نوفيلا قصيرة زوجة_علي_الطريق الجزء الثاني والتالت بقلم أماني عنان حصريه وجديده
انت في الصفحة 5 من 5 صفحات
شويه
فاتن بتلف قدام جوزها شمال ويمين وهو مش واخد باله فقالت له
ايه رايك
رجب بيقلع هدومه .. في ايه
في لبسي الجديد
رد .. رجب من غير مايبص ناحيتها
اه جميل جميل
فاتن .. بس كدا
رجب غير الموضوع ببرود محمود نام
فاتن بصوت واطي .. اه من بدري
رجب باندهاش ماحصلتيهوش ليه ياوليه
رجب دخل تحت الغطا وقال .. فيكي الخير يام محمود والله تعالي جانبي تعالي
رمت الهدوم من أيدها وجريت بسرعة ناحيته وهي بتشخلل بالغوايش الصيني اللي في دراعها وأول مادخلت تحت الغطا اداها ضهره ونام من غير لا سلام ولا كلام ..
اتصل هشام بوالدة نادية وهو منفعل
الو
والدتها.. ايوا يا هشام ازيك
والدتها.. لا انتوا مش سافرتوا سوا يابني
هشام .. اتنيلنا ودلوقتي مش لاقيها
تلاقيها في الحمام أو بتشتري حاجة
هشام بيخبط بايده علي العربية ويرد
لا بنتك خرجت من المول علي الشارع بإرادتها شكلها ماشيه بس ع فين ماعرفش
والدتها.. طب اقفل وانا هطلبها
هشام بنفاذ صبر .. الهانم تليفونها مغلق اتفتح من نص ساعة واتقفل تاني
يعني ايه
بنتي فين ياهشام
والله ماعرف حاجة انتي اللي تقوليلي ادور عليها فين
والدتها بحذر .. قبل ماتدور ولا تعمل اللي يسال عنها تقول انها اتخطفت وانكوا سمنه ع العسل وان سمعتها زي الجنية الدهب انت فاهم عشان اخواتها وعشان بنتك وشكلك قدام الناس
احنا في مصېبة مالهاش حل غير أنها ترجع وساعتها مش هتلزمني ولا ثانية واحده بعد كدا
قفلوا وقرر يرجع علي مصر فورا أخته قمر اقترحت يفضلوا في مطروح شويه يمكن تكون لسه هناك لكنه رفض
هشام .. اقعد ازاي بالعيلين دول أسر لسه صغير مش حمل پهدلة
امه قالت مستفهمه.. هشام انت هتبلغ
امه .. وتعمل اكتر من كدا ياما تحت السواهي دواهي
رد هشام لاول مره علي كلام أمه وماسكتش مش كفاية بقي ياماما ماشبعتيش تسخين فيا وشحن عليها ..!!
اتلجلجت واتفاجئت.. انا يابني !
هشام وطي صوته وهو بينفخ في الجو .. خلاص بقي ممكن نسكت شويه محتاج افكر مع نفسي
شيماء
بنت جميلة حظها وحش في الارتباط مافيش علاقة بتكمل لها اتخرجت من كلية التربية وبتشتغل مدرسة في سنتر كانت احيانا تشوف نادية في مكتبة الجامعة لحد مابقوا أصحاب
اهتمت بنفسها اكتر في الفترة الأخيرة لبس وميكب اب ونظام تغذية لتحسين فرصها في الارتباط والحياة بسعادة تقبل لنفسها ..
قافله الاوضة بالمفتاح وراحه جايه
مش علي بعضها بسبب مكالمة نادية بتكلم نفسها
نادية اكيد اټجننت هو في ست عاقلة تهرب وتسيب بيتها وعيالها من غير ماحتي تعرف هتروح علي فين ومع مين
تؤ .. وبعدين بقي
بتبص علي الفون وتكمل .. هي مارنتش ليه لحد دلوقتي أما ادخل كدا علي اكونتها واشوف حد نشر حاجة ولا ايه ..
اتصفحت ملفها الشخصي كله لحد ما وصلت لاكونت هشام دخلت عليه وفتحت صوره..
شيماء .. اممم مش بطال اوي يعني طويل وصدره ماشاء الله عريض شويه رياضة وهيبقي في الفورمه
صوت داخلي رد عليها .. انتي بتقولي ايه دا جوز صحبتك مالكيش فيه نهائي اقفلي الزفت دا وفوقي
شيماء .. ايوا صحيح
التليفون رن ..
شيماء مسكته بسرعة وردت
الو انتي فين يانادية وعملتي ايه
نادية بصوت متقطع الحقيني ..
يتبع
