رواية بيت العيله بقلم الشيماء محمد حصريه وجديده وكامله جميع الفصول

المهندس ونزل 
الشقه حلوه اوي ياسليم 
بجد 
اه والله ...والمهندس ده شاطر اوي بجد هيخليهالك تحفه 
هو فيها ايه لو انا وانتي اتجوزنا وعيشنا هنا لوحدنا 
الټفت يارا الي سليم بسرعه وهي مصدومه 
انا غبي ....صح 
انت بتقول ايه 
بقول ان انتي اقرب واحده لقلبي بنتي الي حافظت عليها عمري كله ...بحب شكلك طريقه كلامك اسلوبك كل حاجه بحبها حتي واحنا پنتخانق.
سليم يلا نمشي 
شد سليم يارا من ايدها وقربها منه 
انا تايه وقلبي واجعني ....بس الي متاكد منه لما بتكوني جنبي ببقا مبسوط ...دي اسمه ايه 
اسمه هبل ...انت خاطب ....
هي دي المشكله اني خاطب يعني انتي كمان بتبقي مبسوطه وانتي معايا وجنبي .
سليم انا هروح 
شد سليم ايدها اكتر بتبقي مبسوطه ومرتاحه وانتي جنبي 
سحبت يارا ايدها من ايد سليم 
انا ماشيه 
ونزلت تجري علي السلم وقلبها كان هيقف من الفرحه والمفاجاه والخۏف 
نزل سليم يجري وراها ...وركبوا العربيه ووصلوا البيت من غير ولا كلمه
١٣
في بيت يارا 
كانت يارا محتاره من كلام سليم ....ايه الي قاله ده ..وليه قالها كده 
خرجت يارا البلكونه وقفت وسرحت في سليم وكلامه .وكان سليم واقف في بلكونه اوضته بيص عليها وهي مش واخده بالها ....مش همه هي فكرت في ايه ولا قالت عليه ايه ....هو بيبص لها بس 
الفت انتباه يارا ان سليم واقف في بلكونته دخلت من غير ماتكلمه
حتي في الصباح نزل سليم الشغل وظل ينتظر يارا بس هي مارحتش الشغل وهو ماقدرش يتصل بيها
بعد يومين.
في الشغل 
السلام عليكم 
وعليكم السلام ...اتفضل يااامازن 
استاذ سليم ...كنت عاوز اسال حضرتك علي انسه يارا هي مش بتيجي ليه 
نعم وانت مالك ومالها 
مقصد حاجه وحشه والله ....بس قولت يمكن تكون تعبانه ولا حاجه 
ممكن تخليك في شغلك ..ومالكش دعوه بيارا خالص 
انا اسف والله حضرتك فهمتني غلط ...والله انا قصدي شريف 
شريف ...يعني ايه 
انا بقالي فتره عاوز افاتح حضرتك تعرفني بوالد يارا عاوز اتقدم لها ...انا عرفت انها مش مرتبطه 
نعم ...انت اټجننت 
لو سمحت يااستاذ سليم ...كلمني باحترام انا صحيح بشتغل في مصنعكوا بس انا مهندس محترم ومن عيله محترمه الحمد لله 
مازن ....انا متعصب شويه معلش ...سبني دلوقتي 
عن اذنك 
خرج مازن وحاول سليم تمالك اعصابه 
عاوز يتقدم ليارا ....طبعا ماهي مش مرتبطه ....ماالغبي ابن عمها راح خطب واحده تانيه ...انا خلاص هيحصلي حاجه
حاول سليم يتصل بيارا كتير بس هي ماردتش علي اتصاله 
كان عاوز يتطمن عليها ويارا كانت خاېفه ترد عليه ليعتزر عن الكلام الي قاله
بعد يومين 
اضطرت يارا تنزل الشغل 
واول ماسليم عرف خرج من مكتبه يجري 
وفتح مكتب يارا 
