رواية خطيبتي وأخواتها التوأم بقلم رحاب القاضي الفصل الأول حتى الفصل العاشر حصريه وجديده
منهم بس العربيه عطلت في مكان ما يعرفوش..
ناني
انا مش شايفه اي حاجه احنا فين وايه صوت الضفاضع دي..
اياد وهو بيبص في موبيله
ما فيش شبكه هنا خالص والعربيه عطلت وانا مش عارف اي مكان هنا في اسكندريه..
ناني
طيب هات نضارتي وانا اقولك احنا فين انا حافظه اسكندريه حته حته..
اياد
تقريبا كده. نضارتك وقعت في الشارع لما اتضرب علينا ڼار...
ازاي يعني انا مش بعرف اعيش من غير النضاره والله ده حرام اللي بيحصل فيا..
اياد بص لعيونها الخضرا وقرب منها وقال
والله انتي فعلا ما ينفعش تعيشي من غير النضاره عيونك دي خطړ علي البشر كلهم..
ناني اتوترت وقالت
ممكن تحترم نفسك حضرتك كلامك ده غلط ولو سمحت رجعني مكان ما اخدتني انا ماليش دعوه بمشاكلك دي..
انزلي طيب هنروح نشوف اي مكان اعمل منه مكالمه اخلي حد يجي ياخدنا..
_نزلوو من العربيه وكانت ناني مش عارفه تمشي لان الارض مش متظبطه وكمان الفستان بتاعها طويل وهي لابسه كعب..
اياد
يا بنتي امسكي ايدي طيب عشان تعرفي تمشي..
ناني
لا علي فكره انا عارفه امشي كويس.. ااااه..
_خلصت كلامها ووقعت علي الارض وفضلت ټعيط وقالت..
طيب والله ما انا ماشيت تاني انا هقعد كده بس منك لله بجد منك لله..
كتم اياد ضحكته وقرب منها وفي اقل من ثانيه شالها بين ايديه وهي وشها احمر خالص وقالت بتوتر..
ناني
انت عملت ايه حضرتك نزلني لو سمحت..
اياد
لا عادي انتي مش تقيله مش هتعب..
ناني
وانا مالي تتعب ولا لا نزلني لو سمحت كده ما ينفعش..
ما احنا بطريقتك دي هنفضل هنا لبكره وانا بجد لازم اخليكي تروحي عشان ما تحصلش ليكي مشاكل..
ناني بكسوف
طيب نزلني لو سمحت كده عيب جدا..
اياد
استني في نور هنااك هنروح نشوف في ايه..
ناني
طيب نزلني هتدخل علي الناس وانت شايلني كده...
اياد
عادي يا بنتي هقولهم انتي مراتي..
نزلني بقي انا مش بهزر...
نزلها اياد ومسك ايدها وقال
ما تسبيش ايدي بقي عشان ما تحصلكيش حاجه..
بقلم_الكاتبه_رحاب_القاضي
_وصل محمد بعربيته قدام بيت بهاء وجات سما تنزل بس محمد قال بسرعه..
محمد
علي فكره لو قولتي انك خاېفه او دموعك نزلت عادي مش هتبقي مشكله..
سما
محمد
ازاي ده بقي اومال لما نتجوز وازعلك هتعملي ايه مش هتيجي في حضني وټعيطي..
ابتسمت سما وقالت
لا انت لو زعلتني انا هرنك علقھ واخليك تروح ټعيط انت في حضن طنط..
ضحك محمد وقال
ههههه ماشي يا عم الشرس..
وبعدين قال بهدوء
وانا عمري ما هزعلك وربنا يقدرني واعرف ادخل قلبك واسعدك..
سما
احمم طيب شكرا انك وصلتني هطلع انا بقي فوق عشان زمان ناني قلقانه علينا...
محمد.
اوكي انا مستنيكي هنا اول ما تطلعي كلميني عشان امشي..
سما
اوفر اوووي انت بس ماشي هعمل كده...
_ابتسملها محمد وطلعت سما وهو استني شويه واتفاجئ لما لقاها نزلت وركبت جنبيه وقالت وهي مدايقه جدا..
سما
لو سمحت وديني علي اللوكيشن ده ناني مش فوق مش عارفه اتاخرت ليه في الشغل كده وموبيلها مقفول ولازم اشوفها لتكون حصلت حاجه..
محمد
حاضر ان شاء الله ما فيش حاجه...
بقلم_رحاب_القاضي
_ في مكان تاني شقه راقيه اووي كان امجد قاعد وفي بنت قاعده جنبيه وقالتله..
نسمه
بقولك ايه يا امجد انا كنت عايزه اروح لعمي و..
امجد پحده
لااا وما تفتحيش سيرة الموضوع ده تاني..
نسمه بدموع
حاضر بس يعني اا..
بصلها بعصبيه فسكتت وهو قال
قال عايزه تروحي لعمك اللي ابنه اعټدي عليكي ورماكي في الشارع..
نسمه بدموع
خلاص يا امجد لو سمحت انت عارف الموضوع ده بيتعبني اوووي..
