رواية الهجينه الجزء الثاني الفصل السادس والسابع والثامن والتاسع والعاشر بقلم ماهي احمد حصريه وجديده
انثي انها تبقي معايا وقت الخطړ
عز ابتسم ولف وشه لورا وهو ماشي وبص وراه للذئب الاسود اللي اول ما بصله طلعله سنانه وبصله نظره شرسه
عز واضح انهم مش مطمنين ليا
مره واحده داغر ھجم علي عز وقبض بأيديه علي زوره ورجعوا ورا بكل قوته ولزق ضهر عز في الشجره .. داغر بقي بيكلمه بكل ڠضب وهو قابض بأيديه علي زوره
عز بلع ريقه بالعافيه وبيحاول يتكلم
داغر تعرف اني ممكن في لحظه انهي حياتك حالا
عز زي ما انا ممكن انهي حياتك .. انت .. انت كمان في لحظه
داغر وعز الاتنين وشهم كان في وش بعض اول ما عز قاله كده داغر وطى بوشه تحت عز غرز المسډس في بطن داغر عشان يحس بي
عز زي ما انت ضوافرك جوه زورى .. طلقه مسډسي بحركه مني هتبقي جوه جسمك .. انا مش عدوك احنا الاتنين اهدافنا واحده
داغر اهدافنا واحده لما يبقي في حاجه بينا مشتركه لما نعرف حتى انت مين
عز نزل المسډس وحطه ورا ضهره
عز انت ماسألتنيش عشان تعرف حتى انا مين
اسأل عشان أجاوب
داغر ازاي قدرت تتعامل مع عمار بالشكل ده .. انت المفروض من طباعك انك تستغرب وتخاف من اللي بيحصل حواليك مستذئبين في كل مكان وواحد عايش مع الذئاب حياتهم غريبه ازاي قدرت تتعامل النهارده مع عمار بالشكل ده
عز انا راجل تاجر سلاح يعني قابلت وشوفت كتير مش هنكر اني ماشوفتش زيك قبل كده ولا شوفت زي عمار .. بس شوفت حاجات تخليني اصدق ان اللي زيك وزي عمار موجودين علي وش الدنيا ..
داغر وازاي قدرت تطلع اسوأ ما في عمار
عز ابتسم ورفع كف ايده وشاور علي صدره
عز لاااا .. دي بقي لعبتي .. انا اعرف اطلع اسوأ ما في اللي قدامي وبقرا البني ادام اللي قدامي بسرعه واعرف اجيب اخره ازاي دي شغلتي .. وعمار جواه كتير مافيش اسهل من انك تطلع اسوأ ما في اللي قدامك وده اللي كنت بعمله النهارده بطلع اسوأ ما في عمار
عز تقصد ايه
داغر احنا هنا لوحدنا لا يزن ولا عمار ولا رعد
يعني تقدر تتكلم بحريتك
عز هرش في مناخيره وحط ايده في جيبه وبص للسما واتنهد شاور بصباعه لداغر
عز ممممم حابب فيك ذكائك
داغر مش انت بس اللي بتقرا اللي قدامك .. انت هنا ليه وانت عارف ومتأكد ان المعركه بتاعت بكره الجزار مش فيها
عز طالما بنلعب علي المكشوف يبقي نتكلم بصراحه
داغر ياريت
عز غالب اخوك
وقف مشي ووقف مكانه باستغراب
عز كان بيتاجر في كل شىء تجاره اعضاء .. وتجاره سلاح .. ودعاره بصراحه كان وحش اوي اخوك ده
داغر قاطعه في الكلام
داغر غالب عمره ما تاجر في السلاح
عز اتكلم بكل ثقه وبهدوء
عز لاء قبل ما ېموت اتفق علي صفقه سلاح كبيره اوي .. اوي كمان واستلمها محدش كان يعرف حاجه عن صفقه الاسلحه دي غيره هو واللي باعهاله يعني حتى رعد مايعرفهاش
وخباها في مخبأ الوحيد اللي يعرف مكان المخبأ ده رعد بس الوحيد اللي يقدر يفتح المخبأ ده هو انت
داغر ضم حواجبه باستغراب
عز انا .. ازاي
عز كمل مشي وداغر مشي وراه وبقي بيتكلم پعنف
داغر بقولك انطق ازاي
عز بالراحه شويه انا عايزك تهدى .. المخبأ ده معمول بكلمه سريه وهو بيشترى صفقه الاسلحه صاحب الصفقه بقى يوصيه انه يخللي باله دي ثروه كبيره ولو باعها في الوقت المناسب هيكسب من وراها مليارات غالب قاله انه عارف كويس هيخبيها فين ومافيش حد في الدنيا هيقدر يسرقها منه والاتنين اللي يعرفوا يوصلوا لمكان الصفقه مايعرفوش حاجه عن بعض وقتها وكمان قال لصاحب الصفقه ان اخوه الاعمى هو الوحيد اللي يقدر يعرف كلمه السر المشتركه اللي ما بينهم عشان يفتحوا المخبأ ..
داغر عشان كده كان محتاج الماس قبل ما ېموت
عز بالظبط .. غالب قبل ما ېموت دفع كل فلوسه في الصفقه دي جمد فلوسه كلها علي هيئه اسلحه كان هيبيعها في الوقت المناسب عشان كده كان عايز يعوض خساره فلوسه دي بالماس اللي كان معاك .. الماس اللي اتبرعت بي واتنازلت عنه
داغر وانت طبعا عايز الاسلحه دي ومن البديهي انك مالقيتش يزن وساره وشمس وسط التلج
عز مراد صحبي وشريكي كان مراقبكم بقالوا فتره وبيقولي
