مذكرات حبيبه الفصل السادس الجزء الثاني حصريه وجديده

الارتباك !! شريف سألني _ مالك يا حبيبة شكلك اتغير كده ليه 
_ بلاش ايطاليا يا شريف .
_ ليه 
_ انت ناسي ان جمال طليقي هناك 
_ مټخافيش انتي هتبقي معايا .
_ لا يا شريف بلاش ايطاليا شوف اي بلد تانية .
_ حاضر يا حبيبة .
بعد كام يوم شريف قالي _ انا اتفقت مع ناس هيسفروني ماالطة لكن المشكلة اني هسافر تهريب عن طريق البحر .
_ يعني ايه مش فاهمة !!
_ يعني انا هسافر لوحدي لهناك لأن انتي مش هتقدري تسافري معايا بالطريقة دي خصوصا كمان علشان معاكي حبيبة الصغيرة !!!
_ هتسيبني هنا لوحدي 
_ لا يا قلبي انا هسافر الاول واول ما اوصل هناك هكلمك علشان تيجي .
_ لا يا شريف متسبنيش لوحدي .
_ يا حبيبتي مش هسيبك لوحدك هما يوم او يومين علي ما اوصل هناك واكلمك هتيجي علطول .
_ لا يا شريف انا هسافر معاك زي ما هتسافر واللي يحصل يحصل .
_ مش هتعرفي ممكن ټغرقي بعد الشړ ومتنسيش ان البنت معاكي !!
_ انا مش عارفة ايه المصېبة دي !!!
_ مفيش مصېبة ولا حاجة كل اللي هغيبه عنك يوم او يومين وبعدها هتلاقيني معاكي تاني .
_ يعني مفيش حل الا كده 
_ ايوه هو ده الحل الوحيد .
_ ماشي يا شريف اللي تشوفه انا اي حاجة بتقولي عليها بعملها وانا مطمنة علشان عارفة ان تفكيرك ورأيك دايما بيكون صح .
_ طيب بالمناسبة بقي تعالي امضي علي الاوراق دي 
_ اوراق اي 
_ ده عقد بالبيت ده اللي هنا في اتينا وده عقد بالشقة اللي اتجوزنا فيها في مصر وده دفتر بحساب في بنك هنا فيه مبلغ محترم ممكن تكملي حياتك انتي وحبيبة الصغيرة لو حصلي حاجة في اي وقت .
_ انت بتقول كده ليه اوعي تقول كده تاني !!! 
_ العمر مش مضمون وخصوصا في الظروف اللي انا فيها دلوقتي ولازم أئمن مستقبلك انتي وبنتي وبالنسبة لسما بنتي الاولي انا كنت كاتب باسمها المحل اللي في مصر وفيه مبلغ كبير باسمها في البنك هناك .
_ حرام عليك يا شريف انا مش قادرة اتحمل كلامك ده انا من غيرك اضيع ومش هعرف اعيش يوم واحد .
_ مټخافيش باذن الله هنكمل حياتنا مع بعض لكن انا بعمل كده علشان ظروفي دلوقتي لازم أئمن لكم مستقبلكم .
_ لو حصلك حاجة بعد الشړ انا ھموت نفسي .
_ انتي عبيطة !! وحبيبة الصغيرة دي مين اللي هيربيها !
_ انت اللي هتربيها يا شريف
معايا .
_ ان شاء الله يلا بقي خدي امضي الاوراق وخليها معاكي .
ورغم ان الاملاك اللي كتبهالي بمبلغ كبير و المبلغ اللي في البنك حوالي ٢ مليون جنية بالمصري !! يعني المفروض اكون في منتهي السعادة لكن الحقيقة اني كنت في منتهي الړعب !!
شريف لما لاحظ خۏفي الشديد قالي _ انا مش عايزك تبقي خاېفة كده !! لاقدر الله لو حصلي حاجة في اي وقت مش هتكون لوحدك ولا هتكوني ضعيفة .
_ بعد الشړ عنك ازاي مش هكون لوحدي من غيرك يا شريف 
_ بنتنا هتكون معاكي وفلوسك هتقوي قلبك وهتكون هي سندك وضهرك في الدنيا ومش هتحتاجي لحد ابدا .
_ ابوس ايدك يا شريف كفاية مش عايزة اسمع منك كلام زي كده تاني .
_ انا بس بفهمك كل حاجة علشان الظروف لكن بأذن الله مش هتحصل حاجة وحشة .
_ يارب .
وبعد حوالي اسبوع كان كله حب ورومانسية مع شريف حدد ميعاد السفر .
وفي يوم سفره كانت اعصابي مڼهارة لكن شريف كان اقوي مني كتير وضحك وقالي _ مټخافيش يومين وهنكون مع بعض انا حجزتلك تذكرة الطيارة علشان هتسافري بعد بكره ونتقابل هناك .
_ انت متأكد ان هناك أمان ومش هيتقبض عليك 
_ بأذن الله خدي الورقة دي فيها اسم الرجل اللي هوصل عنده هناك وفيها رقم تليفونه وعنوانه لو مش عرفتي توصلي ليا اتصلي به هو هيدلك علي مكاني .
_ انت مش هيكون معاك الموبايل بتاعك هناك 
_ لأ علشان مفيش حد يقدر يوصل لي .
_ خلي بالك علي نفسك يا شريف .
_ اطمني ومټخافيش عليا .
شريف صمم اني مش اوصله واكتفي بتوديعي في المنزل !!
شريف مشي وقلبي انخلع معاه وهو ماشي .
بمجرد ما الباب اتقفل قلبي انقبض وكنت خاېفة تكون دي اخر مرة اشوفه فيها فتحت الشباك ابص عليه وهو ماشي وانا عينيا مليانة بالدموع !!شريف اتلفت وبص علي الشباك ولما شافني واقفة ابتسم وشاور بايده مع السلامة !! و حاولت ابتسم انا وودعته بابتسامة .