رواية موضوع_عائلي الفصل الحادي عشر حتى الفصل العشرون بقلم رحاب القاضي حصريه وجديده
في بوقه وقال
قصدك شهد...
بصله حامد بضيق وضحك يونس وقال
عادي من ناحيه عايز اتجوز ومن ناحيه عايز اسكت اي حد بيتكلم في ضهري انها سابتني واتجوزت بيه من اللي فوق..
حامد بضيق
بس ما تعملش كده علي حساب نفسك وحساب البت اللي هتربطها بيك وفي الاخر لما تاخد غرصك منها وتعمل اللي عايزه تسيبها..
يونس
ومين قالك بقي اني هطلقها...
البت حلوه مش كده شوفت انا عينيك اللي منزلتهاش من عليها طول ما احنا قاعدين بس بالسرعه دي...
يونس اتنهد وقال
لا ما انا ما كنتش ببص بالطريقه اللي انت فاهمها دي يا حج يعني انت ما حستش انها مدايقه مش طايقه القعده كانت..
حامد
لا لا تلاقيها مكسوفه مش اكتر المهم انت لو اتجوزتها مش هطلقها يا يونس ولا هتظلمها انا مش عايز اشيل ذنب حد..
ما تقلقش يا حج هقعدهالك في ارابيزي العمر كله...
_ وفجأه الباب خبط جامد وطلعت عظيمه من المطبخ وبطه من اوضتها ويونس قال پحده..
يونس
واقفين ليه كده ادخلو جوه لحد. ما افتح واشوف مين اللي بيخيط كده..
_راح يونس فتح وكانت الشرطه واول الظابط ما شاف يونس قال..
الظابط
يونس پحده
ايييه يا عمم هي سويقه وايه اللي هاتوه دي..
الظابط پحده
عممم انت مين يالاا عشان تكلمني كده..
طلع حامد وقال
خير يا حضرة الظابط داخلين علينا زي القضا المستعجل كده ليه...
الظابط
امم لا واضح ان زي ما سمعت المنطقه هنا مالهاش كبير ولا حد عارف يحكمها..
يونس پغضب
انت هتلبخ في الكلام ولا ايه..
انت ازاي تتكلم معايا كده وحياة امي لوديك في داهيه هاتوه يلاا..
بصو العساكر بقلق لحامد اللي قال
اللي وراك دول كلهم حبايبي وزي ولادي وانت بالراحه كده يا باشا شكلك لسه متعين جديد وما تعرفش الدنيا هنا ماشيه ازاي ممكن تقولي انت جاي تاخد المعلم يونس ليه..
اتنهد الظابط بضيق وقال
في بلاغ متقدم ضده من مازن حامد الصاوي اخوه بأنه حړق السوبر ماركت بتاعهم..
انت بتبصلي كده ليه انا ما عملتش كده..
الظابط
الكلام ده تقولو في النيابه يا حبيبي..
حامد بجمود
خدوه ولو كنت انت اللي عملتها فعلا يا يونس والله ما تعرف انا هعمل فيك ايه...
يونس بجمود
عارف الغلط فين يا حامد يا صاوي فيا كالعاده اني توقعت منك حاجه تانيه غير اللي بتعملها...
هتفضلو تتفرجو علي الفيلم ده كتير ما تجيبوه يلاا..
واخدو فعلا يونس ومشيو وحامد دخل قعد علي الكنبه وحط راسه بين ايديه وقالت عظيمه پحده...
عظيمه
شايف هناء وولادها بيعملو ايه ابنك لسه عريس وبيفرح يعملو فيه كده حسبي الله ونعم الوكيل فيهم..
حامد پحده
عظييييمه يونس ابني ومحمد ومازن ولادي واللي مش هقبله علي يونس مش هقبله علي واخواته..
بطه بدموع
عمي حامد معاه حق يا ماما بس يونس اخويا ما يعملش كده يا عمي والله...
قام حامد ومسح دموع بطه وقال
اخوكي لو ما عملش كده هيعرف يطلع نفسه يونس ما يتخافش عليه ده لو اتحط وسط الڼار هيطلع منها سليم ويقولك انا كنت قاعد في تكييف..
ابتسمت بطه وهو كمل كلامه
يلا روحي كملي لبسك عشان تروحي مدرستك يلاا...
بقلم_الكاتبه_رحاب_القاضي
_ وبالليل في فيلا اهل احمد كانت نور واقفه قدام المرايا بتبص لنفسها بأعحاب ورضا وهي لابسه فستان غالي وقلعت الحجاب بتاعها وفارده شعرها علي ضهرها وخبط احمد علي الباب ودخل وقال..
احمد
واااو ايه القمر ده..
نور ابتسمت وقالت
بجد يا احمد شكلي حلو يعني اشرفك النهارده..
قرب منها احمد وقال
انتي تشرفي بلد بحالها يا نور كفايه التضحيات اللي عملتيها عشاني وعشان ترضي ماما..
نور
ومستعده اعمل اكتر من كده عشان بس اكون معاك..
احمد باس ايدها وقال
وانا اوعدك انك هتكوني معايا اسعد واحده في الدنيا انا هروح اشوف الدنيا تحت وارجع اخدك اووكي..
نور
حاضر تمام..
_ نزل احمد ونور فتحت موبيلها وبصت لصورة يونس اللي محتفظه بيها واتملت عيونها دموع وقالت...
نور بحزن
هنساك يا يونس انت ما ينفعش تكون في حياة نور الجديده ولا في تفكيرها اصلا...
دخلت عندها في الوقت ده من غير ما تخبط ثريا وبصتلها برضا وقالت..
ثريا
تمام كده شكلك معقول وكويس وسمعتي كلامي وقلعتي البتاع اللي كان علي راسك ده..
نور بهدوء
انا بسمع كلام. حضرتك عشان يشرفني اني في يوم اكون زيك..
ثريا
عجبتيني ردودك حلوه ومقنعه قوليلي صح مين يونس...
اتوترت نور وقالت
يي يونس مين..
ثريا بجمود.
مش مهم يونس مين المهم انك فعلا تبقي دينا بتقولي يونس مين ما تعرفيش حد بالاسم ده لان ولد زي ده ما يتقارنش باحمد ابني لمجرد انه كان خاطبك..
نور بدموع
معاكي حق هو ما يتقارنش بحد فعلا..
ثريا بخبث
هو مين ده بقي اللي ما يتقارنش بحد...
نور بصت للارض وقالت
اا احمد طبعا..
ثريا
كده تمام يلا بينا ننزل...
نور
بس احمد قال انه هيجي ياخدني ننزل سوا..
ثريا ابتسمت وقالت
انا هنا اللي اقرر والكل يقول حاضر يا حبييتي يلا بينا...
بقلم_الكاتبه_رحاب_القاضي
_ في بيت الشيخ محمد كانت هاجر بتكلم شهد في الموبيل وبتقولها..
هاجر
يا بنتي بقولك والله العظيم الموبيل كان بايظ ولسه جايبهولي
