رواية ليته يعلم(أحببته منذ الصغر) الفصل الاول والتاني والتالت والرابع والخامس بقلم شهباء الموسوي

رواية ليته يعلم أحببته منذ الصغر الفصل الاول والتاني والتالت والرابع والخامس بقلم شهباء الموسوي حصريه وجديده 
فرحت حيل من حجت هيج جده فطوم
كتلها هو يعرف اشو مامره حسسني بشي
الجدههو ماتعجبو حيل هالسوالف بس لازم يزوج واكيد راح يحبج ماشاءالله عليج تخبلين واخلاق ومثقفه
كبر راسي بهالحجي ..المهم صعدت لغرفتي ورتبت نفسي 

باوعت بعدني مامخلصه دراسه بقيت ادرس طبعا امتحاني جان رياضيات واني كلش اضوج منه مع العلم شاطرة كلش بي بس هم اضوج منه
صادق كلش يعرف بالرياضيات لان هو بالاصل سابقا دارس هندسه بعدين غير القسم ماله
ردت اروح اله يشرحلي بس متردده شوي
بعدين كلت خلي اروح عليش هيج اني اضل متوتره تجاهو 
نزلت واخذت وياي الكتب باوعت لكيته كاعد مرتجي وماسك موبايله
رنا عندي امتحان رياضيات ياريت تشرحلي شوي
صادق شنو الموضوع
رنا معادلات 
صادق تمام شوفيني شنو عندج 
فتحت الكتاب ع الموضوع كام يقرأ شوي
صادق انطيني الورقه والقلم هس احل مثال وركزي وياي 
بقه يشرحلي وكلش جان شرحه يفهم 
واني ماعرف شون اركز من جيهه كلبي يدك سريع ومن جيهه اصفن علي ..خلص شرح
صادق ها فهمتي 
رنااي اي
صادق خوش
كملي شرح واخذت الكتب صعدت فوك واني امشي ع الدرج اشتميت ريحته بالكتاب ..بقيت اشم بي وكلش متونسه
فتت الغرفه واني فرحانه . طبعا هي موبس غرفتي هم بنات صادق وياي بالغرفه جان تطب نور
طبعا نور بنت صادق هو عنده بنات ٢ نور وسراب وولد واحد اسمه حسن
نور عمرها ١٥ وسراب ١٣ وحسن ١٠ سنوات
نور اكلج وين الجاكيت الاخضر مالتي
رنا ماعرف
نور انتي مو لبستي ذاك اليوم ع المدرسه
رنا اي بس رجعته لمكانه والله 
نور اووف يعني هس اضل ادور قابل وين راح 
رنا والله مادري 
اجت صابرين اللي هي اخت صادق مزدوجه وعدها بنت وولد لان اليوم جمعه فتحي تسير يمنا كعدنا وياها نسولف وندردش مثل كل مره
خلص اليوم واجه اليوم الثاني اللي هو السبت 
بقيت كالعادة ادرس .
صارت الساعه تقريبا ب٩ بالليل
نزلت جوة جان اسمع الجدة فطوم تحجي ويه صادق
الجدة ابني مايصير هيج تبقى لازم تزوج ورنا خوش بنيه ومتربية يمنا وحبابه 
صادق يوم شكاعد تحجين لخاطر الله رنا صغيره عليه
الجدةاشصغرها يابا ترى قربت العشرين ودايما الرجال اكبر من المره ومابيها شي هيج احسن واليسمعك انت شايب ترى انت بعدك 
صادق يوم عوفي هالسوالف اني اذا ردت اتزوج اكلج لاتحيرين بيه
احس انضربت براسي معد اكدر وكمت ارجف رجعت صعدت الغرفه ركض باوعت سراب ونور كاعدات
طبيت للحمام وضليت ابجي احس كلبي انفطر اول مره اعيش هيج شعور كلش مؤذي بقيت نص ساعة بالحمام 
اله اجت صابرين منو جوة بالحمام صار ساعه
رناهاااهاي اني
مسحت دموعي ع السريع وفتحت الحنفيه مال ألمي وغسلت وطلعت
صابرين يمعوده بيج شي شو تاخرتي
رنا لالا مابيه شي
طلعت ورحت الغرفه .بقيت مثل المصدومه وماليه خلك حتى متراجعا الكتب عفتهن وتمددت بفراشي اريد أنام بلكي أرتاح
رنا نور طفي الضو
نور بعد وكت 
رنا عفيه طفي اريد أنام
نور بهيج وكت تنامين سبحان الله..هس اطفي
نمت وكل الليل انام واكعد مثل كابوس احس نفسي بغير عالم كعدت الصبح وماكو اي واهس رحت للمدرسه وطبيت للامتحان جاوبت بس موكلش لان ماراجعت دروسي بالليل 
خلص الدوام ورجعت للبيت
طبيت للصاله كلهم كاعدين يتعدون باوعت اجت عيني بعينه.
البارت
ليته يعلم احببته منذ الصغر
اجت عيني بعينه كبل نزلت عيني وفتت جوة
صابرين تعالي تغدي مدام صابين الغده
رنا ماريد موجوعانه
صعدت فوك غسلت وبدلت وبعدني ضايجه ومتكأبه
بعد ساعه هيج اجت جده فطوم 
الجده اكلج اني البارحه حجيت ويه صادق بخصوصج هو حاليا مامفكر بزواج بس مالج