لن_أعيش_في_جلباب_أبي الحلقة السادسة من فانتازيا جواز نبيل ونوفا

عليا ده هو اللي علمني الأمثال كلها اوعي تكون مش حافظاها 
إبراهيم حافظاها صم 
عبد الغفور يبقي حتوصل في يوم من الأيام بس كلمتين بينك وبين عبد الوهاب تاخده معاك تعلمه كام مثل احسن الواد طين اوي 
إبراهيم بس كده من عنيا يا حاج 
يأخذ نبيل وخضير إبراهيم ليجلسا معه 
نبيل ايه يا إبراهيم وانت بتشتغل ايه
إبراهيم انا لسه متخرج جديد 
خضير طب ناوي تشتغل فين 
نبيل شكلك داخل علي طمع 
إبراهيم وانتوا داخلين على ايه 
خضير علي طمع بس ما بنقولش 
نبيل خد بالك انا المصنع تبعي 
خضير وانا الوكالة تبعي 
إبراهيم طب وانا 
نبيل انت تاخد بعضك كده وتاخد من أبوك محفوظ يعني أبوك معاه وجاي طمعان في حماي الغلبان 
إبراهيم طب وبهيرة 
نبيل خدها معاك اهو حتى العدد يخف شوية في البيت 
يحزن إبراهيم بعد ما أحلامه تتبدد ويقرر أن يبدأ من الصفر مع بهيرة 
إبراهيم انا ماشي عاوزين حاجة مني قبل ما أمشي 
نبيل أه أبوك كان عنده بيجامة حاموت واخدها هاتها المرة الجاية اوعي تنسي 
تزوج إبراهيم من بهيرة وقرر الا يشارك في محاولة الإستيلاء علي ثروة عبد الغفور فهو سردين ابن سردينه واستحالة يأذي حبيب جده 
كانت نظيرة في زيارة لمصنع والدها عندما رآها باسم وأعجب بيها 
لاحظ نبيل إعجاب باسم بنظيرة 
نبيل أسمع يا باسم نظيرة دي حبيبة أبوها أي حد حيحاول يأذيها أبوها مش حيسكت 
باسم وهو أنا يعني ماليش نفس زيكم ما تدخلوني معاكم في اللعبة طيب 
نبيل طب أنا ححاول بس اوعي تأذيها يا باسم إحنا عندنا ولايا
باسم عارف يا نبيل انت بتفكرني بواحد صاحبي كان ندل زيك بس عنده برضه ولايا.. على العموم ما تخافش أنا علي الخفيف كده وأول ما اخد غرضي حاخلع علي سويسرا عند بابا
باسم يكمل طب بالإذن بقي أروح أعلن الحب علي نظيرة بنت عبد الغفور البرعي 
نبيل يا وعدي يا وعدي 
أما مرفت فقد حاولت مع عبد الوهاب دون فائدة فهو يريد السفر الي اوروبا 
وكان الخبر صدمة لفاطمة وقد نزلت لمرفت ودرية 
فاطمة بقي بنتك مش قادرة توقع ابني في حبها وتخليه يقعد معايا ده انتوا قدرتوا على نوفا مش قادرين