رواية عشقت منتقبه الجزء الاول بقلم وفاء رشدي حصريه وجديده وكامله جميع الفصول

رحمه عليه
رحمه اللى يشوفه هيثم باشا هو اللى هيكون واستاذنت ومشيت
هيثم حاسس بيها تعبانه نفسه ياخدها فى حضنه ويطبطب عليها مټخافيش انا جنبك ومعاكي نفسه حتي يقولها سلامتك بس مافيش رحمه رجعت لهيثم غريبه وهو كمان غريب عنها بس لا رحمه دي حببتي انا مش هسمح ليها أنها تبعدني عنها وانا عارف ان مافيش حد هيعمل ايه هيثم عشان يرجع رحمه تاني ويتجوزها هيشيل فكرة الخۏف اللى عندها ازاي وهو اصلا مايعرفش ايه اللى فيها
رحمه من كتر التعب مش قادره تقعد كلمت عادل انه يجي يروحها عرف هيثم أنها تعبانه
عادل انا قولتلك ارتاحي مش بتسمعي الكلام
رحمه روحني ياعادل هيغمي عليا
هيثم بخضه مالك طالما انتي تعبانه بتيجي ليه مافى داهيه الشغل
رحمه جيت عشان الاجتماع
هيثم تقومي تضيعي نفسك وديها المستشفي الأول عادل
رحمه لا اروح انام فى السرير
روح عادل رحمه والتاني مارجعش الشركه خلص اليوم وهيثم على ڼار عايز يطمن عليها وكل شويه يكلم عادل يطمن عليها وعادل يقوله نايمه
واخيرا روح البيت هيثم كانت فى انتظاره داليا وباين على وشها العصبيه
هيثم مساء الخير
داليا مساء النور
هيثم اخبارك ايه يا ماما هي مرات عمه بس بيقولها ياماما
داليا بخير طول مابني بخير
هيثم الحمدلله مالك انتي تعبانه
داليا هتعب ليه
هيثم باين عليكي انك تعبانه مضايقه خير
داليا هيثم مش انا زي مامتك
هيثم ربنا يعلم انا بعزك فغلاوتها واكتر بس بتقولي ليه كدا
داليا انت كنت تعرف بماضي رحمه
هيثم ماضي!!!! تقصدي ايه
داليا انا عرفت ان رحمه ارمله عرفت كل حاجه
هيثم ودا عندك يبقي ماضي
داليا ماضي حاضر مش هو دا اللى احنا فيه
هيثم امال ايه اللى احنا فيه
داليا انت ازاي تروح تتقدم لواحده زي دي
هيثم وحدة زي دي انتي تقصدي بكلامك دا رحمه
داليا وانت اتقدمت لحد تاني غيرها
هيثم وماله بقي حضرتك ايه اللى مش عاجبك
داليا كلها الأول انا كنت فكراها بنت عاديه لقيتها منتقبه قولنا معلش تطلع فى الاخر متجوزة قبل كدا وكمان ارمله وعيالها ماټو
هيثم وايه اللى فيها هي لأول واحدة ولا آخر واحده وفى غيرها كتير
داليا إديك قولت فى غيرها كتير أبعد عنها وشوف واحده احسن
هيثم انتي اللى بتقولي كدا انتي يعتبر امي
داليا ما انا عشان امك اقولك كدا دي ليها ماضي وانت الف واحده تتمناك
هيثم هو الواحده لما تبقي ارمله وعيالها ېموتو يبقي ليها ماضي
داليا يووووووووه بقولك ايه اسمع الكلام
هيثم احنا هنحاسبها على حاجه مالهاش يد فيها الزمن والدنيا هم اللى عمله كدا نحاسبها على الماضي بدل مانقف معاها وناخد بايديها بنحاسبها على حاجه تعبت فيها ونقول عليها ماضي لها مع انها تعبت فيها احنا مين عشان نحاسب ومين عشان مانسامحش ربنا اللى هو خالقنا بيسامح احنا لا نحاسبها عشان صانت نفسها ولبست نقاب تداري جمالها لشخص واحد بس مش عرض أزياء للكل بنحاسبها على احترامها على جمالها على تعبها على كسره نفسها على مۏت أولادها هي كان نفسها كل دا يحصل هي بنت زي كل البنات نفسها كانت تعيش حياه كويسه بس ربنا له اختيار وحكمه هو بس اللى يعلمها ويمكن كل دا حصل عشان انا اقابلها ويكون ليا نصيب معاها واعوضها عن كل اللى حصل انا اسف حضرتك انا مش هسيب رحمه وهرجعها ليا تاني بيكي من غيرك هرجعها هرجعها بإذن الله
داليا بټعيط من كلام هيثم وحضنته حضن جامد جدا وقالتو انا امك وحماتها هي وهرجعها

كان سمير وصل الفيلا وشاف كلام هيثم
سمير مش قولتلك ابن اخويا أصيل وبيحب بجد
