الحلقة الخامسة من فانتازيا زواج نبيل ونوفا

الحلقة الخامسة من فانتازيا زواج نبيل ونوفا
مرت الأيام ونبيل ونوفا يخططا لعمل نبيل في المصنع وخضير يحاول التقرب من سنية وقد اشتغل في الوكالة بالفعل ومرفت ترسم علي عبد الوهاب 
جاءت فتحية غاضبة بعد فرح نوفا 
فتحية غاضبة تقترب من فاطمة وهي جالسة علي الكنبة بقولك ايه يا حاجة انتي لازم تردي عليا في موضوع سنية ولا اسيبها تضيع من أيدي زي نووووفا 

فاطمة ده ربنا نجدها نوسة قصدي نوفا اهدي يا فتحية اهدي وصلي علي النبي 
فتحية تجلس عليه الصلاة والسلام كده برضه يا حاجة كده برضه يا حاجة وانا اللي كنت فاكرة أننا أهل 
فاطمة أخس عليكي يا فتحية طب وربنا ازعل منك هو انا ليا غيرك انتي وسيد 
فتحية كلام مدهون بزبده يطلع عليه الشمس يسيح 
فاطمة ټضرب كفيها انتي اتعديتي من عبد الغفور ولا ايه هو انا ناقصة أمثال 
فتحية بلاش أمثال نسيبنا منها ايه رأيك سيد يفاتح الحاج عشان نخطب سنية ل خضير 
فاطمة ماشي بس خليه وهو بيفاتحه يعمله طبق كشړي زي زمان أصل عبده يشم ريحة الكشري من هنا يوافق علي أي حاجة علي طول اسأليني انا 
فتحية تصفق وتزغرد يا هناك يا سعدك يا خضير يا لي امك دعيالك نفسي ابوسك يا حاجة بس خاېفة الروج يلحوسك.. أنا هاروح اشتري حاجات الكشري عشان سيد يرجع من الشغل من هنا يعمله من هنا 
فاطمة أه ما تنسيش العدس ما تخلهوش يسويه علي الآخر والرز يهويه شويه بعد ما ينزله من علي الڼار 
فتحية طيب وأخبار المكرونة ايه 
فاطمة تضحك لا المكرونة عال العال 
فاتح سيد عبد الغفور وهو يأكل الكشري ومبسوط
سيد قولت ايه يا حاج ولا احنا مش قد المقام
عبد الغفور عيب يا سيد ده احنا أهل
ووافق عبد الغفور علي خطوبة سنية ل خضير
كانت نوفا في زيارة لأمها وأخواتها وعلمت بطلب خضير ليد سنية وأيضا بعمل خضير في الوكالة 
نوفا غاضبة كل ده يحصل وما اعرفش خلاص اتجوزت وبقيت بتعاملوني زي الاغراب 
فاطمة يا بت افهمي ده احنا لسه موافقين من ايام والله كل خۏفي على سنية اختك من فتحية وهي سنية الطيبة دي حتعاشر فتحية ازاي لو كنتي انتي كنا وافقنا علي طول لكن اقول ايه ربنا نجد خضير ابن أخويا منك 
نوفا قصدك ايه يا ماما 
فاطمة غاضبة قصدي اللي فهمتيه يا ختي هو انا حخاف منك ولا ايه 
نوفا طبعا ما لازم تحامي لأبن اخوكي 
فاطمة لا وابوكي خدلهم شقة شرحة وبرحة وحيفرشها ليهم أصل سنية وخضير دول طيبين ويستاهلوا 
نوفا طب طب وبابا حياخد منهم ايجار زينا 
فاطمة لا هو خضير حيلته حاجة ابوكي ياخدها منه 
نوفا تدعي البكاء يعني وهو احنا اللي حيلتنا حاجة ده مرتب نبيل علي المصروف اللي باخده من ابويا بنرجعه تاني لابويا عشان ايجار الشقة 
فاطمة وبتاكلوا منين