رواية زواج صالونات الفصل الأخير حصريه وجديده
ما خلصت ثانوي وقدمت كليه شرطه دفعت رشوه كبيره لتاني مره عشان اللي شاف حاجه يعتبر نفسه ماشفهاش واتقبل وقد كان واتقبلت وبقيت نقيب وعملت اللي انا عايزه بس مش كله انتي جيتي بهدلتي خططي كلها ومبقتش عارف اتحرك بسببك كانك كنتي مكتفاني واكتفيت انه الحقيقه تتعرف والقضيه تتفتح تاني وتظهر وطبعا اسم ابويا مش فيها حطيت اسم تاني مشابه وغيرت اللقب اسم حد ماټ برضه وابوكي اعترف واتسجن واتعاقب ومكنتش مكتفي بكدا وطلقتك وبعدت عشان اعمل اللي انا عايزه من غير ما احس انك مسكاني بس برضه مقدرتش واكتشفت اني ف بعدك بټعذب وف قربك برضه بټعذب واختارت قربك عشان طول الوقت كنت خاېف تبقي لغيري وانا عمري ما كنت هسمح بكدا
رد عليه بوش بارد انا مش همنعك
قولتله بعشق انا بحبك اوي ي خالد
بصلي وهو مندهش ومبسوط ف نفس الوقت واتعدل ف قعدته وبقي وشه ليه وقالي قوليها تاني قولتله بحبك
وقربت منه اوي ولاول مره متحرجش منه وابدا انا اتكسفت اوي وطلعت جريت عالمطبخ وانا بنهج بشده وبموت من الكسوف بدات اجهز الاكل وبتباطئ اوي عشان مطلعش علي طول بس خلصت تجهيزه وبصيت للصاله ملقتوش قولت اكيد بيغير هدومه وبياخد دش حطيت الاكل عالسفره وقعدت استناه وهو شويه وطلع وباين علي وشه ان مفيش حاجه حصلت وكان وشه بارد وعادي جدا اتعاملت عادي انا كمان ولا اكن حاجه حصلت وبدانا الاكل وخلصنا وانا شيلت الاكل الباقي دخلته المطبخ وضبطه ولقيته داخلي المطبخ بيقولي قهوه لو سمحتي وهاتيها مكتبي قولتله بهدوء حاضر
طلعت بسرعه لبست وانا متحمسه وخاېفه واتعمدت البس فستان عندي كان ضيق عليه شويه عشان اشوف رد فعله ايه ونزلت وقولتله جاهزه قالي يالا ومشيت قدامه ولقيته بيقولي استني
زفر بقوه وقالي اطلعي غيري هدومك دي
قولتله ليه مالها
قالي بصوت عالي شويه اخلصي مش عايز كلام كتير البسي حاجه واسعه
قولتله حاضر وانا مبسوطه ومشيت من قدامه وقفني تاني قالي استني قولتله نعم قالي انتي بقالك اربع سنين بتلبسي كدا قولتله وانا برفرف من الفرحه عادي يعني
قولتله وانا مبتسمه لاء كنت بلبس درسات واسعه والله
قالي اخلصي بسرعه غيري
مشيت بسرعه لاوضتي طلعت درس تاني وانا قلبي بزغرط من الفرحه وبدندن وبقول بيغير عليه بيغير عليه
خلصت بسرعه لبس ونزلتله وبصلي من فوق لتحت وقالي
