لن_أعيش_في_جلباب_أبي الحلقة التانية من فانتازيا جواز نبيل من نوفا
انت في الصفحة 2 من صفحتين
يرتدي الجلباب انا مش عارف عاجبها فيه ايه بشنبه وشعره ده
فاطمة ده البت قمر طالعة لأمها
عبد الغفور يضحك بس يا ريتها كانت خدت واحد زيي إلا مختارة درفة باب ومصمم يخلع باب الاسانسير
يستقبل عبد الغفور نبيل وابوه ويطلب الوزير ايد نوفا
عبد الغفور انا موافق بس نتكلم في الأصول والأصول ما فيش احسن منها
الوزير بقي بذمتك ابني ده بشنبه شكله يفهم في الأصول يا حاج
كانت فاطمة تصنع العروسة في غرفة نوفا وتخرمها من عين فتحية ومن عين فتحية ومن عين فتحية الي مالا نهاية
ولكن عين فتحية كانت رشقت بالفعل ونزل الوزير وابنه مكبوسين بعد ما الحج رفض يديهم شقة وفوقيها بنته ولسه يا حاج حتفرشها والله
درية الجوازة دي مش حتنفع يا نبيل ده أبوها مستخسر يدي بنته حتة شقة والبنت اصلا شكلها مش سهل
نبيل انا واثق أن نوفا حتأثر عليه
كانت نبيل ينتظرها أمام المدرسة وحضرت نوفا
نبيل حنعمل ايه يا نوفا وابوكي مستخسر فيكي حتة شقة وهو عنده شقق كتير
نبيل الحق عليا اني عاوز عش يلمنا
نوفا عش ايه بطولك ده وقولتلك يا نبيل 100 مرة بلاش تتسهوك
نبيل طيب فكري
نوفا انت حتروح لابويا وتقوله انك مصمم تتجوزني مهما كان التمن حتي لو حناخد شقة قانون جديد في 6 أكتوبر وانا عارفة ابويا طيب ومش حيرضي يبهدلني وساعتها حيتاكد انك مش طمعان وحيوافق علي الجواز علي طول
نوفا أه ولما تطلع مع أبوك خليه يشرب عندنا القهوة عادي احنا مش حاطين فيها سم فيران يا عيلة أوفر
نبيل خد الحاج ابوه الوزير وقال لعبد الغفور انه مستعد يتجوز نوفا أن شالله في ايجار جديد ومن هنا وافق عبد الغفور علي إعطاءهم شقة وهو أولي بالإيجار من الغريب واتفقوا أن درية وبنتها الصفرا يطلعوا بكرة عشان يروحوا مع فاطمة ونوفا و يشتروا العفش
المشهد هزار وفانتازيا ومش هيبوظ المسلسل لأن مدة صلاحية المسلسل الي الأبد ما تقلقوش
لن_أعيش_في_جلباب_أبي
كتابة مشهد ناقصص
