رواية في ظلمة بيجاد الفصل الخامس حتى الفصل العاشر بقلم مياده مأمون حصريه وجديده

هايكشفه ويشوف المخده اللي تحتيه بس هو ساب الغطا من ايده وبص علينا كلنا وخرج تاني
الله انت رايح فين تاني يا بيجاد
رايح لأستاذ مجاهد هو عارف اني كنت بره الملجأ
تعالي معايا يا حسن
وقف الاخر وهو يطرق بيد علي الاخري ويقول
وأخرتها معاك يابن الأكابر انت ناوي تكدرنا النهارده
وصلوا الي غرفة مكتبه ودق بابه ثم دخلو عليه حين اذن لهم
ووقفو امامه منحنين الرأس بكل ادب
حمدلله علي السلامه انت شرفت
يعني حضرتك عارف اني كنت بره
طبعا وعارف كمان ان البأف اللي جنبك ده هو اللي هربك
ااانا ماعملتش كده والله يا استاذ الا لما قالي ان ولدته عيانه وعايز يشوفها
اخرس خالص يا حسن وحسابك معايا بعدين واتفضل علي العنبر بتاعكم يلا
لأ خليه يا استاذ مجاهد انا عايزه يسمع الكلام اللي هاقوله
خير يا بيجاد باشا ناوي تهرب تاني ومحتاج حسن يساعدك ولا ايه
في الحقيقه ايوا
جحظت عين مدرسه وتفاجئ برده هذا
اسمع ياض انت مش معني اني عشان بعتبرك زي ابني وبشفق عليك من ساعة ما عرفت حكايتك مع عمك يبقي هاتعتبرني هفأ وتستهتر بالقوانين هنا
جلس بيجاد امامه وانزلقت دمعه من عينه وحاول جاهدا ان يداريها لكن قد فات الأوان
بټعيط غريبة دي انا اول مرة اشوف دموعك
عشان اللي شوفته النهارده مايستحملهوش اي راجل
انا كنت هاقتله النهارده وانتقم لأمي واخويا ولنفسي لكن هي اللي اصرت عليا اني استحمل واصبر
لاء استهدي كده بالله يا صاحبي قتل ايه احنا مالنش في الكلام ده قفل الله لا يسيئك لأستاذ مجاهد يصدق
اسكت يا حسن وانت يا بيجاد فهمني مالك براحة كده
حاول جاهدا ان يهدئ من غضبه و حكي لهم كل ما حدث 
وجلسوا هم مندهشين لمدي القسۏة والظلم الذي يتعرضو لهم هو وعائلته ومن من اقرب الناس لهم 
شوفت بقي يا أستاذ مجاهد ان عندي حق اني افكر في قټله
والله يابني معاك كل الحق بس بردو انت بكده تبقي بتضيع نفسك وبتقضي علي حياة ولدتك ومستقبل اخوك
ماهو ده اللي مربطني وشالل تفكيري خالص عارف انه مستنيني اغلط ولو غلطه صغيرة عشان يسجني ويفضل هو منفرد بيهم لحد ما يقضي علي امي 
يبقي مش لازم تديله الفرصه دي
واخويا الصغير اللي مشقيه وبيشغله زي العبد زياد لسه عيل مايقدرش علي الشقي ده
خلاص انا عشان واثق فيك هاسمحلك تخرج كل يوم باليل انت وحسن عشان تروحو تخلصوله شويه من شغله بس المشكله هاتدخلو المزرعه ازاي والغفير هناك
من الناحية دي اطمن يا استاذ انا عارف حماد الغفير كويس دا كان غفير من ايام ابويا الله يرحمه وبيكره مهران جدا

كده يبقي أتفقنا وانا معاك يا بيجاد بس بشرط ماتحاولش ټأذي نفسك او اي حد تاني وتقولي علي كل صغيرة وكبيرة تحصل
وانا هاسمع كلامك وهاعمل اللي تقولي عليه بس لحد السنه دي ماتخلص واخرج من هنا واسترد حريتي تاني
وانت يا حسن
انا رقبتي لصاحبي يا أستاذ وديما هاكون في ظهره
انا لاعايز رقبتك ولا يلزمني الكلام ده يا خويا انا هاخرجك مع بيجاد علي ضمانتي الشخصية ولو اني مش واثق فيك ياض
الله ليه بس كده يا استاذ ماحنا كنا ماشين كويس
عارف ليه يا حسن عشان بيجاد ابن ناس حكايته معروفه للدار لاء للبلد كلها والمفروض مكانه ميبقاش هنا لكن انت بقي زرع شيطاني
ومن صغرك وانت مشاغب وبتسلك في اي حاجه
الله يسامحك يا استاذ مجاهد بس اهم حاجه اني مش خاېن ولا ناكر للجميل
ماهو ده اللي مطمني من ناحيتك ياض وعارف انك انت اللي هتسلك مع اي حد يقف في وش بيجاد
برقبتي يااستاذ وربنا
وفي مساء اليوم الثاني وصلوا هم الاثنان الي مزرعة عمه والتي كانت قبل ذلك ملك لأبيه والمفترض ان تكون ملك له هو أخيه
وقف بالخارج يتذكر عندما كان يأتي مع ابيه لزيارتها كيف كانو يتعاملو هو اخيه بالتباهي والحب ومعاملة العمال جميعا لهم
واليوم هم منكسرون ويعمل اخيه بها كأقل عامل بسيط ايقظه صديقه من غفوته الفكرية هذي وهو يلكظه في عضده
بيجاد انت يا عم هو احنا جايين المشوار ده كله عشان تقف متسمر كده
هاه لاء يلا بينا يا حسن
يلا بينا علي فين تعالي ننط من علي السور
السور ده للحراميه