الحلقة الثالثة من فانتازيا جواز نبيل من نوفا

الحلقة الثالثة من فانتازيا جواز نبيل من نوفا 
قررا درية ومرفت الصعود لفاطمة ونوفا حتي يتكلما في تفاصيل العفش 
فتح عبد الوهاب الباب وتنحت مرفت لما شافت دقنه وكانت شايفة أنها احلي من شنب اخوها نبيل 
مرفت انت عبد الوهاب 
عبد الوهاب لا دي شقة المعلم فوزي وأنا مراته الجديدة ....اكيد يعني أنا عبد الوهاب آمال ابوه يا غبية 

تدخل درية وبنتها مرفت ووشها اصفر اكتر بعد كبسة عبد الوهاب ليها
تجلس درية شايفة العفش اللي يقرف ده اللي انا كانوا حيجيبوه لاخوكي
مرفت بس يا ماما... بس يا حبيبتي ونخلي عندنا ډم شوية احسن منظرنا يقرف
درية مش مهم ابنهم اللي فتح ده
مرفت انتي كنتي مسافرة ما الراجل لسه كابسني قصادك
درية بس حلو والدقن لايقة عليه
مرفت نخلص جوازة نوفا ونبيل ونشوف دقن عبد الوهاب بعد كده
دخل عبد الوهاب ليخبرهم فيه حتتين بره فيهم واحدة متربة 
نوفا أكيد أم نبيل واخته الصفرا 
فاطمة طب يلا شهلي ياختي منك ليها قبل ما فتحية تيجي لانها من ساعة ما عرفت وهي نازلة قر فينا وانتي يا سنية روحي قدمي ليهم طبق المسقعة 
بهيرة ما ينفعش يا ماما نقدم ليهم مسقعة 
فاطمة ليه ياختي ده لايقة حتي علي سقعيتهم 
نظيرة كده كده ما تتعبوش نفسكم مش حيرضوا يأكلوا حاجة زي جوزها وابنها 
تصرخ فاطمة قصدك ايه يا معدولة هو في اكلنا ولا نضافته ولا عشان مش عاوزين تتحركوا
نظيرة وفيها ايه لما نجيب شغالة 
فاطمة دول بيوسخوا ما بينضفوش ربنا ما يحوجني ليكم أبدا 
عبد الوهاب خلاص يا ماما اخرجوا بس للناس وانا حاروح المطبخ أكل المسقعة ولا تزعلي 
فاطمة تبتسم تصدق ما حدش بيريحني غيرك 
فاطمة روحوا انتوا عقبال ما أكمل لبس الدهب اللي في الدولاب 
تخرج فاطمة والفتيات وترحب فاطمة ب مرفت ياختي اسم الله اسم الله 
فاطمة تشربوا ايه ولا انتوا زي جوزك الوزير حتوقفونا ونعمل الشاي والقهوة ومش حتشربوا 
درية والله يا حاجة احنا عاملين ريجيم 
فاطمة وهي تضع رجل على رجل مثل درية وترفع ذراعها ليروا الدهب وفرتوا انتوا عارفين كيلو السكر بكام دلوقتي 
درية احنا كنا طالعين عشان نحدد يوم ننزل نشتري العفش 
فاطمة لو بكره مناسبك اعمل سندوتشات ونطلع علي دمياط 
درية متعجبة ايه دمياط دي 
فاطمة هو حضرتك مش من مصر وخريجة مدارس وما تعرفيش دمياط وخشب دمياط وهو فيه خشب أصلا احسن من خشب ددمياط ولا عفش احسن من عفشها ولاولا عاوزنا نجيب كنبة وسرير يكفوا المحروس ابنك منين من ايكاي عشان من أول قعدة يدشدشها... ابنك بطوله ده يا دوب نطلع دمياط 
درية لا لا انا اعرف محلات هنا في القاهرة واحلي من دمياط 
فاطمة المهم حتستحمل ابنك أصل احنا مستحملينكم بالعافية والله 
درية لا حتستحمله ما تقلقيش 
نوفا والله يا طنط انا مش عارفة حضرتك بتختاري عشان ايه مع أن البيت بيتي والعفش