الحلقة الرابعة من حلقات جواز نبيل من نوفا

حاول بس يتكلم مع نوفا 
نبيل ايه يا نوفا القرف ده 
نوفا أحمد ربنا هو انتوا كنتوا دفعتوا ابيض ولا اسود جايين وساحبين عيلتكم واصحابكم وعاوز ابويا كمان يجيب سمير صبري وفيفي عبده ويدفعلهم فلوس ليه ما ناخدهم احنا اولي بعد الفرح نجيب شوية حاجات من السوبر ماركت وونحطهم في التلاجة 
نبيل تصدقي صح احنا أولي فعلا 
نوفا ايوه كده اسمع كلامي وسيبك من كلام درية اللي حيخلص الجوازة بدري بدري 
نبيل اللي تشوفيه يا حبيبتي 
أما مرفت فتذهب للوقوف بجانب عبد الوهاب اللي كان مش شايفاها ومركز مع فتحية وهي مطلعة الكيس الأسود وبتلم البوفيه 
مرفت ممكن تحطلي ورق عنب 
عبد الوهاب والله كان علي عيني خالتي فتحية خدته كله بس فيه مكرونة بشاميل 
ينادي عبد الوهاب علي بطة يا بطة ممكن طبق مكرونة 
بطة لو عاوز الصينية كلها اجيبها ليك 
عبد الوهاب لا دي مش ليا دي لمرفت أخت نبيل 
تتدخل فتحية وتسحب الصينية وتضعها في الكيس 
فتحية خلصت يا ضنايا 
انتهي الفرح وذهبت نوفا مع زوجها نبيل الي منزلهم لبدء حياة مادية سعيدة 
أما فاطمة فكانت تحاول إقناع عبد الغفور بزواج عبد الوهاب من فاطمة ولكن عبد الوهاب كان في حيرة بين بطة ومرفت 
بطة بنت خاله ومؤدبة وبتعمل صينية مكرونة بالبشاميل تحفة ومرفت حلوة وډمها خفيف وبنت وزير 
كان نبيل يحاول من أول يوم استغلال نوفا ولكنها كانت تعرف نيته وطمعه وقد فرحت بنيته ولكن يجب أن تكون لصالحها هي فقط 
وكان نبيل يغازلها علي الفطار ويلمح لها بوجود الطباخ والسفرجي 
نوفا بقولك ايه يا نبيل واحدة واحدة مش كده اتقل علي الرز 
نبيل انا بس كان قصدي اني ما اتعبكيش 
نوفا مالكش دعوة بتعبي خلينا في المهم دلوقتي خالتي فتحية وخضير ابنها بيرسموا علي سنية وانا عارفة خضير ده حيحاول يشتغل عند ابويا عشان الوكالة كلها تبقي في عبه 
نبيل طب وانا ممكن اعمل ايه 
نوفا ايه اللي تعمل ايه تنزل تروح تشتغل مع ابويا وتعرف كل صغيرة وكبيرة في الوكالة والمصنع 
نبيل طب وشغلي في البنك 
نوفا شغل ايه أبو 300 ملطوش ده انت لازم تسمع كلامي والا بقي
ما اسمعش منك كلمة عن فلوس ابويا تاني 
نبيل لا لا يا حبيبتي شوفي انا المفروض اعمل ايه وانا حاعمله علي طول 
نوفا حاقولك تعمل أيه عشان تشتغل مع ابويا في الوكالة 
وبكره حنعرف خطة نبيل ونوفا وهل عبد الغفور حيقع في فخهم
لن_أعيش_في_جلباب_أبي