رواية القلب المسکون بقلم فاطمه ابراهيم حصريه وجديده وكامله جميع الفصول

درست في مصر هنا ودا كان السبب في اننا نتعرف على بعض
ملك تبصله ورفعة حاجب هو انا سألتك انت !!
تميم لأ هو بس انا
ملك خاېف على لسانها يوجعها من الكلام يعنى!!
تميم أييه!!
ملك عينتك المتحدث بتاعها وانا معرفش ...
تميم انا بقول ناكل احسن ...
ملك بالسم الهاري كلكوا ... قال صحاب قال
هي إلا زي دى تتصاحب !! دي تتاكل ع طول ...
ملك اتفضلوا ع السفرة
وانا هجيب الاكل من المطبخ حالا ...
لين انا هاجي اساعدك ...
ملك ليه انا مش هعرف اجيبهم لوحدي ولا ايه
انا ست بيت شاطرة اوي ولا ايه ي تميو....
تميم بتفاجئ تيمو!! .... اه اه طبعا دا انا مشفتش في جمال أكلك ي ملك ..
تميم لنفسه دا انا مقضيها دليفري من ساعة ما عرفتك !!
لين لأ انا حابة اساعدك شكلنا هنبقي صحاب اوي ...
تدخل ملك ولين المطبخ ...
تشيل ملك الطبق ولسه هتخرج فجأة يوقفها كلام لين
لين برافوو ي ملك حقيقي انا مبهورة ...
ملك بستغراب نعم !! هو فيه ايه
لين قدرتي توقعي تميم وتتجوزيه بسهولة عملتى إلا مقدرتش اعمله انا من سنين ...
ملك تنصدم من كلامها ولسه هترد تقاطعها لين وتقول كان رافض موضوع الجواز دا نهائي من يوم ۏفاة أخته ومراته بس شكلك مش سهلة وقدرتي تسيطري عليه وتنسيه إلا فات ...
وتخرج لين بالأطباق وملك لسه واقفة مكانها مصډومة ومش قادرة تصدق إلا سمعته ...
تميم يلاحظ انها اتأخرت ويبدأ ينادي عليها
بس هي كانت لسه سرحانة وبتفكر في الكلام إلا قالته لين وتقول لنفسها كان متجوز قبل كدا !!
وكان رافض الجواز بعدها !! .... علشان كدا كل اما اقوله اتجوزتنى ليه مش يرضي يجاوب ...
انا مبقتش فاهمة اي حاجه طيب لو هو رافض الجواز ليه اصر يتجوزني وغصبني ع دا كمان !!
وتفوق ملك من السرحان دا بإيد تميم ع كتفها وهو بينادي عليها ... تنخض ملك والطبق يقع من إيديها يتكسر ....
تميم انا أسف خضيتك ... بقالي كتير ينادي عليكى مش بتردى ليه !!
ملك بتوتر بتنادي عليا انا ... اسفة مش سمعت
تميم مالك ي ملك في حاجة مضايقاكي!!
لين ضايقتك في حاجة!
ملك تبص في عيون تميم وتقول بالعكس دا شكلنا انا وهي هنتقابل كتير اووي الفترة دي ...
تميم اشمعنا يعني تتقابلوا!!
ملك ياله علشان الاكل هيبرد ولين قاعدة لوحدها
يخرج تميم ومعاه ملك ويبدأوا ياكلوا وملك طول الوقت مش نزلت عنيها من ع لين وهي بتاكل وكذلك لين كان بينهم نظرات وفي عنيهم كلام كتير ...
تقاطع الصمت دا لين
لين قوليلي بقي ي ملك أنتي بتشتغلي!!
ملك لأ انا لسه متخرجة السنة دي من إعلام ...
تميم ايه دا بجد ... طيب دي فرصة كويسة جدا انك تكوني معانا و ال للفرع إلا هنا في مصر وتمسكى العلاقات العامة....
لين يبان عليها الضيق وتقول ايوا ي تميم بس المنصب دا محتاج خبرة وشهادات كتير ملك لسه متخرجة مش ينفع نخاطر بمنصب زي دا !!
ملك تبصلها بقوة وتمسك السکينة والشوكة بغيظ وحضرتك ي انسة لين كنتي مولودة ع كرسي السكرتارية بتاع مكتب تميم !!
تميم يلاحظ الجو بدأ يتوتر ما بنهم ويقول لنفسه انا إلا غلطان انى قابلتهم ببعض ...
ويحاول يغير الموضوع ويقول ايه رايك في الاكل ي لين .... بجد ي ملك أنتي ابهرتينى طلعتي بتعرفي تطبخي كويس اووي ...