امجد
يبقي بلاش انتي تفتحيه وافتكري ان انا اللي لميتك من الشارع واتجوزتك وسترت عليكي يبقي تسمعي كلامي وتقولي حاضر ونعم..
نسمه
حح حاضر بس مامتك كلمتني وعايزاني ازورها..
امجد.
تلاقيها عايزه تديكي قرشين كده لله ما انتي بنت الشغاله بتاعتها الله يرحمها كبري دماغك يا نسمه..
ادايقت نسمه وقامت وقالت
انا رايحه انام عايز حاجه اعملهالك..
امجد
لا اقعدي لما ابقي انام انا ابقي نامي..
_قعدت نسمه تاني جنبيه ودموعها نزلت پألم باين اوووي في عيونها... وامجد بص في موبيله لقي نلك عملتله بلوك اتنهد بعصبيه وقال...
امجد
انت اللي جيبته لنفسك يا دكتور بهاء...
بقلم_الكاتبه_رحاب_القاضي
_في القاهره...
كانت جني في السنتر بتاعها وخلصت دروسها وركبت العربيه بتاعت خالها اللي فيها السواق من غير ما تاخد بالها من انس اللي كان عامل نفسه السواق بس لابس كاب ونضاره فا ما اخدتش بالها منه..
جني
لو سمحت حضرتك ده مش طريق البيت..
قلع انس النضاره والكاب وقال
عارف....
اټصدمت جني وقالت
هو انت وقف العربيه بسرعه انت فاهم ولا لا..
انس بجمود
لا طبعا انتي ما تعرفيش انا عملت ايه عشان جيلان ترضي تساعدني بتحبك اووي جيلان دي ما صدقت تسلمك ليا..
جني بدموع وخوف
انتو عايزين مني اييه وقف العربيه والا والله هصوت والم عليك الدنيا..
انس
هتلمي مين الشارع ده مقطوع يا جني..
_فضلت جني تتلفت حواليها وهي خاېفه وبتعيط وبعدين وقف انس قدام عربيته اللي كانت فيها جيلان نزلت جني بسرعه وجات تروح لجيلان بس انس مسك ايدها جامد وقربها منه وقال بعصبيه..
انس
انا ما فيش بنت تقولي لا وانتي ده اخر تحذير ليكي يا تيجي بمزاجك يا والله العظيم اعمل فيكي حاجه خيالك مش هيتوقعها يا جني..
جني پبكاء
ابعد عني انت واحد مريض...
انس بدموع ظهرت من غير ما يحس وقال
ممكن اكون مريض بس كلامي هيتنفذ وهكلمك لما تروحي وتردي عليا عشان ما تزعليش مني وخلي بقي جيلان تقولك انا ابقي مين وابن مين وان ما حدش يقدر عليا..
_خلص كلامه واخد عربيته من جيلان ومشي وجيلان وقفت قدام جني وقالت..
جيلان
اهو هتبقي زيي مصحبااه والله واعلم هيحصل ايه بينكم فبلاش بعد كده تعملي عليا دور المحترمه الشريفه..
جني بدموع
ده لو قعدت هنا تاني انا هرجع البلد عند عمي بعيد عنك انتي وهو يا مجانين..
_وعند انس اول ما وصل البيت دخل وهو متعصب وكانت مريم مستنياه وقربت منه وقالت بقلق..
مريم
انس انت كنت فين كل ده..
انس بضيق
خير ان شاء الله قلقتي عليا ولا اياد فيه حاجه..
مريم
انت هتروح فين يعني اخوك بس قافل موبيله من شويه وقلقانه عليه هو كلمك..
انس نزلت دموعه وقال
لا ما كلمنيش بعد اذن حضرتك..
مسكت مريم ايده وقالت
مالك طيب يا حبيبي في ايه..
انس پحده
مالكيش دعوه المهم اطمني علي اياااد....
_سابها ودخل اوضته ورزع الباب ورااه وطلع معتز من اوضته وقال..
معتز بعصبيه
هو الواد ده زعقلك ده يومه مش فايت النهارده...
مربم بقلق
خلاص يا معتز تلاقي حاجه مديقااه انا هبقي اكلمه بس سيبه بقي دلوقتي المهم اياد رد عليك..
معتز
لا ما ردش انا هكلم خالد يمكن يكون راح عنده..
مريم بضيق
خالد ابن علا هو الواد ده تحسه مش ابن علا الحمد لله وانه قاعد عند باباه..
معتز
وقته كلامك ده خلينا نطمن علي الولد..
_وفي اوضة انس كان ماسك موبيله وباصص لرقم جني ومرضيش يكلمها وخبط الفون في الحيطه وقعد علي الارض جنب السرير ودموعه مغرقه وشه وقال..
انس
كلهم بيكرهوني كلهم...
بقلم_الكاتبه_رحاب_القاضي
_في الاسكندريه...
كان اياد ماسك الموبيل بتاع الغفير اللي حارس الارض اللي هما فيها وقال..
اياد
بس حلو الموبيل ده تصدقي يا ناني ده فيه شبكه وانا الفون بتاعي ابو ٢٠ الف مش جايب شبكه..
ناني
ممكن
