نوفيلا ليلي الفصل الاول والتاني والتالت والرابع والاخير حصريه وجديده

نوفيلا ليلي الفصل الاول والتاني والتالت والرابع والاخير حصريه وجديده 
صحيت من النوم النهاردة علي صوت تليفوني بسبب إشعارات الفيس بوك معرفش ايه الي خلاني انسي اقفل النت قبل ما انام لقيت حد باعتلي طلب صداقة الساعه ٥ الفجر ... 
حد معرفهوش معرفش ايه خلاني اقبل وبقي عندي فالفريندس 
انا ليلي وعندي ٢٠ سنه في كلية حقوق بس احنا دلوقتي في اجازه اخر السنه .... 
بقالي فترة مبخرجش من البيت بسبب الكورونا وقاعدة زهقانه علي طول وبتواصل مع اصحابي عن طريق النت.... 
اليوم ده كنت بكلم اصحابي وغلبني النوم ونسيت اقفل النت... 

بس بصراحه الاكونت بتاعه شدني جدا هو مش حاطت صور ليه خالص بس البوستات بتاعته عجبتني جدا كلها تفائل وحب للحياه 
اول ما قبلت لقيته باعتلي في ساعتها 
_ ازيك.. 
انت مين انت تعرفني 
_ لا بصراحه بس كنت قاعد زهقان لقيتك قدامي ومحتاج اتكلم مع حد..... 
انا اسمي يوسف وعندي ٢٧ سنه وانتي... 
انا ليلي وعندي ٢٠ سنه....
اتفضل تقدر تحكيلي ايه الي خنقك عشان هعملك بلوك بعد متخلص انا متعودتش اكلم حد معرفهوش وبعدين حد يبعت لحد الساعه ٥ الصبح 
_ انا اسف جدا لو ازعجتك ولو مش عاوزه تتكلمي تقدري تعملي بلوك من دلوقتي.... 
معرفش ايه خلاني اقوله لا انا هسمعك الاول..... 
لقيته بيحكيلي انه اتعرض ل ظلم شديد فالشغل بتاعه واترفد ظلم بسبب واحد بيكرهه .... 
سرق عهدة الفلوس منه واترفد واتعمله قضيه وهو دلوقتي ولا عارف يشتغل في مكان تاني عشان القضيه ولا معاه فلوس يصرف ومامته هي الي بتصرف عليه وهو ابنها الوحيد وهو متدايق دلوقتي عشان هي تعبانه وهو مفيش معاه فلوس.... 
عرضت عليه اني اساعده مساعدة ماديه لكن رفض رفض شديد وقالي.... 
_ هو انا بحكيلك عشان عاوز فلوس انا بحكيلك عشان مخڼوق من فضلك متقلليش مني 
انا خلصت كلامي تقدري تعملي البلوك 
قفلنا الكلام ومقدرتش اعمله بلوك وبقيت كل يوم اكلمه بليل اتطمن عليه ويقولي ان المشكله لسه شغالة.... 
بدأنا نتكلم صوت وبقينا نتكلم صبح وليل بصراحه اتعلقت بيه جدا وانا عمري ماشوفته ولا هو شافني.... 
طلب مني اننا نتقابل .... 
_ لا يا يوسف انا مقدرش انزل اقابل حد معرفهوش 
والله متقلقيش ولو عاوزه تجيبي حد معاكي حتي مامتك انا موافق ....
وهنتقابل في مكان عام قدام كل الناس.... 
بصراحه كلامه طمني ومبقتش خاېفه اروح اقابله بس قولتله يديني كام يوم كده لحد ما اشوف..... 
بقي يكلمني ليل نهار وكل شويه يلح اننا نتقابل .... 
_ انت غريب جدا انت ليه عاوز تشوف واحده متعرفها مش جايز شكلي ميعجبكش انت حتي مطلبتش تشوف صورتي.. 
_ هعمل ايه بصورتك انتي روحك حلوة وانا حبيت الكلام معاه.. 
قعدت اتخيل كلامه وهو ليه مش حاطت صورته قولت اكيد شكله مكعبر وتخين ومش مهتم بنفسه عشان كده مش حاطت صورته.... 
لحد ما قررت اني خلاص اقابله عشان متعلقش بيه وانا مشوفتهوش جايز لما اشوفه اغير رأيي 
اتفقنا عالمعاد والمكان ولبست هدوم عادية بنطلون وسويت شيرت ومحطتش فوشي ميك اب خالص مش متعوده احط كتير وصلت المكان ورنيت عليه قالي خلاص انا قربت اوصلك 
بقيت قاعدة مستنيه الي بكلمه بقالي فترة ومشوفتهوش لحد ما وصل واټصدمت انه......
2
اټصدمت انه غير ما كنت متوقعه خالص شاب طويل وعريض عينه لونها اخضر وشعره ناعم نازل علي وشه لكنه بيعرج وهو ماشي بسيط شكل عنده مشكله في رجله....
لكن جماله غطي علي اي حاجه....
كنت مكسوفه جدا لأني مهتمتش بمظهري وانا جايه اقابله....
سلمنا علي بعض وقعدنا نتكلم بصراحه ارتحت جدا فالكلام معاه حسيت انه انسان قلبه نضيف ....
روحت البيت وبقي شاغل كل تفكيري دخلت الاوضه واتصلت بيه اتطمن انه روح.....
_ غريبه اوي انك اتصلتي بيا معملتليش بلوك....
هعملك بلوك ليه.....
_ اصل انا كنت بحب واحده جدا من سنتين واول ما روحت اتقدمتلها واهلها شافوا رجلي رفضوني من غير كلام...
مالها رجلك انا اصلا مشوفتهاش
_ بتخبي عليا عشان متحرجنيش بس ماشي هعديها...
علي فكرة انتي زي القمر....
كان نفسي ارد عليه واقوله مش انا الي قمر لوحدي يايوسف بس اتحرجت واكتفيت بالصمت ....
_ مالك سكتي ليه...
لا ابدا اصل كنت بفكر في حاجه....
_ بتفكري فيا صح ....
لا طبعا مش فيك