رواية اڼتقام مچنون الفصل السادس حتى الأخير بقلم عادل عبدالله حصريه وجديده
كتير انما دلوقتي لأ .
طبعا أكيد كلكم دلوقتي هتقولوا ان انا غلطانة وازاي اسمح لنفسي ابات مع راجل غريب وانا ست متجوزة !!!
لكن الحقيقة أن خۏفي مع كرههي لمعتز مع قلة حيلتي كل ده وأهلي السلبيين جدا معايا كلهم خلوني فعلا افكر فى نفسي قبل ما افكر في اي حاجة تانية .
اسامة انا عايزك تدخلي تغيري وتاخدي دش وتهدي خالص وانسي موضوع معتز ده ايا كان اللى هيحصل انا معاكي ومش هسيبك حتى لو الدنيا كلها شافتك ست مش كويسة انتي ليا انا وبتاعتي انا وانا شايفك احسن ست في الدنيا وساعتها هتجوزك وتبقي مراتي وهواجه الدنيا كلها علشانك .
ايوه فعلا قولتلك كده علشان دي الحقيقة .
طيب اي هي حقيقة جوزي اللي انا مش عارفاها يا اسامة قولي الاول كمان انت ومعتز اصحاب من أمتي
ضحك اسامة اوي وقال الصراحة انا عمري ما كنت صاحبه ولا هو يعرفني اصلا .
مش بالظبط انا وجوزك مش اصحاب لكن انا اعرف كل حاجة عنه وكل حاجة عن حياتكم مع بعض .
ازاي وضح يا اسامة لأني مش فاهمة حاجة !!
انتي لما اتجوزتي انا سألت عن جوزك لحد ما عرفت كل حاجة عنه فضلت اسابيع وراه عرفت بيته واهله وشغله واصحابه عرفت اسلوبه وشخصيته وعلاقاته مع اهله شكلها اي بيحب مين وبيكره مين اصحابه مين
متابعتي ومراقبتي له مش وقفت لحد هنا انا حاولت اتعرف عليه علشان اعرف عنه أكتر لكن الصراحة جوزك دمه تقيل ورخم ومبيعرفش يصاحب حد !! حتي اصحابه كلهم ٣ شباب بس هما بس اللي مصاحبهم اضطريت اني اصاحب واحد من اصحابه علشان اعرف منه كل حاجة عن جوزك بطريقة غير مباشرة .
ياااه !! للدرجادي !!
ضحك اسامة ضحكة مصطنعة انتي متعرفيش بعدك عني وجوازك عمل فيا ايه !!!!!
عرفت ان بعد كام شهر من الجواز حياتكم اتحولت لچحيم وان مشاكلكم كانت مستمرة كل يوم مش هنكر اني فرحت .
فرحت !!!!!!
ايوه فرحت لسببين الاول علشان اتجدد عندي الامل انك ممكن تطلقي منه ونرجع لبعض تاني والسبب التاني علشان تعرفي الفرق بيني وبينه بين اللي بيحبك بجد وبين اللي بيذلك وبيقهرك باسم الحب !!
ولأول مرة كنت اشوف الدموع في عيون اسامة !!! صعب اوي لما يكون راجل ملو هدومه زي اسامة كله رجولة وشهامة وتشوف الدموع مالية عينيه وبيحاول يمنعها بالعافية !!!
قربت منه واخدت راسه في حضڼي حسيت انه زي ما يكون طفل صغير لكن في جسم شاب كبير .
رفع راسه وقالي اللي انتي مش عارفاه عن جوزك انه له شقة تانية من زمان بيقابل فيها عشيقاته .
ايوه يا مني جوزك طول عمره بيعرف ستات شمال حتي قبل ما يتجوز كان كده عمره حتي ما كان بيعرف بنت او يعيش قصة حب لكنه كان بيجيب من الاخر وبيعرف ستات شمال .
ولما كان بيقولك عنده شغل وهيبات بره ولا هيسافر يوم او يومين كان بيكون مع واحدة منهم بس بتكون عجباه زيادة شوية ومش شبع من ساعتين تلاته معاها فكان بيقضي معاها يوم ولا يومين وحضرتك الزوجة المغفلة اللي نايمة علي ودانها وبتستنيه وبتدعيله ربنا يقويه !!!
هو فعلا كان كل فترة بيغيب عن البيت يوم او يومين وساعات تلاتة !!
عرفتي بقي اني مش بكدب ولا بضحك عليكي
الحيوان الندل الجبان !! يعني مع الذل اللي شوفته ده كله كمان كان بيخوني
