رواية زواج إنقاذ الفصل الاول والتاني بقلم جمانه السعيدي حصريه وجديده

رواية زواج إنقاذ الفصل الاول والتاني بقلم جمانه السعيدي حصريه وجديده
الفصل الاول 
اني شاب من الناصريه مواليد ٩٠ طولي ١٧٥ خريج علوم سياسيه الاحداث بدت لمن تخرجت وقدمت على الماجستير 
اجرنا شقه اني وثنيين من أصدقائي 
واحد من اهل الناصريه وواحد من اهل الكوت 
اني عندي اخ اكبر مني مخلص متوسطه ومزوج وعندا ولد وبنيه البنيه عمرها اربع سنوات والولد سنتين 

وعندي اثنيين اخوات ازغر مني وحده خريجة معهد تكنلوجي والاخ تدرس اعداديه خامس
عدنا بستان جبير وداخله بيتنا بيتنا بناء جديد وحلو 
والوالد باني بيت ثاني للضيوف بي مطبخ وصاله وثنيين غرف جوه وثنيين فوك 
بيت الضيوف ليكدام بلبستان وبيتنا صاير ورا 
ابوي جبير اخوته والناس تضيفه من كل مكان 
هسه راح اكلكم اسمي بس لاتضحكون مثل جماعتي 
ابوي عاشق صوت ياس خضر 
ويسمعه باستمرار 
ابوي اسمه خضر راد يسمي اخوي الجبير ياس بس امي ماقبلت سمته صلاح 
ولمن اجيت اني صمم الوالد يسميني ياس 
وصرت ياس خضر
جمانه السعيدي
امي عاجبته بنت اخته تريد تخطبه اليه 
اني مامستعجل على الموضوع اريداتخرج واتعين واكون نفسي 
وبعدين ازوج 
بس امي تلح عليه 
كلساع تكول انت كبرت بعد شمنتضر وبت اختي كاعده
طبعا البنيه حلوه ماتتعيب تشبه الممثله سونام الهنديه 
وخريجة سادس اعدادي
بس اني ما اريد استعجل خاف الزواج يلهيني عن دراستي
امي هلكد ماتلمح الايمان عليه ايمان هي بت خالتي 
البنيه كلما تشوفني تبتسم وعيونه تلمع
اني ماعندي مانع ارتبط بيها بس اريد اكمل 
طبعا اني ابد ما اجاوز عليه بنضرات او كلام لان هي بالاخير عرضي وعيب سوالف المراهقين 
من تسمع اني اجيت للناصريه تجينا تركض وضل كاعده
وتبتسم اكول بكلبي ولله خطيه مامصدكه روحه
اني مواصفاتي حنطاوي طولي ١٧٥ عندي لحيه محدده شعري على الموديل عيوني جوزيات كبار جسمي عدل رشيق
يعني بصوره عامه حلو
جمانه السعيدي
بدت حياتي تتغير من اول مره شفت بت عمي الي هي تشبه 
صاحبت الصوره طبق الاصل 
بيضه وكصيره وحلووووه 
هسه راح احجيلكم شلون شفته اول مره
عمي احمد ازغر واحد بعمامي ابوي الجبير والثاني عمي مهدي مزوج يمنه بلناصريه 
ماخذ خالتي وايمان بنته الجبيره وبعد عندا ولد وبنيه 
وعمتي مزوجه بلبصره وعدها خمسه اطفال 
واخر شي عمي احمد
عمي احمد تعرف على وحده ويا بلكليه وعشقه تخبل عليه 
لكن جدي ماقبل وعارض هاي الزواجه
وعمي صمم على حبيبته وجبرهم يخطبوها اله عمي احمد جانت صحته مو هلكد فا جدي ما حب يكسر خاطره
وزوج حبيبته واخذله بيت قريب اهله وسكنو بي ثنينهم
عمي احمد جان يجي بس بلمناسبات يجي يشوفنه 
زوجته ماجانت تجي ويا 
يعني اكو بكلبه زعل على عيالها لان ماقبلو بيها من البدايه
ورا فتره اكثر من سنتين ما اذكر شكد 
سمعنا عمي صايره عندا بنيه 
بس احنا ابد ماشفناها للبنيه 
مره وحده اجتنا جانت زغيره عمرها سنه ونص تقريبا من ماټ جدي اجتنا بلفاتحه وبعد ابد ماشفناها
عمي احمد عندا مرض قلب وهاي الفتره