تزوير في أوراق رسميه الجزء الثاني بقلم حماده فاروق هاشم

ابني....
ويظهر كامل ويدخل عليه احمد ويسلم عليه ويقوله...
كل حاجه تمام التمام يابابا...
ايدك بقي علي بدل السفر...
كامل.... يضحك...ويقوله...
انتي مبتنساش حقك خالص....
....................
مشهد 6....بالليل....
دولت قاعد في البلكونه وسرحانه وبتبص للسما وبتفكر....
وبعدين يا دولت...
ھتموتي وبرضو مش هتعرفي ابنك مين فيهم...
حتي عبده عارف ومخبي...
صحيح
مراة عبده....اكيييد تعرف....
بس دى هوصلها ازاى.....
...................
مشهد 7......دولت...
قاعده في العربيه وواقفه ولابسه نضاره سوده وبتبص في الساعه...
يظهر عم عبده طالع من الشركه ويركب الاتوبيس....
تشغل دولت العربيه وتمشي ورا الاتوبيس لغاية ما يقف وينزل عم عبده وتمشي وراه بالعربيه ويدخل شارع صغير...
تركن دولت العربيه وتنزل بسرعه وتبص علي عم عبده وتشوفه داخل بيت في الشارع....
تقلع دولت النضاره وتقول...
ساكن هنا....
...................
مشهد 8
كامل قاعد في البيت بيقرا الجرنال ويبص في الساعه وينادى الدادا ويسألها....
هي دولت اتأخرت لحد دلوقت...
هي مقالتلكيش رايحه فين....
الدادا...
لا والله يابه دى حتي نزلت ومشوفتهاش....
الباب يتفتح وتدخل دولت....
اذيك يا كامل....
كامل...
خير يا دولت...
كنتي فين كل ده مش عوايدك...
دولت...
كنت عند الخياطه يا كامل...
انتي ناسي ان فرح محمود قرب...
كامل...
ااااه طيب يا دولت غيري هدومك علشان الغدا....
دولت...
حاضر يا كامل....
وتطلع علي السلم....
.....................
مشهد 9........فرح محمود...
فرح محمود عاملينو في مركب علي النيل وغنا ورقص وشكل المركب ماشي وسط النيل وكله نور....
احمد بيرقص مع صحابه علي صوت الموسيقي وبيرقصو العروسه علي الاغنيه اللي محضرها محمود وبيغنيها بنفسه وكامل ودولت قاعدين مبسوطين....
مشهد تاني محمود وعروسته واحمد بيسوق العربيه المكشوفه ومشغل موسيقي بصوت عالي وبيفسحهم بالعربيه علي الكورنيش ومحمود بيطلب من احمد يهدى السرعه وياخد باله واحمد يشوحله وكمان بيسقف وهو سايق والعروسه قاعده خاېفه.....
مشهد العربيه وهي داخلة علي الڤيلا واحمد حاطط ايده علي التلكس وعمال يدي تلكسات...
.........................
مشهد 10 تاني يوم...
قاعدين علي السفره بيفطرو....
احمد بيبص لمحمود وعروسته...
صباحيه مباركه يا عريس...
صباحيه مباركه يا عروسه...
ويغمز لمحمود....
والعروسه تضحك وتحط وشها في الارض
اييييه دا كلو نوم....
وكامل يبص ل احمد ويقوله....
ولد...عيب
احمد يرد...
ايه يابايا...هو انا قولت حاجه غلط...
دولت قاعده وسرحانه وبتفكر...
حتي يا دولت فرحة ابنك مش عارفه تفرحي بيها...
ياتري حفيدك اللي جاي ده...
ابن ابنك...ولا لأ....
مش معقول...انا هتجنن...
لازم اوصل لمراة عبده واعرف منها..
هي اكيييد عارفه...
.....................
مشهد 11....دولت تنزل من العربيه.....
وتدخل علي نفس البيت اللي ډخله عم عبده وتقابل واحده نازله علي السلم وماسكه ولد صغير...
دولت....
لو سمحتي....انتي ساكنه هنا...
ترد عليها...
ايوة ياست هانم..يلزم ايتها خدمه...
دولت...
عم عبد...ساكن هنا....
ترد عليها....
قصدك ابو كامل....
تسكت شويه وتفتكر ان عبده مخلف ولد وسماه كامل علي اسم جوزها....
وترد دولت...
ايوة...ابو كامل....
ترد عليها...
في الدور الرابع ياست هانم...
الشقه اللي في وشك علطول اول ما تطلعي....
دولت...
متشكره...متشكره خالص...
ترد عليها...
العفو ياست هانم....
وتبص دولت لفوق وتطلع وتخبط علي الشقه....
تطلع مراة عبده وتفتح الباب...
مراة عبده...
مين...ايوة ياست هانم...عاوزة مين...
دولت...
حضرتك مراة عم عبده...
مراة عبده....تبص ليها من فوق لتحت....وتقولها...
متأخذنيش ياهانم....انتي مين...
اتفصلي...اتفضلي...
تدخل دولت وتقعد...
مراة عبده...
دقيقه هعملك حاجه تشربيها...
دولت...
لاااا لا....ملوش لزوم...
اقعدي...هم كلمتين...هقولهم وهمشي....
وتقعد مراة عبده وبتسأل...
خير...خير يا ست هانم....
دولت....
انا مراة كامل...ك.... ولسه هتكمل...
ترد مراة عبده...
وهي