لن_أعيش_في_جلباب_أبي الحلقة السادسة من فانتازيا جواز نبيل ونوفا

الحلقة السادسة من فانتازيا جواز نبيل ونوفا
ذهب نبيل الي الحاج عبد الغفور للعمل بالمصنع وكان يرتدي الجاكتة الحمرا والقيمص الأسود 
عبد الغفور من أولها جايلي بأحمر 
نبيل هو حضرتك زملكاوي ولا ايه 
عبد الغفور لا اهلاوي ولا زملكاوي و من بكره تلبس زي ابني عبد الوهاب الترنج الأخضر المشجر او زي خضير الترنج الأسود
نبيل طب وبالنسبة لإبراهيم 
عبد الغفور لا ده ابوه عنده بيجامة ححاول اجيبهالك تلبسها في البيت 
نبيل اللي تشوفه يا عمي 
عبد الغفور شوف يا نبيل يا ابني أنا عاوزك تبقي عيني في المصنع أنت عارف إني طول النهار في الوكالة والمصنع زي ما انت شايف كبير ولازم حد تبعي يقعد فيه وأنا ادتك الفرصة دي يا ريت تكون قدها 

نبيل أن شاء الله يا عمي أكون قدها وقدود كمان 
عبد الغفور حنشوف وانا حاربطلك ماهية حلوة ما تقلقش يلا روح على مكتبك حتلاقي موظف هناك حيساعدك 
نبيل يتجه الي مكتبه ويتعرف علي زميله 
زميله انت نبيل صح اعرفك بنفسي انا باسم أبو السعود 
نبيل تشرفنا يا باسم شكلك ابن عز زينا ايه اللي رماك علي المر 
باسم ماما يا ستي ....قصدي ماما يا سيدي عاوزاني اطلع السلم من أوله 
نبيل ويا تري السلم أخباره ايه 
باسم مع الحاج عبد الغفور حيتقطع نفسك بس ما تقلقش انا وانت مع بعض حنقدر 
نبيل بسعادة لأنه وجد من يساعده تشرفت يا باسم 
أما إبراهيم فذهب مع محفوظ ومراته عشان يخطبوا بهيرة وكان نبيل يستعد للذهاب مع نوفا 
نوفا تحضر البدلة الحمرا
نبيل بلاش البدلة دي دي مش عاجبة ابوكي 
نوفا آمال حتلبس ايه 
نبيل هاتي الصفرا اهو لايقة عليا شكلا وموضوعا 
نوفا أهم حاجة تحاول تصاحب اللي اسمه إبراهيم وتعرف مېته عشان انا متاكدة انهم داخلين علي طمع 
نبيل استغفر الله العظيم الناس ما بقتش تخاف ربنا 
نوفا منهم لله ربنا يديهم علي قد نيتهم 
ذهب نبيل بجاكتته الصفرا مع نوفا وذهب خضير بترنجه الأسود وخرج عبد الوهاب بترنجه المشجر 
ينظر إليهم عبد الغفور ويفرح بالألوان اللي تقرف والنسب اللي يقرف برضه 
عبد الغفور عارف يا إبراهيم يا ابني جدك ده افضاله كتير