رواية إبن أبويا وأمي البارت السادس والسابع والثامن والتاسع والعاشر بقلم عادل عبدالله حصريه وجديده

عجبنى كل ساعه انزل حلقه
ابن أمي وأبويا
الحلقة العاشرة
عبير اطمن مفيش حاجة من دي انا بس كنت بطمن عملت ايه 
عملت ايه في ايه مش فاهم .
عبير مش بعد ما انا مشيت قعدت تفكر في كلامنا 
استغربت هي عرفت منين اني كنت بفكر في كلامها !! رديت عليها عاوزة ايه يا عبير  
مفيش يا بشمهندس يعني انا غلطانة اني بتصل بيك !!
وفجأة الاتصال اتقطع اتصلت انا بيها علشان اعرف هي عايزة ايه بالظبط .
كنتي بتقولي ايه يا عبير 
كنت بسألك انا غلطانة اني بتصل بيك  
ايوه غلطانة وبصي بقي انا بحب مراتي ومفيش في دماغي اي حاجة تانية .
ربنا يخليكوا لبعض ومين جاب سيرة حاجة تانية !! 
وخلي بالك اتصالك بيا بالطريقة دي غلط لو في اي تفكير في دماغك من ناحيتي انسيه خالص .
انا مش بفكر من ناحيتك الا في كل خير .
مش واضح يا عبير اللي واضح ان تفكيرك من ناحيتي كله غلط في غلط خلي بالك انا بعتبرك زي اختي من وقت ما اتجوزتي اسامة .
وانا عملت ايه علشان تقولي الكلام ده كله ! كل الحكاية اني كنت عاوزة حد اشتكي له من اسامة وعلشان انت اخوه كنت هشتكيلك انت منه .
اسامة رجل وسيد الرجالة ومش مقصر في بيته في اي حاجة شوفي نفسك انتي وعيالك بتاكلوا احسن اكل وبتلبسوا احسن لبس عايزة ايه تاني !!
وهي الحياة كلها اكل ولبس وبس اخوك بيسيبنا لوحدنا بالاسبوع والاتنين منعرفش عنه حاجة .
وفيها ايه ظروف شغله كده . وارجوكي بقي ابعدي عني وعن مراتي ومتدخلناش في حياتكم مشاكلك انتي وجوزك حلوها مع بعض بعيد عننا .
انا كنت فاكرة ان انا ليها غلاوة عندك وهتسمع مني لما اشتكيلك . وعموما انا اسفة .
قفلت معها وكنت فرحان اني قدرت اقولها الكلام ده علشان تبعد عني وعن مراتي .
ومكنتش عامل حساب المفاجأة اللي حصلت بعد يومين !!
اتفاجأت باسامة جاي البيت وهو في قمة غضبه وبيتهجم عليا وبيزعق وبيقولي ايه اللي انت عملته ده يا ابن امي وابويا بتعاكس لمراتي !! صحيح انك ندل وجبان مش هسيبك الا لما امۏتك !!
انا كنت مندهش من كلامه وبعدين بدأت استوعب وقولتله طيب اهدي كده مفيش حاجة من اللي انت بتقولها دي حصلت .
تنكر ان انت عاكستها 
عاكست مين يا مچنون انت !! انت اتخبلت في دماغك !! 
ايوه عاكست عبير لما رجعت من شغلك وكانت مراتك مش موجوده وهي قاعدة بتخلي بالها من بيتك ... 
مين اللي قالك كده 
هي عبير بنفسها اللي قالت .
لا يا حبيبي مراتك كدابة محصلش اللي انت بتقوله ده انا لما رجعت ولقيتها هنا لوحدها كنت هخرج استني بره لحد لما ترجع سندس و سندس رجعت علطول بعد دقايق .
والتليفون ده بيكدب هو كمان !!
تليفون ايه مش فاهم 
هتنكر كمان انك اتصلت بيها وكلمتها كلام ساڤل زيك !! 
محصلش .
اهي مكالمتك ليها متسجلة علي التليفون !!
هي اللي اتصلت بيا ولما المكالمة انقطعت اتصلت بيها اشوفها عاوزة ايه 
التليفون عليه اتصالك انت بس يا كداب .
هي اللي تلاقيها مسحت اتصالها وبعدين احترم نفسك ومتنساش اني اخوك الكبير .
اذا كنت انت نسيت انك اخويا و عاكست مراتي !!!
اه طبعا افتكرت حب زمان .
مفيش داعي للي بتقوله ده وانا عمري ما نسيت انك اخويا بالعكس انت اللي كنت دايما بتنسي وانا اللي كنت بحافظ علي الاخوة اللي بينا ومراتك اختي من ساعة ما اتجوزتها .
انا مش هحاسبك المرة دي لكن ورحمة ابوك لو عرفت انك عاكستها ولا اتصلت بيها تاني ولا قربت ناحية بيتي لأكون مخلص عليك بأيديا ومن النهاردة انسي ان ليك اخ اسمه اسامه .
جري اسامة وخرج من البيت وكانت سندس واقفة وسامعة الكلام كله وبمجرد ما خرج دخلت تلبس ولمت هدومها علشان تمشي .انزل كمان حلقه اليوم ولا بكره
تابعووووني