رواية أصبحت اسيرته بقلم الكاتبه سمسم حصريه وجديده الفصل الاول

مع خطيبته ولكن والدها يصر على خروج اخيها معها
مروان.....ماتروح تشرب عصير يا بسام
بسام..... شكرا مبحبوش
مروان....طب كل لب
بسام.....مبكلهوش
مروان..... وبعدين فيه ده
بسام.....ريح دماغك مش هتعرف توزعنى اصل انا بطبيعتى غتت
مروان .....لاء ماهو واضح
تالين.....وبعدين يلا علشان نتفرج على الموبيليا
مروان.....ماما قالتى على محل حلو اوى
تالين....هى ليه مامتك مصرة انها تخترلنا كل حاجة حتى الوان الشقة هى اللى اخترتها وانا سكت علشان معملش مشاكل
مروان......وماله ذوق ماما
تالين......هو انا هتجوزك انت ولا هتجوز امك
مروان ....انتى عارفة انا مقدرش ازعل ماما
بسام بهمس لتالين......مقولتلك ده ابن امه مصدقتنيش
تالين.....بس بقى علشان انا على اخرى
مروان.....بتقولوا ايه
تالين....ولا حاجة يلا بينا
قامت تالين باختيار غرفة نوم 
مروان.....لاء ماما مبتحبش اللون ده
بسام......الله ېخرب بيت امك
تالين....والله هى هتبقى اوضتى انا ولا بتاعتها هى
بس خلاص انا قفلت من المشوار يلا نروح
بسام.....يلا يا اختى ياحبيبتى نلحق نتفرج على المسلسل الكورى تصبح على خير يا مروان وابقى سلميلى على امك
انا مش عارف انتى سكتاله ليه
تالين.....بس هو قلبه طيب 
بسام.....قلبك ابيض يا اختى يلا نطلع ننام
كان ميعاد زفاف مروان وتالين بعد انتهاء تالين من دراستها الجامعية
.......
فى احد الايام
عاد بسام الى المنزل فى حالة يرثى لها من الخۏف والقلق ولاحظت تالين ذلك فذهبت الى غرفته
تالين...... بسام مالك فى ايه
بسام.....ها مفيش
تالين..... لاء بجد فى ايه مال وشك اصفر ليه كده
بسام.....فى مصېبة يا تالين وهروح فى داهية
تالين.....مصېبة ايه يا ابنى انطق وقعت قلبى
بسام.....الموضوع حصل من سنة كنت انا ونادر صاحبى راكبين العربية بتاعته والفرامل كانت بايظة فخبطنا ولد احنا افتكرنا انه اټعور وخلاص ونادر جرى بالعربية ولما محصلش حاجة افتكرنا انها كانت حاجة بسيطة وزمانه بقى كويس بس اكتشفنا ان الولد ده ماټ وابوه فضل يدور على اللى عمل كده لحد ما وصل لنادر فهو قالى انه مصر يخلينا نتحبس ونادر سافر لاخوه بره وهرب وانا مش عارف اعمل ايه والله العظيم هو اللى كان سايق وانا اللى دلوقتى هروح فى الرجلين بسببه
كانت تالين تستمع لاخيها بعيون متسعة من الصدمة
تالين......وهتعمل ايه دلوقتى لو بابا وماما عرفوا هيروحوا فيها هما مش لازم يعرفوا على ما نشوف