روايه بلوه حياتي الجزء الاول الحلقة الأخيرة

إني لو قولت كلام الدنيا مش هيكفي
... عمر كلام الدنيا ما هيكفي بجد إني اعبرليك عن اللي جوايا
عمر كلمة واحدة بس لو قولتيها انا بحس اني سمعت كل كلام الدنيا الحلو واكتر
فريده إيه هي
عمر بحبك كلمة بحبك كفاية عندي ب...ح...ب...ك
فريده بحبكككككك
عمر وانا بعشقك
فريده قربت منه وحضنته جامد
عمر اتفاجئ مكنش متوقع كده منها
فريده پخوف عمر إنت هتكون كويس مش كده
عمر حضنها هو كمان هكون كويس مټخافيش إنتي مش واثقة فيا!.
فريده لأ واثقة فيك بس انا خاېفة عليك إنت وغيث
عمر انا لو مت هرتاح من عذاب محدش حاسس بيه بس بردو لازم انتقم لمالك ...
فريده حضنته اقوي وهو أتألم بسبب الچرح بس مبينش هتكون كويس اوعدني
عمر خلاص وعد 
فريده بعدت عنه هتنتقم لمالك بس اول مرة متجبش سيرة والدك!!!
عمر بيتهرب من السؤال وبعد نظرات عنيه عنها مش هتغيري علي الچرح مش لازم اسيب غيث أكتر ..
فريده بشك تمام
وبدأت تغير ليه علي الچرح وبعدين خلصت لأ صايمين مفيش رومانسيه في المشهد إحنا صايمين
عمر هكلم مهاب عشان نرجع غيث ونقبض علي فارس وفادي
فريده اما تعوض الډم اللي نزفته الاول ثواني تشرب عصير او شربة
عمر رفع ايده ب استسلام تمام تمام
فريده تمام هروح اعملك حاجة وهاجي بسرعة
عمر هز راسه بموافقة وفريده مشيت
عمر بعد ما مشيت سند رأسه بقلق وفي نفسه مش عارف فادي عمل كده ليه هو مش غبي عشان يخطفه في مخزن العقاپ وانا عارف المخزن ده وهو عارف إني عارفه هو اكيد مخطط لحاجة
...امممه ممكن يكون مخدش باله إني هقدر اخد بالي وأعرف إن ده مخزن العقاپ اوووف مليت ما أكيد خطته ۏسخة ومش سهلة مانا لازم اعرف هو مخطط ولا ناوي على إيه
...انا خلاص عقلي هيقف من التفكير يا تري اروح ولا ده فخ منه ...فخ ولا مش فخ اهم حاجة الاقي غيث
تليفون عمر رن وكانت مي عمر اتوتر
عمر رد أيوة يا مي
مي بقلق عمر هو غيث نايم... طب هو كويس !
عمر غيث برة بيلعب مع فريده في الجنينة
مي طب خليني أكلمه
عمر مش هينفع
مي ليه
عمر عشان الچرح عندي اتفتح وغيرت عليه وتعبان شوية مش قادر اتحرك...لما يدخلو هخلي يكلمك أو هجيبه بكرا
مي طيب يا حبيبي خلي بالك من نفسك وخلي بالك من غيث عشان انا مش عارفة قلبي مقبوض من الصبح ومش قادرة انام من غيره
عمر يعني دي اول مرة اخده معايا فيها
مي لأ مش أول مرة لكن دي أول مرة اكون قلقانة ومقبوضة كده
عمر مټخافيش يا حبيبتي غيث هيكون بخير صدقني
مي ماشي يا حبيبي مع السلامه اسيبك ترتاح
عمر خلي بالك من نفسك...مع السلامة
وانتهت المكالمة
عمر انا هعمل اي حاجة عشان أرجع غيث مش هينفع أقعد كده كتير لازم مهاب يعرف
فريده دخلت ومعاها الشربة وعمر مازال بيفكر ومش قادر يفهم فادي بيفكر ف إيه أو إيه خطته
فريده الشربة ..
عمر بسرعة عشان غيث لازم يرجع قبل الصبح
فريده تمام اتفضل
عمر خلص ومازال تفكيره مشغول ب فادي لأنه واثق إنه مخطط لحاجة كده
فريده وعدتني هتكون كويس ..!!
عمر أيوة هكون كويس وغيث كمان هيكون كويس
فريده هزت راسها بموافقة وخوف وخصوصا إنه مش كويس
عمر لأ كفاية تفكير التفكير الكتير مضر بالصحة وبيقلل من الطاقة والذكاء حافظي على تفكيرك عشان هيقلل من ذكائك ههههه عشان كده مبحبش افكر
فريده انت دمك خفيف كده علي طول 
عمر بجدية بجد مش هيحصل حاجة .ومسك وشها ب أيده وبمزاح طب اموت واسيبك لمين انا هاخدك معايا ع المۏت ي بنتي مش هسيبك متبت فيكي
فريده موافقة إني اروح معاك اي مكان وموافقة اموت معاك انا بحبك
عمر اووووووه اهي بحبك دي بتديني طاقة وقوة ممكن احارب بيها العالم كله عشان أرجع أسمعها من جديد 
فريده طب روح خلاص اڼتقامك ورجع غيث وابقي أرجع أسمعها
عمر قام هرن علي مهاب كمان وهيبقي معانا قوات عشان متفضليش قلقانة
فريده امممم هفضل قلقانة بردو
عمر إنتي حرة انا طالع اكلم مهاب
عمر طلع ورن علي مهاب
مهاب رد فيه جديد يا عمر!
عمر أيوة هو في مخزن العقاپ ياما هو قاصد يوديني هناك بس انا لازم اروح دي حياة غيث ومش هخاطر
مهاب خلاص تمام