ويبص تميم عليهم يلاقي محدش عبره اصلا ولا كأنه قال حاجة ولسه النظرات متبادلة بينهم...
لين ببتسامة غرور انا معايا أربع لغات وشهادة خبرة من الجامعة الأمريكية و دراسة ست شهور أسس و علاقات ومعايا شهادة ال و ال WC انتي بقي معاكي ايه !
ملك بتلقائية معايا ربنا ...
تضحك لين ويضحك تميم... وملك بتتغاز أكتر منهم وتقوم تدخل المطبخ وهي باين عليها الحزن والغيظ
لين هي زعلت ولا ايه احنا كنا بنهزر...
تميم مش عارف انا هقوم اشوفها ...
لين انا هاجي معاك اعتذرلها شكلها زعلت مني
تميم ولين يروحوا على المطبخ يلاقوا ملك
واقفة في جمب ومغمضة عنيها ...
تميم انا أسف ي ملك احنا كنا بنهزر ...
ملك ترفع رأسها ببتسامة مصطنعة وتقرب من تميم وتحط إيديها ع كتفه وتقول لأ ابداا ي تيمو انا مش ممكن أزعل منك ابداا دا قمت علشان اعملك القهوة إلا متعود تشربها من إيدي ...
تميم أنا متعود اشرب القهوة من إيدك !!
ملك ششش ايه رايك في الاكل ...
تميم جميل اووي بجد تسلم إيدك
كل دا ولين واقفة شايطة من طريقتهم وتروح سيباهم وطالعه برا ...
ملك تشيل إيديها اول ما تطلع وتقول أووف
بقولك ايه البت دي ترجع دبي في اسرع وقت انا خمس دقايق كمان وهجبهالك نصين قد بعض فاهم !!
تميم انا مش فاهم حاجة هي زعلتك في ايه !
ملك دي إنسان ع هيئة بيض ديناصور عارف يعنى ايه بيض ديناصور!!
تميم بصوت واطى اه عارف عارف طيب انا خارج ليها بقي شكلك مچنونة دلوقتى...
ملك استنى ي أستاذ خد ...
تميم ايه الورقة دي !!
ملك فاتورة الاكل انت صدقت اني هطبخلها ولا ايه انا لو كنت اعرف انها كدا كنت جبتلها أكل معيز...مش من أبو طارق
تميم پصدمة معيز ... وأبو طارق !!
ملك ياله ي استاذ اتفضل اطلعلها لما اجيب العصير يكش تطفحه قبل ما تخرج من هنا ...
بعد شوية تخرج ملك بالعصير وتتعمد لين توجه كل كلامها مع تميم وتتجاهل وجود ملك وتضحك معاه وتكلمه في الشغل وكدا دا وملك قاعدة متخيلة في إيدها سکينة ونازلة تقطيع في وشها البومة دي
بالليل
ملك تخرج من الأوضة تلاقي تميم قاعد في الريسبشن وقدامه ورق بيشتغل وبيكلم لين ...
ملك تقعد جمبه وهي عماله تفكر في الكلام إلا قالته لين في المطبخ ...
تميم يخلص مع لين ويبص لملك ...
تميم ملك !! ...
ملك في ايه!
تميم أنتي إلا فيكي ايه ايه مش فاهم من ساعه ما كانت لين هنا وانتي مش طبيعية ودايما سرحانة...
ملك تميم انت ليك اخوات !!
تميم ېتصدم من سؤالها وتعبيرات وشه اتغيرت ويقول ليه بتسألي السؤال دا !
ملك أنت عرفت ازاي اني كنت اعرف حد تاني يوم ما جيت تتقدملي !!
تميم في ايه ي ملك فجأة كدا الأسئلة دي جت في دماغك يعني !!
ملك تميم انت عمرك ارتبطت قبل كدا ...
تميم يبان عليه الحزن اكتر والعصبية ملك !! ... بتهيألي انك قولتيلي اول يوم جيتى البيت هنا اني مليش دعوة بحياتك ولا من حقي ادخل فيها ليه انتي دلوقتى بتدخلي في حياتى احنا مش متجوزين عن حب ولا جوازنا دا حقيقي علشان ندخل في خصوصيات بعض اصلا ....
ويقوم تميم ويمشي علشان يدخل الأوضة بس توقفه ملك وتقول بس انا عاوزة أفهم ي تميم ....
انا مش اتعودت أعيش في ظلمة مستنية لما حد يحن عليا وينورلي جزء منها !!
انا مراتك ودا حقي ....
تميم يلتفت ليها وبصوت ڠضب انا عمري سألتك عن اسم الشخص إلا كنتي بتحبيه أو بقالكوا قد ايه مع بعض !!
عمري سألتك هو سابك ليه !
عمري قولتلك