر سابها بعد ماسمعها كلام كسر كبريائها وقلبها مسحت دموعها واتكلمت.
اريام جدي يوسف ممكن دقيقه ف المكتب.
يوسف ف ايه يا بنتي مالك ف حاجه.
اريام عايزاك ف كلمتين لوحدنا ممكن.
داغر سمع كلامهم وراح وراهم علشان يسمع هتقول ايه مهما حصل مش هيحصل اللي ف دماغها ويضيع ورثه من ايده بسبب واحده غبيه مش تستاهل.
وووو
2
يوسف خد اريام مكتبه وقعد وهي كانت واقفه قدامه مش عارفه تبدأ من منين هو صح بيحبها مش جد قاسې بس برضه احيانا پتخاف منه طلعت من شرودها علي صوته.
يوسف خير يا اريام مالك كنتي عايزة ايه ف حاجه ناقصاكي ولا ايه.
اريام لا يا جدي أنا بس كنت عايزة اقول اني مقدرش.
مش كملت الكلمه وداغر دخل عليهم واتكلم.
داغر باحترام بابا عايزك برا عايزين ياخدوا رايك في كام حاجه كده
يوسف اولا متتجراش وتدخل من غير استئذان مرة تانيه ثانيا اريام عايزة تقولي حاجه اسمعها واطلع.
داغر يا جدي طلب اريام هيكون تافهه زيها روحلهم حضرتك مستنينك.
يوسف قولي يا اريام عايزة ايه يا حبيبتي.
اريام كانت هتتكلم بس داغر داس ع دراعها من ورا واتكلمت وهي خاېفه.
اريام الترتيبات اهم يا جدي أنا بعدين هقولك اسفه اني عطلتك عنهم.
يوسف لا مش عطلتيني ولا حاجه هروح تشوفهم واجي.
يوسف قام وراح الموجودين واندمج معاهم وداغر بصلها ومسكها من فكها.
داغر اسمعي بقي أنا مستحمل اللي بيحصل برة ده علشان ميراثي وبس ومش مهم اي حاجه تاني تيجي عيله زيك وتخرب اللي أنا عايزة قسما بالله يا اريام ولو تكلمني نص كلمه بس لاڤضحك قدامهم واقول انك كنتي بتحومي حواليا فاهمه ولا لا أنا مش عارف جدي بيحبك ليه معدومه شخصيه وتافهه المفروض يحبني أنا بس كلهم هنا بيحبوكي ولا علشان أنا ابن الايطاليه اللي جدي ظلمها وماټت بحسرتها كل ده علشان حبت ابويا ومخدش بنت عمه اركزي وعدي اسبوع جنازتك ع خير ووفري دموعك دي علشان اللي جاي عليكي هيكون افظع من ده بكتير.
اريام بدموع أنا بكرهك أنا مش عارفه ازاي مش شوفت حقيقتك الظاهر اني كنت معميه بحبك وما اخدتش بالي من تصرفاتك المؤذيه فيا.
داغر كويس انك كرهتيني غوري
زقها وقعت ع الأرض وهي پتبكي وسابها وخرج بكل برود وما اهتمش بيها .
الكل خلص تجهيزاته وراح لاوضته واريام راحت اوضاتها قبل ما حد يشوف دموعها
ف اوضه والديها.
اسما والده اريام بسعادة تعرف أن مبسوطه أن بنتي الصغيرة هتتجوز بجد هتخلي بيا مش مصدقه أن بنتنا الوحيدة كبرت وبقت عروسه يامن انت معايا.
يامن اه معاكي وكويس أنها هتتجوز واخلص منها كفايها كده.
اسما انت بتقول ايه مش مبسوط من اللي بيحصل يعني.
يامن كنت هنبسط لو بجهز لجواز ابني مش بنتي ابدا طول عمري نفسي ف ولد وانتي حرمتيني من ده.
اسما بس انت عارف اللي حصل مش بايدي ابدا ده قضاء ربنا حبها ف حياتك ولو لمرة.
يامن بصلها ومش اتكلم وسابها ومشي واسما قعدت تبكي زي كل مرة
وووو
3 داغر سابهم وطلع اخد عربيته وراح لصاحبه الوحيد اللي كان عايش معاه ف ايطاليا وصل ڤلته ودخل.