داليا طبعا طالع لعمه انت لسه بتحبني ولا اوعي
سمير وانا اقدر مهما تكبري يا كركوبتي ههههه
داليا كركوبت مين ياراجل ياعجوز انت انا لسه بشبابي
هيثم والله ضحكتوني رحمه
داليا مالها
هيثم دي روحت بدري النهاردة تعبانه
داليا مرات ابني هروح اشوفها
هيثم هاجي معاكي
سمير وانا كمان وحشني الواد عادل ولعبه فى الطاولة أخيرا لقيت حد يفهمني
ضحكو كلهم مع بعض وبالفعل راحوا لرحمه واستقبلهم الحاجه عليه وندى ورحمه كانت نايمه فى اوضتها راحت تشوفها داليا وأول مادخلت رحمه صحيت
داليا اخبارك يا حببتي والف سلامه عليكي
رحمه الله يسلمك
داليا مالك تعبانه فيكي ايه
رحمه سلامتك انا بس مرهقة شويه
داليا مرهقة ولا هيثم وحشك
سكتت رحمه
داليا بتحبيه
سكتت رحمه
داليا جاوبيني وبصراحة بتحبيه
رحمه شاورت برأسها اه
داليا وهو بيعشقككك
رحمه عارفه بكدا
داليا وطالما انتي عارفه مالك
رحمه روحتي لهند
داليا عرفت كل حاجه وعيب عليكي اللى انتي قولتيه هيثم ابني وانتي كمان بنتي يعني انا حماتك لتكوني فاكره أن مالكيش حما
رحمه ابتسمت
داليا ايوة كدا ابتسمي خلي الشمس تنور
رحمه مش للدرجه كدا
داليا يلا بقي فوقي كدا وشدي حيلك هعمل حفله عشان انتي معزومه
رحمه حفله ايه لا انا مش بتاعت حفلات
داليا ابدا لازم تحضري انتي من أولها هتكسري كلامي يابت
رحمه بضحك ربنا يسهل
داليا هيثم قاعد تحت على ڼار قلقان عليكي هنزل اطمنه وقوله وافقت
رحمه لا ارجوكي
داليا لا ليه ممكن افهم
رحمه كمشت فى نفسها مش قادرة ابدأ اتخيل أن حد تاني ممكن يلمسني
داليا حضنتها حببتي ايه اللى انتي بتقوليه دا هيثم بيحبكك
رحمه انا عارفه بس مش قادرة أكمل
داليا لا تقدري انتي قويه وشخصيتك قويه وعندك أراده اكيد هتتغلبي على دا بس هي مسألة وقت وبعدين هيثم مش مستعجل على جواز دلوقت فتره خطوبة تقربوا فيها من بعض
رحمه تفتكري هاقدر
داليا اكيد تقدري هسيبك انا اطمنه حتي عليكي وسابتها ونزلت طمنته فعلا عليها وروحو
كلام داليا اللى قالته لرحمه مش بيخرج من دماغها بتفكر فيه ممكن صح لا لا مش قادرة لا بس انا بحبه ومش قادرة أكمل عمري من غيره دانا كدا وھموت نفسي أبص فى عنيه زي الاول وحشني اوووووي
بصوا بقي اللي جاي احلي من اللي فات بكتيييير وياريت تفاعل حلو عشان انزل كمان بارت الليله وروني بقي التفاعل انا عاوزه التفاعل ينزل مطر عليا
راويه عشقت منتقبه الجزء الاول
الحلقة التاسعة عشر
بعد مامشيت داليا من عند رحمهبعد مامشيت داليا من عند رحمه ورحمه الليل كله بتفكر فى كلامها نفسها تفرح بس مش قادرة صورة أولادها فى عنيها مش أولادها بس دا حتي علي جوزها وكل لحظه شريط حياتها بيمر من قدامها وتقول هعرف افرح متمسكة بالدعاء أن ربنا يكرمها خير فى كل اللى جاي وهيثم لو مش خير ماكنش ربنا حطه فى طريقي وعمل كل دا عشاني ويحاول يقرب وانا ببعده يارب يارب احسن لي الاختيار فإن لا أعرف يارب ودعت ربنا ونامت تاني يوم كلهم بيفطرو
عادل رحمه ماتجيش النهارد الشركه انتي لسه تعبانه
رحمه لا انا كويسه هروح الشغل مش قادرة تقول لعادل أنها واحشها هيثم وماتقدرش ماتشوفش حتي لو مش هتكلمه بس تلمحه
عادل انتي تعبانه ياقلب اخوكي
رحمه ماتخافش على اختك
ندى وانا هتاخدوني امتي
رحمه ههههه خلصي انتي بس الأول
عادل مستعجلة على ايه هههههههههه
ندى عايزة ابقي زيكو كدا
عادل النتيجه هتظهر امتي
ندى كمان أسبوع ماتفكرنيش ?
رحمه ربنا يسترها ماتخافيش ربنا هيكرمك
عادل مټخافيش
ندى يارب يارب ندى فى حقوق آخر سنه ليها 
فطرو كلهم وطلعو على الشركه
رحمه فى مكتبها بتراجع الورق والملفات مافيش حاجه