رواية الشادرالفصل الأول ملك إبراهيم حصريه وجديده
والدته ومدرسة ودروس اخته واكل وشرب ومصاريف ملهاش اخر شايف ان الطريق اللي مشى فيه مكنش الطريق السهل ابدا بس ده الطريق اللي كان قدامه ومش ندمان انه اختار الطريق ده.
وقفت تبصله بنظرات كره كانت بتوجع قلبه الوحيدة اللي اتمنى يشوف نظرات الحب في عينيها رغم انه عارف انها بتخفي حبها خلف نظرات الكره المزيفه اللي شايفها في عينيها دلوقتي.
انا ماشيه يا ثريا عشان اتأخرت
كتمت ثريا ضحكتها وهزت راسها بالايجاب اتغاظت جميله وهزت راسها بتوعد ل ثريا وكملت طريقها ورجعت على بيتها وقف حمزة البرنس يبصلها ومتابعها لحد ما طلعت بيتها وقفت قدامه ثريا اخته وضحكت بمرح وقالتله بمشاكسة
خپطها على رسها من الخلف بهزار وقالها
خليكي في حالك وانتي متتجننيش
ضحكت ثريا وهي بتحط ايديها مكان خبطت ايده بصلها حمزة بستغراب وسألها
اومال انتي كنتي رايحه فين!
بصتله ثريا پصدمة وفجأة الكلام كله هرب منها اتوترت جدا واتكلمت بتلعثم
اانا.. انا كنت عايزة اجيب قلم من المكتبه
قلم!!.. قلم ايه اللي انتي نازله تشتريه!
اتوترت ثريا وهي بتفكر بسرعه في حجه مقنعه اتكلمت بتلعثم مرة تانيه
ااقصدي يعني كنت عايزه اشتري قلم وكراسه وشوية حاجات عشان الكلية
بصلها حمزة باهتمام حس ان في حاجه اخته بتخبيها عليه اتوترت ثريا من نظراته واتكلمت بارتباك
هو انت صحيح كنت فين من امبارح دي ماما كانت قلقانه عليك اوي
انا هطلع اطمنها دلوقتي وانتي روحي هاتي الحاجات اللي انتي عايزاها ومتتأخريش
هزت راسها بسرعه بتوتر واتحركت على طول وتابعت طريقها وقف حمزة يتابعها بتفكير كان حاسس ان اخته بتخبي عليه حاجه بس كان متأكد انه اكيد هيكتشفها قريب كمل طريقه هو كمان وراح على بيته عشان يطمن والدته.
بداخل المكتبه اللي في المنطقة.
اهلا بست البنات طلباتك يا ثريا يا بنتي
ابتسمت ثريا بمجامله وهي بتبص حواليها قربت من الاقلام عشان تختار قلم واتكلمت بهدوء مصطنع
عايزه قلم ازرق ويكون خطه حلو يا عم مهران
سمعت صوت بيرد عليها وبيقول
كل أقلام عم مهران خطها حلو
لفت بسرعه بوشها وبصت لصاحب الصوت دخل المكتبه وهو بيبصلها واتكلم مع عم مهران بهدوء
بصله عم مهران بقلة حيلة وقاله
كان نفسي اقولك كويس يا بدر بس هقولها ازاي وانا شايف ابني وشقى عمري بيضيع قدام عيني وانا واقف اتفرج عليه
بص بدر ل ثريا بعد ما والده حرجه قدامها اتوترت ثريا بعد كلام عم مهران وخدت طلباتها واستأذنت ومشيت
