رواية حور عيني الفصل الثالث عشر حصريه وجديده
السبب !
سامية تصدقى متصدقيش دى مشكلتك .. لكن إسمعى .. لو مالك شم أن ليا يد فى الموضوع دا .. أنا هقطع المساعدة إلى ببعتهالك كل سنة علشان تكملى دراستك فى الجامعة .. ياريت تفكرى كويس و تحافظى على الى باقى من حياتك وكرامتك ...
ومشيت سامية و سابتها ... و الدنيا كلها اسودت فى وش فيروز .. متأكدة أنها هترجع شخص تانى غير إلى جات بية هنا ..
كان مالك قاعد سرحان .. وحور قاعدة قدام التسريحة بتراقبة فى المرايا ..
حور .. بحزن .. أنت زعلان علشان فيروز ماشية ..
ضحك مالك ڠصب عنه على كلامها هو محبش يقولها حاجة ..
راح وقف وراها .. وباس راسها .. حد يزعل ومعاه القمر دا .. .
إبتسمت بخجل ... أنا عمر ما حد قالى أنى حلوة .. انت اول حد يقولهالى ..
ضحكت على كلامة .. طب مانت قولتلى اهوه . .. !
مالك علشان شايفك تايهه .. فلازم أرشد القمر يقف فى مكانه ... فاهمانى ..
نزل على الأرض قدامها .. وطلع من جيبة علبة صغيرة ..
فتحها طلع خاتم رقيق جدا ..
مسك إيدها الناعمة برقة .. ولبسها الخاتم .. وهو بيقول دا أول هدية منى ليكى يا حور .. مبعرفش أنقى بس قولت أجيب حاجة تشبهلك .. رقيقة
ضحكت حور ... وحضنتة .. جميل .. هحافظ عليه طول عمرى . . بس بشرط ..
مالك
حور متكلمش مع حد بطريقتك إلى بتتكلم بيها معايا ... كلامك بيوقع احسن من اجدعها صياد .. !
وقفت حور بنشاط .. و راحت الدولاب قولى بقى انهى احسن فستان اروح بيه الفرح بكره ..
فى حياة الإنسان بييجى علية اوقات بيبقى عايز يسمع أنة كويس وإنة ذكى وإنه جميل ... بالرغم إنه عارف لكن دا علشان بيبقى عطشان لكلمة لطيفة ..وحلوة
__مساء تانى يوم__
مالك لسة مخلصتيش ..
حور احمم .. بقولك أى أنا غيرت رأيى بلاش نروح الفرح ...
مالك ليه إن شاء الله ...
حور ... كدا ...
مالك إستهدى بالله دى صاحبه عمرك مينفعش متروحيش ..
حور بزهق طب اتفضل .. اربطلى شعرى من ورا ..
بتمسك صباع الروج علشان تحط
مالك خده من إيدها تؤ .. انتى كدا حلوة من غير حاجة
حور لكن...
مالك بحسم .. ملكنش إسمعى الكلام وإلا هعاقبك .. وعلى فكره أنا عقابى وحش ..
بيبصلها بطرف عينة
