رواية فرصه ضائعه بقلم رغد عبدالله الفصل الخامس والعشرون حصريه وجديده
مدام قمر .. مش محتاج أفكرك أن مريومة معايا .. يعنى أى لعب من تحت الطربيزة .. هترجعلك فى كفن .. و إسألى عن عطوه بكداش .. هتعرفى إن سكينتى غالية .. مش للتهويش يعنى وإيموجى بيغمز جنب الرسالة ..
رسالة بعديها بثوانى .. الكورة فى ملعبك .. وأنت إلى هتختارى الجول يدخل فى مين .. جوزك الظالم دا .. ولا ضناكى .. و طبعا مفيش اغلى من الضنا يا مدام قمر
_صباحا_
قمر بعيون حمرة من العياط طول الليل .. بتحس بخطوات عند الباب .. بيتفتح و بتدخل خدامة ملامحها جامدة .. بتحط قدمها صينية عليها كوباية ماية و الامبول ..
قمر هزت راسها شمال و يمين ببرود ...
هزت الخدامة راسها وخرجت .. وراها كانت جاية الدادة .. أول ما شافتها قمر جريت دارت الحاجة ... وتصنعت البهجة ..
الدادة .. صحيتى يا قمر ..
قمر ء .. آه ..صباح الخير ..
الدادة يسعد صباحك .. مال عيونك متنفخين كدا لية
إبتسمت الدادة .. لازم معرفتيش تنامى زيي من قلقك على جاسر .. تعرفى أول مره حد يقسم معايا القلق على الغلباوى أبو مشاكل دا ... والحب كمان .. مسكت أيدها أنا دلوقتى بس اتطمنت شوية بوجودك جنبه .. حاكم سنى و كبرى كانو مقلقينى لامشى وأسيبة لوحده ..
كإن كهربا سرت فى جسم قمر .. ر ربنا يخليكى .. .
إبتسمت قمر بحزن .. وهى قلبها بيشوكها ... كإنه عايز يحرمها النفس قبل ما تحرمة هيا من جاسر ! ..
جهزت .. و وقفت قدام الحاجة وهى مشلۏلة إيدها مش مطاوعاها تاخدها فى جيبها .. لحد ما سمعت خطوات قصاد الباب وصوت الدادة .. جهزتى يا بنتى .
خدت شنطتها وهى مش شايفة قدامها من الدموع .. ومشيت بلكاعة .. بتتمنى الأرض تتمد والوقت يقف .. بتتمنى لقاها بجاسر ميحصلش ..
_فى المستشفى_
وقفت الدادة تسأل على رقم اوضة جاسر .. وقمر فتحت التليفون لما جالها صوت رسالة .. صرفى الست دى .. نفذى مهمتك بهدوء ومن غير شوشرة
بصت حواليها بتوتر .. أتبعتت رسالة تانية وفرى وقتك .. إستحاله هتلاقينى ..
