رواية الشادر الفصل السابع بقلم ملك إبراهيم حصريه وجديده

رواية الشادر الفصل السابع بقلم ملك إبراهيم حصريه وجديده 
اتكلم حمزة مع كرم بقوة
هكملك انا بقيت الحكايه. أمنية من شهر تعبت وراحت كشفت وعرفت انها حامل! جات قالتلك وانت هددتها انك ممكن وطبعا هددتها بثقه لانك واحد من رجالة البرنس والمفروض انها تخاف منك رميت لها فلوس وقولتلها تعمل عمليه اللي في بطنها وتعمل عمليه تانيه وترجع بنت زي ما كانت!
بص له كرم پصدمة وخوف كمل حمزة كلامه وقاله
هي بقى بدل ما تروح لدكتور وتصلح الغلط ده بغلط اكبر جاتلي انا وحكتلي على كل اللي حصل وطلبت حمايتي. 
وانا اللي قولتلها تطمنك انها عملت العمليه ورجعت وانا اللي رتبت كل اللي حصل ده وروحت خطبتها من ابوها ما انا اعتبر كبيرك ومن واجبي اخطبلك.

بص له كرم پصدمة ومقدرش يتكلم كمل البرنس كلامه وقال
وجبتلها شبكه قدام المنطقه كلها وعملتلها اكبر فرح اتعمل في المنطقه. كل ده عشان ارفع راس الراجل الطيب ده وسط الناس. بس طبعا مش هبقى انا العريس
بلع كرم ريقه پخوف كمل البرنس كلامه وقاله
انت اللي هتبقى العريس يا كرم وهتصلح غلطتك وتتجوزها والعيل اللي في بطنها ده هيتسجل بأسمك
شاور على المكان الفاضي جنب المأذون وقاله
هتقعد دلوقتي جنب المأذون وهتحط ايدك في ايد ابوها وتتجوزها على سنة الله ورسوله وهتطلع تكمل الفرح برا وتقعد جنب عروستك وترقص للصبح قدام الناس ولما الفرح يخلص تاخد عروستك وترجع على بيتك هتعيش معاك انت وامك ولو ايدك اتمدت عليها او فكرت تعمل معاها اي حركة نداله انا هقطعلك ايدك واخليك عبره للمنطقه كلها.
بلع كرم ريقه پخوف دفعه البرنس اتجاه المأذون قعد كرم جنب المأذون پخوف وقف الاسطي خيري وهو بيخفض وشه للارض كان حاسس بالذل والعاړ بعد اللي بنته عملته طلب منه المأذون انه يقعد ويحط ايديه في ايد عريس بنته قعد پصدمة ورفع ايديه وهي بترتعش من الصدمة وحط ايديه في ايد كرم بدأ المأذون في عقد القران بينهم ووقف البرنس يتابع اللي بيحصل قرب بدر من البرنس واتكلم معاه بهمس
والناس اللي برا دول اللي مفكرين ان انت العريس
اتكلم حمزة ببساطه
متقلقش هيعرفوا ان كل دي كانت اشاعات وهما فهموا غلط هنقول ان انا اللي خطبتها لكرم عشان هو ملوش كبير غيري وبعدين محدش شافني معاها وهي بتشتري شبكه ولا شافوني دخلت بيتهم وبعدين المنطقه كلها مكنش حد مصدق اني هتجوزها لانهم عارفين كويس انا هتجوز مين
ابتسم بدر وهز راسه بالايجاب وقاله
عندك حق انا نفسي مكنتش مصدق انك هتتجوزها
اتكلم البرنس بتأكيد
وبعدين لما الناس يشوفوا العريس والعروسه مبسوطين وبيرقصوا وكل شئ طبيعي هيتأكدوا انها كانت اشاعات وانهم هما اللي فهموا غلط
هز بدر راسه بالايجاب وقاله بهمس
بس انا برضه فهمت انت ليه نشرت خبر ان انت اللي هتتجوز طول عمرك مش سهل وحقيقي برنس
البرنس كان فاهم ان بدر بيقصد جميلة هو فعلا كان قاصد يوجعها بخبر زواجه لانه عارف ومتأكد انها بتحبه بس بتكابر وكان بيتمنى ان ده يكون سبب انها تعترف بحبها ليه. بس السبب الرئيسي كان انه يدبس كرم في الزواج لانه لو كان عرفه قبلها كان كرم هيهرب ويختفي ومستقبل البنت يضيع هي واهلها. كان لازم يقنع الجميع ان هو اللي هيتزوج أمنيه وكرم كان مطمن ان البرنس مش هيكتشف ان لانها اقنعته ورجعت تاني ودي غلطه تانيه من كرم في حق البرنس