مذكرات حبيبه الفصل الاول حصريه وجديده
للأسف في يوم حصلت حاجة مستحيل كنت اتوقعها .
في يوم اتفاجئت بصوت صړاخ عال جدا من اتجاه بيت خالتي ولما جرينا وروحنا نشوف اي اللي حصل عندها كانت الکاړثة اننا عرفنا ان هادي أثناء رجوعه من الشغل حصلت له حاډثة وماټ !!
مش حسيت بنفسي والا وانا في المستشفي وحصلي اڼهيار عصبي !!
الدنيا اسودت في عينيا وحسيت أن الحياة بالنسبة لي انتهت .
هادي مش كان ابن خالتي وخطيبي وبس لا ده كان حبيبي و بالنسبة لي هو كل الدنيا واللي فيها !!
كان هو معني السعادة والأمل في بكره .
معني كلمة راجل عندي كانت تتلخص في اتنين ابويا وهادي !!
بعد مرور كام شهر بدأ يتقدم لخطبتي شباب كتير !! كل اسبوع او اسبوعين يتقدم لي عريس لكن انا كنت برفض لأن كان لسه حب هادي ساكن في قلبي ومش قادرة انساه !!
جمال كان من القرية المجاورة لقريتنا وكان شاب ميسور الحال هو واهله وعندهم ارض كبيرة ومواشي كتير .
امي وابويا بدأوا يقنعوني بأني اوافق وقالولي اني مهما رفضت عرسان وأجلت فكرة الجواز لكن مسيري في يوم من الايام لازم أتجوز .
وبالفعل اضطريت أني أوافق علي خطوبتي لجمال خصوصا انه شكله مويس وحالته كويسة وبالفعل تمت الخطوبة .
و رغم ان جمال كان شاب طويل ووسيم ورياضي واي بنت تتمناه لكنه كان قليل الكلام ودايما قاعد ساكت .
وفي فترة الخطوبة اللي كانت مش طويلة حاولت انسي هادي واحب جمال علشان اهيأ نفسي اني اعيش معاه لكن الحقيقة مش قدرت احبه ابدا وهو كمان كان واضح عليه انه مش بيحبني !!
مرت الايام بسرعة لحد ما وصلنا ليوم الفرح وكان عمري وقتها ١٦ سنة وكتبوا عقد عرفي لغاية ما اكمل ١٨ سنة .
انا كنت غير أي بنت في اليوم ده !!
أي بنت يوم فرحها بتكون سعيدة وفرحانة وحاسة ان كل الدنيا بتضحك لها لكن انا كان احساسي هو العكس تماما !!
وزي اي بنت روحت الكوافير ولبست فستان الفرح والطرحة وقعدت في الكوشة جنب العريس وكنت بحاول اداري حزني و دموعي و كان حولنا كل اهلنا واصحابنا والجيران .
الوحيدة اللي شوفتها حزينة كانت خالتي ام هادي و عينيها شوفتها بتقولي كان نفسها