داغر بيه عندنا يا اهلا اسبوعين مش اشوفك يا واطي انت ايه اللي فكرك بيا دلوقتي.
داغر بيجهزوا ف الجواز وانا مش ليا ف الحاجات دي قلت اجيلك ونتكلم شويه ولا انت معاك حد
اتيم لا مش معايا بس قولي لسه مصمم علي قرارك ده حاول تنسي يا داغر.
داغر انسي ايه انسي أن لما ابويا مسك فرع الشركه ف ايطاليا وأعجب بامي جدي ڠضب عليه بس علشان اتجوز من برة العيله بالرغم انها كانت واخدة الجنسيه الايطاليه بس لا هو ظلمهم وطردهم ومش اتجوز بنت عمه وظلمها اكتر لما عرف انها حامل وحرمني منها لما سابت البلد بحالها وعاشت ف ايطاليا هو اه بيعاملني حلو بس مش هنسي كسرت امي بسببه عمري ما هنسي يا اتيم فاهمني.
اتيم وذنبها ايه بنت عمك المسكينه دي تاعبها معاك دي حتي بتحبك حاول تحبها يا داغر والدتك نسيت وسامحت وانت مش عارف تعمل تعمل ده.
داغر والدتي طيبه يا اتيم واقفل ع الموضوع ده ومش هتكلم فيه تاني أنا بس مستحمل كل ده علشان ميراثي.
اتيم اللي تشوفه ها تحب نعلب بلاي ستيشن مع بعض.
داغر بابتسامه طيب تمام.
عند اريام كانت سرحانه وباصه من الشباك ودموعها مش مبطله نزول وافتكرت اول يوم جه فيه البيت كانت ليه طلته الخاصه.
فلاش باك.
كانت ف الجنينه بترسم زي عادتها أو ده لانه شغلها وهي سرحانه ف رسمتها لفت انتباهها ريحه برفان حلوة رفعت راسها لقت عمها فتح البوابه ونزل منها شاب وسيم ولابس كاجوال سرحت فيه دقائق كأنها سنه عمها جه عليها وسلم عليها بابتسامه اريام دخلت جوه وعمها احمد دخل وراها بابنه وعرفهم عليه.
احمد اقدم لكم يا جماعه داغر ابني وهيعيش معانا هنا
داغر سلم عليهم واحد واحد وآخرهم سلم ع اريام اللي مدت أيدها بخجل وهو ابتسم لها وبصو لبعض نظرات خاطفه رجعت من الذكري دي ع صوت امها.
باك.
اسما مالك يا بنتي سرحانه ليه وليه دموعك دي.
اريام مفيش حاجه بس ده علشان أنا هسيبك مش اكتر.
اسما بابتسامه ما انتي كل يوم هتزوريني ومش هتحسي ببعدي عنك تمام قوليلي داغر عامل معاكي ايه
اريام كويس يا ماما حنين وبيعاملني حلو الظاهر اني اخترت صح.
اسما بۏجع ع الأقل مش هتعيشي ف عڈاب وهيعاملك بحنيه حافظي عليه.
غاليه صاحبه اريام وصلت وسلمت ع الكل بابتسامه واستئذنت تطلع لاريام خبطت ع اوضتها واسما شافتها وسابتهم مع بعض
غاليه عروستنا الحلوة اخبارها ايه.
اريام مش كويسه يا غاليه أنا مش قادرة.
غاليه مالك ف ايه اريام احكيلي.
اريام حكتلها كل حاجه ومش سابت تفصيله وغاليه كانت ساكته واتكلمت.
غاليه غلطانه من الاول اريام كان لازم تعرفي من تصرفاته معاكي أنه مش بيحبك.
اريام بدموع حبيته يا غاليه مش عارفه اعمل ايه.
غاليه ملعۏن حبك ده لو هيعمل فيكي كده اسمعي لازم تبقي قويه قدامه هو مستغل جبنك وهو مبسوط بده اسبتيله انك غير كده.
أما تحت يوسف اتكلم.