توترت يارا اول ماشفت سليم عندها في المكتب 
انتي فين 
انا ....موجوده 
ليه مش بتردي عليا ...ولا بتيجي المصنع كل يوم بستناكي في العربيه ساعه 
معلش 
انتي زعلانه مني 
انا ....وازعل ليه 
انا محروج منك اوي ...وكنت عاوز اقولك ....عاوز اقول يعني 
عارفه ...انت كنت متعصب يومها....ومش عارف كنت بتقول ايه ..انا مقدره بس اتضايقت 
لا ماحصلش ....انا فعلا كنت متعصب بس كنت اقصد كل كلمه قولتها ...يارا انا بحبك وعمري ماحبيت واحده غيرك انا غبي ومعرفتش ده الا متاخر ...يوم ماشوفتك واقفه في الشقه مع البشمهندس بتختاري كل حاجه في الشقه مااقدرتش اتخيل نفسي مع واحده غيرك تعيش فيها معايا 
سليم انت خاطب ....وخاطب منار بنت عمنا واختنا 
دي الي هيجنني ....قولي انك موافقه وانا ها هد الدنيا علشان نبقي مع بعض 
لا مش موافقه ...
انا كنت فاكر انك بتحبيني 
سليم معنتش تتكلم معايا في الموضوع ده ....
في البيت 
سليم
ايوه ياجدو 
في مهندس عندكوا في المصنع اسمه مازن 
اه ياجدو ...عرفت منين 
امبارح طلب عمك محمد في التليفون ...وعاوز يجي يقابلنا 
نعم
في حاجه ولا ايه 
تخيل عاوز يتقدم ليارا
طب وايه المشكله 
احنا مانعرفوش يااجدو ..كويس 
نسال عليه ...مش يمكن يكون شخص محترم ومناسب 
لا ...لا ...مش مناسب خالص 
علي العموم هنسال برده ياسليم مش هنخسر حاجه ...
اليوم التالي 
في الشغل 
مازن 
ايوه ياسليم 
ممكن افهم انت عاوز ايه 
انا ..عاوز اتقدم لبنت عمك في الحلال ماطلبتش حاجه غلط ولا حرام 
اشمعنا يارا 
سليم مش شايف اي مبرر لعصبيتك عليا ...انا سالت عرفت انها مش مرتبطه ...وعلي حد علمي انت كمان خاطب 
تقصد ايه 
ماقصدش حاجه انا دخلت البيت من بابه ماحولتش حتي افاتحها في الموضوع 
وانت كنت عاوز تعمل كده 
قولتلك لا ...ارجوك يااسليم انا من يوم ماشوفت يارا وانا معجب بيها وبتمنا من ربنا اني ارتبط بيها 
مازن ...انا شايف انكو من مناسبين 
والله انا هروح مع ابويا نطلبها من جدك وباباها وهما هيحددوا ان كنا مناسبين ولالا 
انت شايف كده 
مش شايف غير كده 
ماشي
بعد شويه 
تليفون سليم رن 
الو 
سليم ....
نعم ياامنار 
سليم هو انت مابتكلمتيش ليه 
والله هو مش حضرتك دكتوره ومشغوله وانا مش مقدر...بما اني جاهل يعني وماعرفش الحاجات دي 
انت بتكلمني كده ليه 
انا ماعنتش طايق نفسي بجد 
سليم انا هقفل 
هيكون احسن كتير....مع السلامه 
انا هقول لبابا علي الكلام ده ....باي
١٤
الو 
ايوه ياسليم 
انزلي ....
انزل فين 
انا واقف قدام باب شقتنا ...انزلي يايارا عاوزك 
في حاجه ولا ايه 
انزلي يااايارا
يارا ...راحه فين 
ثواني يااماما هسال منار علي حاجه 
نزلت يارا تجري
في ايه مالك 
انتي عرفتي ان مازن جاي مع والده يقبلوا