رواية مجانين الفصل الثالث عشر بقلم حبيبه محمد حصريه وجديده
انت في الصفحة 3 من 3 صفحات
ماهر هى كده هتفضل نايمه انتو الاتنين ماحدش فيكم يقرب لها بالذات انت يا خالد عرفك غبى وممكن تحاول تصحيها عشان تعملك الاكل
خالد لالا انا هخليها نايمه بلاش اكل النهارده
ماهر انا ماشى لو حصلت حاجة اتصلو بيا .. يلا يا سالى
يخرج ماهر من الاوضه يكون أبو وأم بوسى لسه موجودين وقعدين فى الصاله
أبو بوسى فى ايه
ماهر مفيش حاجة دى نوبه جالتها بسبب العصبيه الزياده بتحصل ساعات عادى
أم بوسى بقى يوم ما نيجى نشوفها يحصلها كل ده
ماهر معلش بردو متنسوش ان مريضها صعب وقوى وفيه تغيرات كتير .. اتفضلو دلوقتى وانا هبقى اتصل اطمنكم عليها
يمشى أبو وأم بوسى ... وماهر ياخد سالى ويروح على بيته
يدخل ماهر البيت وهو متعصب ومدايق وعلى اخره ويروح على اقرب كرسى ويقعد تقرب منها سالى بهدوء وتقعد جنبه
ماهر مالى كل ال عملتو راح انا قولت من الاول للمدير مش هينفع يتحطو فى موجهه مع اهليهم المړيض النفسى 80 فى الميه بيكون مرضه بسبب اهله ... قولت من الاول ان ممكن يحصلهم انتكاسه حمدت ربنا ان ده محصلش مع خالد اهو حصل مع بوسى والمشكله ان مرض بوسى متغير ممكن يقلب من برود اعصاب لحالة صرع
ماهر خلاص يا سالى مفيش فايده فاضل اسبوع وكل شئ يخلص مفيش حد فيهم حالته اتحسنت بالعكس اتنيلت زياده بعد شهرين ونص ارجعهم المستشفى وهما كده لقبى الجديد هيكون الدكتور الفاشل دكتور فاشل بكل معنى الكلمة
سالى يا حبيبى انت عملت ال عليك واكتر كنت هتعملهم ايه يعنى انت مش السبب فى ال هما فيه عشان تعمل فى نفسك كده
سالى تطبطب على ماهر وتفضل قعده معاه بتحاول تخفف عنه حزنه على التجربة ال فشلت حزنه على حلمه ال كان نفسه يتحقق ... لحد ما تفوت ساعات والليل يدخل
ماهر هى الساعه كام دلوقتى
سالى يا نهار دى الساعه داخله على 11
ماهر ايه ده انتى اتاخرتى اوى هغير هدومى دى واجى واوصلك
يدخل ماهر الاوضه عشان يغير هدومه وسالى تفضل تلف فى الصاله وتتفرج على التحف ال فيها وبعدين تروح عند الشباك تفتحو وتوقف فيه ... وهى بتتفرج من الشباك عنيها تيجى على بيت المجانين فجأه تبرق جامد وبأعلى صوت عندها
سالى مااااااااااااااااااااهر الحق يا ماااااهر
يتبع