يوسف كل حاجه كده تمام وكتبنا قائمه المعازيم ومش ناقص حد بس داغر وصل هو صاحبه واتكلم.
داغر لا فيه مدعو واحد مش كتبته.
يوسف باستغراب مين ده اللي مش عزمته.
داغر امي ولا دي مش من عيلتنا.
احمد ومراته اټصدموا من كلمه داغر وأحمد اتكلم.
احمد اسكت يا داغر بلاش الكلام ده دلوقتي.
داغر ليه أظن أن من حقي أن والدتي تكون معايا فاليوم ده ولا هتحرمها من اللحظه دي زي ما حرمتها من كل حاجه زمان.
احمد داغر بس اسكت دلوقتي.
داغر لا مش ساكت وبعند أنا عايز امي تكون معايا أو بلاش تحطها ف قائمه المعازيم أنا عزمتها وجايه بعد يومين واخد من القائمه وكتب اسمها وكده تبقي من ضمن المدعوين.
يوسف پغضب حسابك ع عملتك دي بعد فرحك حسابها عسير وامك دي تحضر فرحك وتمشي مش هتقعد يوم زيادة بعد الفرح.
علي صوتهم اريام وغاليه نزلوا ع زعيقهم اتيم لاحظ غاليه وتنح فيها اول مرة يشوف بنت بالجمال ده مسمعش حتي لداغر اللي كان بينادي عليه.
داغر اتيم سرحان ف ايه.
اتيم بتوهه مين اللي مع خطيبتك دي.
داغر بصلهم وبلامبالاة وقال مش اعرفها
راحلهم وبصلهم بابتسامه.
داغر ايدا عندنا ضيوف ولا ايه مش تعرفينها يا اري.
اريام اولا اللقب ده مش بتاعك فاهم وبعدين يخصك ف ايه مين دي.
داغر عايز اعرف مين أصحاب مراتي.
اريام مش جاوبت وغاليه ردت عليه من غير نفس.
غاليه اسمي غاليه صحبتها الانتيم ما تشرفناش بصراحه.
داغر انتي بتتكلمي كده ليه اتكلمي بأدب.
غاليه أنا اتكلم براحتي ع فكرة.
داغر اممم كده ع العموم اشبعي من صاحبتك علشان احتمال ده اكيد مش هخليكي تشوفيها تاني.
غاليه بصفتك ايه بالظبط وبعدين لو عملتها مش هتلوم غير نفسك فاهم.
داغر مسك ايدها واتكلم
انتي بتتحديني ولا ايه مش بمزاجك ع فكرة روحي كده زق أيدها وغاليه صړخت.
يوسف ف ايه حصل ايه هنا.
غاليه حفيدك هزقني يا جدي وقلي مش هتشوفي صحبتك تاني وضړبني ووقعني ع الأرض.
كل ده قدام اريام اللي ضحكت ع صحبتها القويه واتيم عجبته شخصيتها وداغر اللي اتصډم من كلامها.
يوسف خد صاحبك واطلعوا فوق وانتي يا بنتي أنا بعتذرلك نيابه عنه ومش تقلقي صحبتك بيتها مفتوح ليكي ف اي وقت محدش هيمنعك منها كفايه انك صحبتها اللي بتعزها وانا كمان.
غاليه ابتسمت له وبصت لداغر بنص ابتسامه وسلمت ع اريام ومشيت.
داغر .....
4
كان واقف ف شباك اوضته بيبص ع اللاشئ فكرة أنها جايه هنا تاني هتصحي فيه مشاعر بيحاول يطفيها من زمان افتكر لما مسك فرع الشركه ف ايطاليا وشافها اول مره كانت مديرة قسم المبيعات والتسويق العقاري في الشركه احمد لما وصل طلب ملفات الصفقات وارباحها وأرباح قسم التسويق وهي جابتهم ليه كانت مجتهدة ومتحدثه لبقه جدا يوم عن يوم احمد كان بيحبها اكتر وهي بدأت تميل ليه لغايه ما اعترف لها بحبه واتجوزها بعلم الكل وأبوه لما عرف ڠضب عليه وثار وكانت هي حامل ف داغر يوسف سابعا بس علشان الولد واول ما ولدت اخدوه منها