رواية حب مشروع الفصل السابع بقلم الشيماء محمد حصريه وجديده

احمد دخل لايمن ومسكه بالعافيه 
احمد_ هتموتهم يا ايمن هتموتهم في ايدك 
ايمن_ ما يموتوا دول بهدلوا مراتي 
احمد_ وهيتحاكموا وياخدوا جزاتهم 
ايمن_ لازم اعرف مين صاحب فكره خطڤ مراتي 
زق احمد ودخلعم تاني واول مره ايمن يستمتع بضړب حد فضل يطلع الڼار اللي جواه فيهم بس للاسف الڼار ما بردتش وقلبه ما ارتاحش 
عرف منهم اسم اللي خطڤ مراته وراح جابه من بيته وعرفه ازاي يخطف مرات ظابط 
ولولا احمد سحبه من فوقه كان قټله 
ش
كل يوم بيعدي ايمن بيتهرب بطريقه شكل انه يدخل لمراته وهيا في الاول كانت متفهمه لكن بعد كده بقت بټعيط في صمت 

احمد كان بيزورهم بانتظام وكان ايمن بيكلفوا انه يجيبلهم اكل او طلباتهم او اي حاجه 
واحمد كان مبسوط بالدور ده لانه شويه شويه بيقرب من سميه اللي معجب بيها 
اخيرا جه معاد خروج حبيبه من المستشفي كان مر عليها اسبوع في المستشفي 
اليوم ده كانت فاطمه هيا اللي مع حبيبه وايمن كالعاده موجود بس بعيد 
الدكتورة شافته وطلبت منه يخلص اوراق الخروج لمراته 
رن علي امه وخرجتله بره 
حبيبه عرفت ان ايمن بره قامت تخرجله هيا او علي الاقل تلمحه 
كانوا بره الباب ايمن وفاطمه
فاطمه_ وبعدين معاك يا ايمن هتدخل تشوف مراتك امتي كل شويه تسأل عليك 
ايمن_ مش وقته.. انا هروح اخلص ورق خروجها من المستشفي وانتي جهزيها اوك
فاطمه_ هناخدها علي البيت صح 
ايمن_ لا طبعا ومين هيخلي باله منها في البيت انا هسيب شغلي ولا انتي بايدك المكسوره دي 
فاطمه_ يا حبيبي ملكش دعوه بينا وبعدين انا بقيت كويسه وفكيت الجبس خلاص 
ايمن_ امي حبيبه هتروح بيت ابوها اقفلي الكلام بقي 
فاطمه_ طيب فهمني يا ايمن انت كنت هتجنن عليها 
ايمن_ امي انا..... انا...... مش عارف اواجهها خلاص 
هروح اخلص الورق 
فاطمه دخلت لحبيبه اللي كانت في الحمام خبطت عليها
فاطمه_ حبيبه احنا هنمشي عايزه مساعده عندك
حبيبه_ لا يا ماما تسلمي 
حبيبه كانت بټعيط غسلت وشها وتماسكت وخرجت كانت فاطمه بتلم حاجتها بايد واحده فساعدتها ولبست هدومها ونقابها واستنو ايمن في صمت 
فاطمه كانت حاسه بحبيبه وانها بټعيط في صمت بس معرفتش تقولها ايه 
ايمن خلص الاوراق وجالهم خبط علي الباب بره فامه خرجت 
ايمن_ يالا 
فاطمه_ طيب انا اللي هشيل الشنطه والحاجات اللي جوه ولا مراتك الحامل 
ايمن بص لامه واستعد انه يدخل يقابل حبيبه بس هو مش مستعد.... ايمن دخل بس مش عارف يقول ايه 
ايمن_ سلام عليكم... حمدلله علي السلامه 
حبيبه_ وعليكم السلام... الله يسلمك 
ايمن كان مستني منها انها ترمي نفسها عليه او تعاتبه او تكلمه او تقول اي حاجه بس حبيبه ما نطقتش 
ايمن_ نمشي ناقصك