نهار يوم جديد الفصل الاول حتى الفصل العاشر بقلم ساره سلامه حصريه وجديده
شخص ف حبك
منه بتعجب ها
نادر بتوتر مفيش قومي يلا علشان اوصلك البيت
منه شالت جاكيته وادتهوله وقالتله ببراءه
نادر هو انت مهتم بيا ليه
نادر ارتبك من سؤالها وقالها
وانا ههتم بيكي عشان اي يعني اكيد بشفق عليكي واحده زيك لازم الواحد يخلي باله منها
منه بعصبيه خبطته ف كتفه
قولتلك كام مره مش عايزه حد يشفق عليا
اطمني انا مش هخلي حد يشفق عليكي غيري
وبعدين اخدها ومشيوا للعربيه
رامي كان واقف بيراقب المشهد من بعيد
روح بيته وهو حاسس انه مخڼوق ومدايق
فتح باب شقتهم ودخل لقى أخته الصغيره بتتفرج على التلفزيون وكانت بتاكل اندومي
قعد الطبق وهو مدايق وقعد ياكل
ندى بغيظ انت بتاكل اكلي ليه دلوقتي قوم اعمل لنفسك
ندى بغيظ قعدة وكملة بص ع التلفزيون
رامي وهو بياكل بتتفرجي ع اي داه
ندى دي دراما جميله اوي البطل باين انه بيحب البطله اوي بس في واحد رخم كدا واضح انه بيحبها هو كمان معرفش اي الإنسان البارد داه يعني كان لازم يحب دي ما البنات كتير
رامي حط الطبق ع التربيزه پغضب وقالها وهو زنبه اي يعني انه حبها ولا هو مش انسان وعنده مشاعر ولا يمكن ريبورت ويقدر يتحكم ف مشاعره
رامي قام وزق التربيزه برجله بضيق ودخل اوضته وقفل ع نفسه
اترمى ع سريره وبص لسقف الأوضه واتخيل اول يوم شاف فيه منه لما قعد جمبها ف المعمل علشان يدايق نادر وشدة ايده رسمتله ساعه عليها
قال ف نفسه اتمنى مكنتش قابلت البنت دي ولا شوفتها بس بما اني وقعت نفسي معاها ف صعب استسلم
____________
منه ف أوضتها نايمه على سريرها وبتتخيل نادر وهو مخبيها بجاكيته ونازل بيها من ع السطح وعماله تفتكر ف شكله وهو بينشفلها شعرها
ابتسمت بكسوف وشدة الغطا ع وشها ونامت
__________
نادر ف اوضته وع سريره هو كمان
فتح الدرج ال جمبه طلع المنديل بتاع منه ال مرسوم عليه الفيل فضل يبص عليه وهو مبتسم
____________
نهار يوم جديد
منه لبست وخرجت من اوضتها كالعاده علشان تروح جامعتها
صباح الخير يامرات ابويا قصدي ياتنط هدى
هدى بضيق صباح النور اقعدي افطري ولا هتعملي زي كل يوم وتمشي من غير اكل
والدها اقعدي كلي معانا دانتي من يوم ماجيتي مفيش مره قعدتي معانا ع الأكل
قعدو ع الأكل
فجأه هدى مرات والدها قامت بسرعه ع الحمام وهي حاتطه ايدها ع بوئها
ايمن لحقها مالك ياهدى انتي كويسه
هدى بعد ماتقيئت حاسه اني دايخه ومش طايقه ريحة الأكل
ايمن بفرح معقول تكوني حامل
مانت قاعده ع الفطار وسمعته وهو بيقولها معقول تكوني حامل قالت ف نفسها
يلهوووي حامل لو طلع ولد كدا أنا هدخل الجيش
جت هدى وايمن مسندها وقعدها ع الكرسي
هدى بسهوكه اااه مش قادره ياايمن تعبانه خالص
ايمن وهو بيقبل ايدها انا مش عايزك تتعبي نفسك ف اي حاجه بعد كدا انا هعمل كل ال انتي عايزاه
هدى بحب ربنا يخليك ليا يابيبي
منه وهي حاتطه ايدها على جمبها
بابا انا همشي انا بقى
والدها بتعجب مالك حمبك
منه پألم لا دي المراره بس شدة عليا
وبعدين سابتهم واخدت شنطتها ومشيت
نزلت الشارع اخدت نفس وقالت
ااوف مسهوكه بشكل ياترى ماما هتعمل اي لما تعرف انها حامل دي احتمال تروح فيها
كانت ماشيه بتكلم نفسها بعصبيه
رامي كان واقف بعيد مستنيها
شافها وهي جايه ناحيته وعارف انها مش هتاخد بالها منه
راح مادد رجله لقدام شويه
قامت وهي معديه متكعبله فيه راحا وقالها
مسكتك
منه شدت أيدها واتعدلت وقالت بدهشه انت بتعمل اي هنا
رامي هكون بعمل اي واقف مستني حضرتك بقالي ساعه
منه بدهشه مستنيني ليه لا استنى انت عرفت عنوان بيتي منين
رامي مشي لقدام وهو ماسك موبايله وبيرن على حد
منه واقفه مكانها لقت موبايلها بيرن
طلعته بسرعه لقت رقم متعرفوش فتحت وقالت ألو
رامي بص وراه بغمزه وهو حاتط الفون ع ودنه وقالها
مش شايفاني مشيت الحقيني
منه بتعجب انت مين
رامي وهو يتمالك نفسه يابت بطلي الغباء داه انا رامي تعالي
منه قفلت الموبايل وجريت لقدام لحقته وقالتله
انت عرفت عنوان بيتي وجبت نمرة فوني منين !
رامي بغرور
انا رامي يابنت اي حاجه عايز اعرفها بعرفها
منه بدهشه انت خارق بقى طب ممكن تقولي الدعسوقه والقط الأسود هيعرفوا بعض امتى
رامي بتعجب اي القط الاسود داه كمان
منه بسخريه عملتله زي القطه وقربت منه وقالتله نياوو
رامي نبضات قلبه كان صوتها عالي واتوتر
منه ببراءه زي الأطفال وهي عامله ايدها كأنها مخالب نيااااوو
رامي بلع ريقه وزقها لبعيد وقالها
بطلي التفاهه دي بقى
وكمل طريقه
منه بضحك مشيت جمبه پتخاف م القطط
رامي بتوتر ايوا صحيح قوليلي لسه زعلانه من ال كريم عمله امبارح
منه بكسرة نفس لا خلاص وبعدين انت ضړبته وبصراحه متوقعتش
