روايه بلوه حياتي الجزء الاول الحلقة الثانية والعشرون

للدرجة دي !!!
فريده أيوة برغم إن مكنتش بشوفه كتير بعد دخوله المدرسة الداخلية بس انا فتحت عيني ووعية علي الدنيا بيه ... كنت بتمنى معاملة أبيه دي أشوفها من بابا...كنت طفلة ساذجة جدا كنت بستني كلمة واحدة من بابا كانت بتخليني سعيدة بس كان قليل اوي لما كان بيتكلم معانا...كان مختلف عن اعمامي كانو كلهم بيهتمو بولادهم كنت بحس بالغيرة بس أبيه كان دائما موجود كنا بنصيع انا وهو طول اليوم....هههههه كان مفشلني خالص
عمر ههههه حكالي كنتو كل يوم في مكان شكل لحد ما عمل ناصح وحب يطلع من المحافظة يروح بيكي ملاهي
فريده أيوة توهنا بس قدر يتصرف وعرفنا نرجع
عمر كان حكايته ومغامرته معاكي بتعوضني عن حزني وقتها
فريده هو انتو عرفتو بعض ازاي!
عمر يوسف بقي مالك بالنسبة ليا وبقي كل قوتي وهو لما بيكون جنبي بحس إنه مالك لما كان بيمسك ايدي وانا صغير لما بخاف اتقابلنا انا ويوسف في المدرسة الداخلية
فلاش باااااااااااااااك
عمر كان عنده 14 سنة قوة عمر اللي اكتسبها بعد مۏت حسين ومالك كانت يعتبر تلاشت عمر رجع ضعيف وبقي مستسلم للحياة وكان منتظر المۏت لأنه حاسس بالعجز والضعف من غير مالك جنبه وحتي نصايح وكلام أبوه
عمر كان الولد الضعيف بالنسبة لزمايله وكان في عصابة غجر أكبر سنا من عمر كان بيلاقو المتعة أنهم يضربو عمر
كانو كل فترة والتانية يضربوه جامد وهو مكنش بيرفع صباع إنه يدافع عن نفسه برغم من عصبيته لكن كان بيستسلم لضربهم علي أمل المۏتوهو شايف نفسه لا يستحق العيش لأن فادي وفارس هربو برة البلد وهو مش هيقدر يجيب انتقامه لمالك ولابوه
يوسف كان في المدرسة وشاف مجموعة شباب بيضربو عمر وهو مستسلم ومش بيدافع عن نفسه يوسف راح بسرعة وپغضب وبعد الولاد دول عن عمر
يوسف بعد ما بعدهم راح مسك ايد عمر إنت كويس
عمر بص ليوسف وبص لايد يوسف اللي ماسكة ايديه وافتكر مالك اخوه بعدين زق يوسف بعصبية إنت مالك كويس ولا مش كويس !!!
يوسف الله ما إنت جامد اهو وبتتعصب ليه مش بتدافع عن نفسك
عمر پغضب وعروقه واضحة من شدة غضبه ملكش دعوة انا عايز اموت إيه دخلك!
يوسف مسك راس عمر وثبتها ابقي حاول تستغل غضبك ده في مدافعتك عن نفسك وطول ما إنت مستسلم عمرك ما توصل للي عايزه ...لازم تدافع وتهاجم عشان تتخلص من مشاكلك وتوصل للي واضح من خلال عنيك اللي كلها ڠضب دي...من الآخر استغل غضبك صح وهتوصل للي عايزه
وقام يوسف ومشي وساب عمر
عمر كلام يوسف فضل في دماغه مهما كان كلام يوسف عادي إلا إنه بالنسبة لعمر بقي سلاح لازم في الأول يدافع وبعدين يهاجم وهيوصل للي عايزه الدفاع ليه هو بقي يكون نفسه وهتبدأ مرحلة الھجوم تيجي مع نفسها 
عمر من بعد كلام يوسف بقي بيقدر يتغلب على الولاد اللي كانت بتضربه بقي قانونه الدفاع والھجوم وبعدين توصل للي عايزه عمر استرجع قوته وعزم هدفه إنه هيوصل لفادي وفارس من جديد
عدت سنتين لأول مرة عمر شاف فيها يوسف بعد ما رجع شاف يوسف وهما بعمر ال 16 قدر عمر ويوسف يكونو اصدقاء في فترة صغيرة جدا وبقي عمر ويوسف اخوات
طبعا من خلال علاقة عمر ويوسف بقي خناقهم باين إنه تافه إنت إزاي مش واثق في اخوك! بس الإنسان دائما بيغلط وده كان غلط من يوسف وعمر كانو الاتنين غلطانينهيثم هو صديق عمر كمان من الطفولة هو ابن صديق العيلة ومتربي مع عمر بس مكنتش علاقتهم اللي هي زي علاقته بيوسف بس كل انسان وبيغلط ولما بتتهز الثقة بشخص صعب تسامحه عمر ويوسف سمحو للتفريق بينهم وچرحو بعض مع أنهم بتجمعهم علاقة حتي لو كانو اخوات پالدم مكنوش هيكونو كده ويمكن لو مالك كان عايش مكنتش علاقته بعمر هتكون زي صداقته مع يوسف
باااااااااااااااك.
فريده انا مش عارفه انتو ازاي علاقتكم كده وسمحتو لموقف زي ده يبعدكم عن بعض
عمر غباء مننا احنا الاتنين ...انا مقدرتش اسيطر علي أعصابي وسبت نفسي لعقلي ولساني وعصبيتي وهو ساب نفسه لكبريائه وفضل كل واحد فينا معاند طول السنين اللي فاتت وغضبنا