روايه اكتفيت بها الفصل الاول بقلم الكاتبه ساره الحلفاوي حصريه وجديده
دلوقتي و ټعيط من كل قلبها بس مستحيل هتعمل كدا وعشان تطمن نفسها قعدت ع الأرض مكانها و حضنت رجلها لصدرها و دفنت وشها في ركبتها بينما هو واقف مستغرب هي راحت فين و ليه سكتت كدا فجأة لحد م سمع صوت عياط خفيف خالص قلبه إتهز على غير العاده و إرتبك من عياطها اللي بيسمعه للمرة الأولى و من إرتباكه خرجت منه الحروف مهزوزه و هو بيدور عليها بعنيه بس م شايف غير ضلمة
تيا وقفت عياط ورفعت راسها و بصتله بضيق و غمغمت ببراءة
سيبني ف حالي!!
إتأفف بضيق وقلق و خرج موبايله من جيب بنطلون وفتح الفلاش وإتصدم لما لاقاها قاعده على الأرض بوضع جنيني ف قرب منها ومال عليها و هو بيقول بهدوء
قاعده كدا ليه! قومي!!!
مسك إيديها عشان يقومها ف صړخت فيه بعصبيه
إبعد إيدك عني و سيبني في حالي قولتلك
صوتك .. يوطى ولسانك يتعدل وأول وآخر مرة تتكلمي معايا بالشكل ده..!!
حاضر
مسكها من إيديها عشان تقوم فقامت معاه قعدها على السرير و خلاها تمسك موبايله تنور بيه و كان هيمشي هو فمسكت في دراعه بتلقائية وقالت پخوف طفله
رايح فين
ماشي
قالت بحزن ف سابها ومشي و خرج للبلكونة في نفس الجناح مددت تيا على السرير و فضلت تفكر في حياتها معاه هي مبتحبوش هي بتعشقه و لو بعد العشق غرام فهي مغرمة بيه رغم كل مساوئه و تعدد علاقاته إلا إنها بتحبه مش عارفه تكرهه و رغم إنها مش بتبينله ده إلا إنها مستعده تفديه بروحها قامت تيا ومشيت نحية البلكونة پخوف بصت على ضهره العريض و هو ماسك سېجارة بني وقفت جنبه و قفلت الكشاف و إتنهدت و هي بتقول
اللي هنعيده هنزيده ولا إيه! سألتيني السؤال ده و جاوبتك!!
يعني متجوزني عشان مصلحتك مني بس
إبتسم ببرود وقال
ممم حاجه زي كدا زعلانه ليه م إنت كمان متجوزاني مصلحه!!!
جسمها إتنفض و هي بتقول پصدمة
متجوزاك مصلحه! طب وأنا إيه مصلحتي منك!!
قال بغرور رهيب
أي حد يتمنى يبقى في مكانك دلوقتي! متجوزه رسلان الچارحي و بتنامي كل يوم جنبه على السرير في بنات كتير حاسدينك على النعمه دي عايشه في عزي و خيري اللي مكنتيش تحلمي بيه فلوسي اللي تكفيكي عمر على عمرك كل دي مش مصالح فكرتي فيها قبل م تتجوزيني!
مقدرتش تمسك نفسها من الضحك ف إستغرب وبصلها بتركيز ف إسترسلت بإبتسامة مريرة
اللي هيحسدوني ييجوا يشوفوا اللي أنا عايشه فيه رسلان الچارحي اللي
