رواية عرض جواز الفصل الاول والتاني بقلم فاطمه علي عبد المنعم حصريه وجديده
انت في الصفحة 1 من 6 صفحات
رواية عرض جواز الفصل الاول والتاني بقلم فاطمه علي عبد المنعم حصريه وجديده
الأول
تتجوزنى ...
افندم !!
بص مهو انت احلى واحد فى المكان وينطبق عليك كل الصفات طويل وزى القمر و عندك عضلات وشكلك كدا مهندس او صاحب شركه حاجه كدا يعنى
انتى مين يا انسه
حلو يبقى نتعرف .. انا فرحه
مطلبتش انى اتعرف على حضرتك وسبينى فى حالى
يابنتى انا مش ناقص جنان ابعدي عنى
لا انت بتزعقلى و كدا عيبه فى حقك يا جنتل
ياربى.. انتى عايزة منى ايه يا مجنونه انتى
تتجوزنى
انت هبله يابت اتجوزك ايه .. انتى جايبه الجراءه الى انتى فيها دى منين مع انه ميبنش عليكى
والله انا مش عارفه ازاى بقولك كدا بس خلاص مفيش حل وهى جت معايا كدا
يا استاذ يا استااااذ
عايزة منى ايه تانى بابت انتى
انا بت !!!!
امال انتى ايه
اسمى فرحه قولتلك
و عايزة منى ايه يا ست فرخه
خلى بالك انت كدا بتلبغ وانا زعلى وحش
وكمان بتهددى يا شبر ونص انتى
اه بهدد ... بص انت شكلك مش مرتبط وانا لازم ارتبط قبل يوم عشرين فى الشهر إلى جاي لان دا يوم حفل تخرجى ودخلت فى رهان مع شله بتكرهنى انى هعرفهم على الى بحبه يوم التخرج لانه اكيد هيكون معايا فى يوم زى دا .. ومع الاسف انا معنديش غير شهر واحد وهتجنن يرضيك يعنى اخسر الرهان قدام نرمين الرخمه اكيد ميرضكش .. ها قولت ايه
وانا هستفاد ايه بقى
يا عم كفايه انك هترتبط ببنوته زى القمر زى هو انا فى منى اتنين
لا طبعا لو فى منك اتنين كان زمان الدنيا خربت
تشكر دا مش موضوعنا المهم هتساعدنى ولا لا
ايه ياعم هو انت فاكرنى فى كي جى
شكلك كدا فعلا
مقبوله منك المهم هااا
ها ايه يا مجنونه انتى انا مش عارف اصطبحت بوش مين انهارده
اكيد بيا المهم بقا هنرتبط ولا لا
روحى يا شاطرة العبى بعيد كفايه تسول
تسول !!!! عموما بص لو غيرت رايك ابقى قولى اشوفك بكره ياهندسه سلااااام
مشيت وسيبته وانا بقول لنفسى انتى مين انتى مجنونه بتعرضى على واحد انه يرتبط بيكى خلاص حيائك مبقاش موجود هو جنان بس اهى محاوله منا هكسب الرهان يعنى هكسب الرهان .. نسيت اقولكم انا فرحه عندى 23 سنه فى كلية هندسه فاضلى شهر واتخرج ربنا ابتلانى بشله عايزة الحړق مستقصدانى انى مش بصاحب ولاد ولا برتبط بحد ودايما بنتقدهم مع ان فى بنات كتير زى بس هما حاطين نقرهم من نقرى متفهمش ليه واخر حاجه حصلت انها سلطت عليا الزفت الى مصحباه علشان يرزل عليا ويدايقنى ووقتها فرجت عليه الكليه وفى الاخر اتحدتنى وعصبتنى
فلاش باك
_ ايه يا عانس هانم لسه محدش ارتبط بيكى
ملكيش دعوة يا منار انا مش رخيصه زى ناس
_ هههه صح انتى عانس بس
