مذكرات حبيبه الفصل الثاني حصريه وجديده

ودخلت اوضتي تاني وقفلت عليا بابي بعد ما كان جمال خرج لهم وقعد معاهم .
أمي كلمت جمال وطلبت منه أنه يعاملني كويس .
بعد انصراف اهلي دخل جمال الأوضة وبدأ يحاول يداعبني ويهزر ويضحك معايا لكن بعد ما كانت كل مشاعري ناحيته تحولت لكره واشمئزاز بعد االي حصل منه !!!
جمال نادي علي امه وقالها هاتي يامه الفطور .
ردت أمه انا بردو اللي هجببلكم الفطور يا جمال !! ده انت معندكش ډم !! ما تخلي عروستك تقوم تجهزلك فطارك .
خرجت وجهزت الأكل لجمال وقدمت له الفطور وكان نفسي لو كنت احط له سم بدل الأكل !!!!!
ومرت الايام الأولي من جوازي و كل ما اتعامل مع جمال بكره واشمئزاز اكتر كان هو يتعامل معايا بقسۏة أكبر وبالتالي كانت مشاعر الكره والاشمئزاز من جوايا له تزيد أكتر وأكتر !!
لم تكن القسۏة من جمال وحده ولكن أمه كانت أشد منه قسۏة !!
لم تكن اعمال الدار بالعمل الصعب فقد اعتدت عليها منذ طفولتي في دار ابويا .
ولكني كنت أشعر في هذه الدار أني خادمة لهم ثم بدأت متاعبي تزيد عندما بدأت أشعر بالحمل !!
مر علي زواجي أكثر من شهر و بدات متاعب الحمل تظهر عليا ومع قلة الأكل بسبب الحمل 
حماتي كانت بمجرد ما تشوفني نايمة كانت تصحيني وتجبرني اني اقوم واعمل اي شغل في الدار حتي لو كان مش ضروري !!!!!
ومهما كانت تشوفني تعبانة كانت بتصمم أني اقوم بكل شغل الدار وحدي !!
ولما كنت برفض او اعرفها اني تعبانة ومش قادرة كانت تقولي بطلي دلع وخلصي الشغل اللي وراكي انتوا كده يا بنات اليومين دول مش فالحين الا في الاحمر والابيض وقلة الادب 
اشتكيت لجوزي كتير وعرفته كتير كل اللي بيحصل من أمه وكان رده الوحيد ده أمي ومداسها فوق راسك و كل اللي تقولك عليه لازم تعمليه وانتي ساكتة .
كل ده غير أن جمال كان دايما عايز يشوفني بملابس عريانة ومكشوفة ڠصب عني ولما كنت بلبس زي ما هو عايز كانت أمه تزعق لي وتجبرني ألبس ملابس مقفولة وتقولي معاكي رجالة في الدار اوعي اشوفك لابسة كده تاني .
كنت مش عارفة ارضي مين فيهم وازعل مين وكأن انا مش ليا اي شخصية او اي رأي !! وكأني جارية اشتراها جمال من سوق العبيد !!
واللي زاد علي افعال جوزي معايا وافتراء أمه عليه نظرات اخوه دياب اللي كنت دايما بلاحظها بتطاردني في كل مكان ومع كل حركة !!
كانت أيام صعبة عليا أوي وكنت حاسة أني عايشة في چحيم .
الوحيد اللي كان حاسس بيا وبأفتراء حماتي عليا هو حمايا