نهار يوم جديد بقلم ساره سلامه الفصل الحادي عشر حتى الفصل الخامس عشر حصريه وجديده
اروح
نادر بص وراه على منه لقاها نايمه ع الديسك مكنش عارف هي هتروح ولا لا
رامي بص قدامه عليها لقاها نايمه ع الديسك وبردو مكنش عارف هي هتروح ولا لا
خلصت المحاضرات ومنه بتلم كتبها علشان تمشي
رامي انتي يا
منه قالتله بعصبيه ليا اسم ع فكره
رامي رجع راسه لورا بتوتر وقالها اسمك غبيه مش كدا
منه بعصبيه اووف انا ماشيه انت واحد بارد اساسا
منه بضيق لا مش هروح اتبسطوا انتو انا مش غيرانه لا انا مبسوطه ليكوا
وسابته ومشيت
نادر كان مستنيها بره شافها جايه عليه
منه
منه بإبتسامه نعم
نادر تعالي هوصلك للبيت بطريقي
منه بفرح تمام ماشي
ف العربيه
نادر بحب مبسوط اوي ع فكره انك فكرتي تسألي عليا امبارح
منه بإحراج انا عملت ال مفروض اي حد كان يعمله وبصراحه انا لولا رامي مكنتش عرفت اطمن عليك
منه هو انا اعرف حد غيره وع فكره بقى رغم اني عارفه انكوا مبطقوش بعض بس هو طيب اوي جرب مره واحده تشوفه بقلبك
نادر اشوفه بقلبي ! لا وع اي انا بحب اشوف الناس بضهري
منه ضحكت
نادر ضحك ع ضحكتها
هتروحي الرحله مش كدا
منه لا للأسف مش هعرف اروح
منه عندي شوية ظروف
نادر بفرح كويس انك مش هتروحي انا مبحبش جو الرحلات داه اساسا
منه بحزن بس انا بحبه يلا مش مهم
نادر بقولك اي ماتبعدي عن رامي حاسس انه قريب منك جامد
منه بذهول هو يقولي ابعدي عن نادر وانت تقولي ابعدي عن رامي هي اي الحكايه بالظبط
نادر صعب واحده بالذكاء بتاعك تفهم اي الحكايه مش مهم انا هفضل مستحمل للنهايه
ومنه فتحت الباب علشان تنزل من العربيه
كانت ف نفس اللحظه هدى وايمن خارجين من البيت
منه بغيظ الحربايه وبابا هناك اهم
نادر بص عليهم
كانت هدى لفت وشها للناحيه التانيه
منه پخوف قفلت باب العربيه وقالتله يلا باي اصل باب لو شافني معاك هيشعقلني
نادر ابتسملها ولبس نضارته ولف بالعربيه
وهو بيلف سمع صوت
الصوت لما سمعه حس كأنه زي السهم ف قلبه خلى ذكريات سنين طويله عدت تمر قدام عنيه
منه بذمجره حاضر يامرات ابويا
لف وشه بسرعه علشان يشوفها
بس هدى كانت ركبت العربيه مع جوزها
حط ايده ع دماغه وشغل العربيه ومشي وهو بيقول پغضب
التهيئات دي مش عايزه تسبني ليه
في منزل منه
هدى وايمن كانوا خرجوا وهي قاعده ف اوضتها لوحدها
موبيلها كان قرب يفصل شحن بتدور ع الشاحن ملقتهوش
قالت لنفسها الحربايه اخدتوا تاني
خرجت من اوضتها وراحت تدور عليه ف كل مكان ملقتهوش
وقفة قدام باب اوضة هدى وهي متردده تفتح ولا لا
قررت تفتح الأوضه وتدخل تشوف الشاحن
فتحت الأدراج وقعدت تدور ملقتش حاجه
يأست وكانت خارجه فجأه لفت نظرها كرتونه ظاهر منها جزء من تحت السرير
رفعت الملايه وشدت الكرتونه فتحتها لقتها عليها تراب كتير
لقت فيها اوراق وحاجات قديمه وف وسطهم لقت شريط برشام ملفوف ف ورقه فتحته لقت مكتوب علبه برشام لمنع الحمل
منه پصدمه هي مش مفروض حامل الشريط داه بيعمل اي وسط الكراكيب دي كلها
وبعدين فكرت وقالت ممكن تكون كانت بتاخده زمان
وبعدين قالت لنفسها اي يامنه ال انتي بتههبي داه اقفلي بسرعه وملكيش دعوه بحاجه واخرجي قبل ماتيجي
حطت البرشام ولسه هتقفل الكرتونه لقت صورة طفل صغير لسه بتمسح الصوره علشان تشوفها مين
فجأه سمعت صوت والدها ومرات ابوها بيركنوا العربيه تحت
ذقت الكرتونه بسرعه لتحت السرير وخرجت من الأوضه ومعاها صورة الطفل الصغير
دخلت اوضتها جابت منديل ومسحت الصوره من التراب لقت الطفل الصغير شبهه نادر جدا
مسكت موبايلها وبعتت لنادر
ازيك
نادر فتح موبايله ورد عليها بفرح
الحمدلله كويس قولي عايزه اي
منه بتعجب عرفت منين اني عايزه حاجه
نادر علشان كل مره انا ال بكلمك فطالما انتي ال كلمتيني يبقى عايزه حاجه
منه بضحك ذكي ماشاء الله طيب بما ان موبايلي قرب يفصل شحن فانا هتكلم ع طول
نادر قلقتيني في اي
منه عايزه صوره ليك وانت صغير
نادر بتعجب اشمعنا يعني في حاجه
منه لا مفيش بس معرفش ليه جاي ع
