نهار يوم جديد الفصل الاول حتى الفصل العاشر بقلم ساره سلامه حصريه وجديده
وبعدين متخفيش انا هقولها تفضل بعيد عنك وانتي حاولي متديقهاش خالص اصل البت دي طالعه معرفش لمين
هدى اتعدلت ورفعت شعرها وورته اسار العضه ال لسه ف رقبتها منها وقالتله بعياط
دي مش ياايمن
منه دخلت أوضتها وقعدت تظبط ف هدومها وتحط الكتب بتاعتها على مكتبها وترص حاجاتها ال جبتها معاها وهي حاطه الهاند فري ف ودانها وعماله تدندن مع الأغنيه ومش فارق معاها حاجه
وبعدين افتكرت انها متراقبه
قعدت ع الأرض وهي بتضحك وبتقول
اديني نقلت بيت جديد اما اشوف بقى هتراقبني ازاي
____________
تاني يوم الصبح
خرجت من اوضتها لابسه وشايله شنطتها على كتفها علشان تروح الجامعه الجديده
منه بإبتسامه صباح الخير
منه بإبتسامه شدت مفتاح عربيت هدى من ع التربيزه وقالت هفطر ف الجامعه انا أتأخرت
هدى پغضب انتي واخده مفتاح عربيتي ليه
منه بتعجب يعني اول يوم دراسه ف جامعه معرفش فيها حد ادخل عليهم كدا لازم اتفشخر قدامهم طبعا يامرات ابويا
هدى بعصبيه انتي عارفه اني بدايق من كلمة مرات ابويا دي
وخرجت وقفلت الباب وراها
هدى پغضب انتي يابنت هاتي المفتاح
خرج ايمن من الحمام وهو بيقول
بتزعقي كدا ليه ياهدى ع الصبح
هدى بعياط ربنا يعوض عليا ف عربيتي
__________
ف الجامعه
ركنت منه عربيتها ونزلت منها والكل بيبص عليها واحد من الطلاب قال
خبطته حبيبته ف كتفه وقالتله
انت بتعاكسها قدامي ياحيوان
الشاب بضحك بصراحه البت تاخد العقل واضح انها جديده هنا اول مره اشوفها
منه كانت ماشيه بثقه علشان محدش يستقل بيها خصوصا ان دا اول يوم ليها هنا
دخلت مدرجها وقعدت
طلعت البيبس والشيوتس على الديسك قدامها علشان تاكل قبل المحاضره ماتبدأ
منه بإبتسامه اه خدي كلي معايا
زميلتها بضحك واضح انك فرفوشه خالص
نتعرف انا مريم
منه بحب مدت ايدها وانا منه وانتي بقيتي صاحبتي خلاص
مريم بضحك واضح انك بتاخدي ع الناس بسرعه
منه فتحت البيس ورفعتها وبتشرب شافت نادر الشخص ال انقذها امبارح
مريم خبطت على ضهرها وقالتلها
انتي كويسه
فجأه نادر بص ناحيتها
منه شدت كتاب وحطته على وشها ونزلت لتحت الديسك وهي بتكلم نفسها وبتقول
واضح انك عامله مصېبه يامنه لدرجة ان امن الدوله بذات نفسها بتراقبك ف الجامعه
وقعدت ټعيط زي العيال
نادر اول لما بص عليها لقاها غطت وشها ونزلت لتحت مداش اهتمام وقعد مكانه
مريم اطلعي من تحت الديسك يابنتي في اي
منه طلعت بالراحه وقالتلها
في حد باصص عليا
مريم بتعجب لا مفيش
منه قعدت وهي حاطه الكتاب على وشها وقالتلها بصوت واطي
ال قدام داه بيعمل اي هنا
مريم بتعجب مين تقصدي نادر
منه بهمس معرفش اسمه اي المهم بيعمل اي هنا
مريم بتعجب طالب عادي هيكون بيعمل اي يعني
منه پصدمه طالب ! الشحط دا كله طالب
مريم بضحك لو سمعك هيعمل منك بتاتس محمره دا محدش بيستجرأ يتكلم معاه
منه پبكاء هما امن الدوله كدا محدش يقدر يكلمهم
مريم بتعجب امن دوله اي بس انتي عارفه قصة الشاب دا اي
منه وهي بتتكلم من ورا الكتاب ال ع وشها لا معرفش
مريم دا ياستي ابن واحد غني جدا ورجل اعمال مشهور كان عايش حياته بسعاده واسرته مبسوطه جدا لحد ما ف يوم والده قال انه مسافر بس حصل ظروف ومسافرش فرجع وشاف مراته قاعده مع واحد ف كافيه جمب الفيلا
عرف بعدها انها بتقابل الشخص دا ع طول واعترفت انها بتحبه رغم ان مستواه الأجتماعي مش عالي ولا حاجه بس زي مابيقولوا مراية الحب عاميه المهم ياستي سابت نادر مع والده وطلبت الطلاق وقررت تتجوز الشخص ال خانت جوزها معاه
جوزها من الصدمه قرر يسافر ويسيب مصر اما نادر ففضل 3سنين مبيجيش الجامعه ومأجل كل الفتره دي كلها لأن الطلاب هنا كانوا بيعايروه بخېانة والدته وكان اي حد بيتكلم نادر بيضربه فحصل مشاكل كتير ف الجامعه
منه بتعجب اه علشان كدا شحط ولسه ف اولى جامعه
مريم بضحك هو دا ال لفت نظرك من القصه كلها
منه صحيح قوليلي لما والده سافر هو مسافرش ليه معاه
مريم حصل مشاكل بينه وبين والده فعايش هنا لواحده بس والده مش مقصر معاه ف حاجه مخليه مش محتاج اي حاجه دا يابنتي يعتبر اغنى واحد هنا ف الجامعه
معرفش والدته الغبيه ازاي تخون واحد غني كدا مع حد شبه فقير واحده مبتفهمش صحيح
منه بتعجب بس هو مقلكوش أنه شغال ف امن الدوله قبل كدا
مريم بضحك أمن دوله اي ياهبله بقولك اي اقفلي ع الموضوع داه واوعي تفكري تقولي قدامه اي حاجه عن والدته وقتها ممكن يرتكب چريمة قتل فاهمه نادر بالذات محدش ف الجامعه بيستجرا يتكلم معاه خليكي بعيد عنه خالص
خلصت المحاضره ومنه خدت
