روايه بلوه حياتي الجزء الاول الحلقة الواحدة والعشرون

مهاب
كريم ظابط صديق مهاب_ النهاردة هتدخل حياة بنت عامر البدري
مهاب_ أيوة
كريم_ متأكد يا مهاب
مهاب_انا حاسس بتأنيب لأني هستغلها عشان اقدر اقبض علي أبوها
كريم_ليه طيب متقولهاس يمكن تساعدك هي يمكن متعرفش حقيقة ابوها!!!
مهاب_ لأ اكيد عارفه إنت بتستعبط إزاي مش هتعرف
كريم_بس المعلومات اللي عارفنها عنها متقولش كده
مهاب_دي مظاهر بس
كريم_ إنت حر يا مهاب
عمر دخل علي مهاب المكتب
مهاب_ بتعمل إيه هنا يا زفت
عمر_ فاضي مش لاقي حاجة اعملها قولت اجي اغلس عليك
مهاب_انا مش فاضي يا سيدي
عمر_وراك إيه يا هوبا بلاش غلاسة وتعال نتسلي ده حتي هيثم مسافر ويوسف مش موجود 
مهاب_ورايا حاجة مهمة
عمر_ إيه هي
كريم_رايح يقابل موزة
عمر_تؤتؤتؤ ومتقوليش يا هوبا اخص عليك
مهاب_دي مهمة يا بني آدم
عمر_ بالتفصيل لو سمحت
مهاب...
عمر_ لأ يا مهاب اللي هتعمله ده غلط
مهاب_ليه بقي
عمر_ مش معنى إن أبوها كده يبقي هي زيه ما يمكن متعرفش مشوفتش بابا وعمي مش عارف يعني
مهاب_بعد اذنكم اسمحولي لازم الحقها
عمر_ بلاش يا مهاب
مهاب_ مش سامع
عمر_هتوقع في الحب وهتيجي تشتكي بعدين بعد اللي سمعته انا متأكد إنها مش زي أبوها
مهاب خرج وكان مخطط إنه هيقابل سالي في منظمة خيرية ويحاول يدخل حياتها لكن كان للقدر رأي آخر
مهاب راح بس مش لقيها ركب عربيته وكان راجع وهو مضايق بس وهو سايق مرة واحدة بنت اتخبطت في مراية عربيته
مهاب نزل_ إنتي كويسة!!
سالي بصتله_ أيوة
مهاب_انا آسف
سالي_ خلاص حصل خير
سالي كانت ايديها اتخبط واټجرحت من أثر الخبطة
مهاب شاف الچرح_ طب تسمحي ليا اوصلك كاعتذار
سالي_ لأ مش ممكن
مهاب_ليه بس
سالي_انا اعرفك!!!
مهاب_اممممه لأ بس انا مصر اوصلك المكان اللي هتروحي ك اعتذار 
سالي_اممممه تمام
وركبت سالي مع مهاب هو أصلا مش عارف إن دي البنت اللي كان عايز يقابلها كمان هو مكنش بيهتم للصور اللي كانو بيخادوها عناصر الفريق ليها
مهاب_ هتلاقي عندك في الدرج معقم ياريت تستخدميه
سالي_تمام
وهي بتفتح وقع صور والصور دي ليها نزلت عشان تجيبها
مهاب_ استني انا هجيبها
مهاب نزل يجيب الصور وبص علي الصور عرف إن اللي جنبه هي سالي البدري بس حب يتأكد
مهاب ابتدي يسوق العربية_انا آدم وإنتي
سالي_سالي
مهاب_انا حاسس إني شوفتك قبل كده !!!
سالي_ ممكن
مهاب_علي العموم انا آسف مرة تانية
سالي_ لأ عادي علي العموم شكرا ليك على مساعدتك ليا إني ارجع البيت
مهاب_ليه
سالي_ابدا بس كل الحكايه إني طلعت من البيت النهاردة ب تاكسي عشان السواق بتاعي مجاش النهاردة...وسواق التاكسي مشي من طريق غلط فضل تايه كتير بسببه مروحتش الجمعية النهاردة
مهاب_عملتي إيه مع السواق !
سالي_شتمته 
مهاب_ههه وهو عمل إيه
سالي_كل خير نزلني في نص الطريق وملقتش حاجة اركبها 
مهاب_صعبتي عليا 
وهو بيتكلم العربية وقفت
سالي بقلق_وقفت ليه!
مهاب حاول يمشي العربية لكن في حاجة موقفة العربية_ مټخافيش هنزل اشوف وقفت ليه ... ثواني
مهاب نزل وكانت احد عجلات العربية في حفرة صغيرة من الوحل_اووووف
سالي_في إيه
مهاب_ابدا بس محتاجه زقة عشان في الوحل
سالي_والعمل
مهاب_ اقعدي مكاني ودوريها بس وانا هزق
سالي_بس انا مش بعرف اسوق!!!
مهاب_ افندم عندك عربية ومش بتعرفي
سالي_ مش حابة أعرف اسوق إنت مالك
مهاب_طب اقعدي مكاني وانا هقولك تعملي ايه
سالي عملت زي ما قال وهو ابتدي يزوج وهي بتعمل زي ما قال فجأة العربية طلعت من الوحل وسالي لسا سايقة فدخلت في الشجرة اللي قدامها والعربية بقت في شكل يرثي له
مهاب حط ايديه علي راسه پصدمة_العربية!!!
سالي نزلت_انا بخير متقلقش
مهاب_العربية اټدمرت منك لله
سالي_كل همك العربية وحياتي انا إيه!
مهاب_حصل خير لعله خير المهم إنك بخير
سالي_ إنت بتقلب بسرعة
مهاب دخل يجرب العربية إذا كانت شغالة ف اشتغلت عادي لكن المنظر عسلل _اركبي شغالة
سالي_هتمشي وهي بالمنظر ده 
مهاب_ احسن من مفيش اركبي لحسن اسيبك وامشي .
سالي_ يعني يرضيك إنك تسيب بنت لوحدها في وقت زي ده ومكان فاضي
مهاب_طب اركبي من غير محاضرات ابوس ايدك
سالي ركبت ومهاب وصلها وبعد ما وصلها كان حاسس بخنقة لأن هي طلعت البنت اللي هيقرب منها عشان يقدر يوصل لأدلة ضد ابوها واحساسه لما قابلها كان جديد شوية عليه ولما عرف إنها سالي البدري زعل واتمنى مكنتش تبقي هي 
وعدي فترة ومهاب كان بيقابل سالي ب إسم آدم وكانت عمليته ماشية بشكل كويس حتي إن والد سالي مقدرش يعرف معلومات عن مهاب حقيقة المعلومات اللي وصل ليها بس اللي