رواية زواج إنقاذ الفصل الاول والتاني بقلم جمانه السعيدي حصريه وجديده

حيل تعبان
عندا قطعة ارض قريبه علينا طلب من ابوي يبيعه اله حتى يطلع الالمانيا يتعالج 
لان اخوان زوجته اثنيينهم بالمانيا مزوجين ومستقرين
دزلهم التحاليل عرضوهن على الدكاتره 
وقررو يجي بالمانيا يسوله العمليه 
خابر عمي احمد على ابوي وطلب منه يبيع قطعة الارض حتى يطلع يتعالج بيها
ابوي باع الارض وانطاني الفلوس اوصلهن العمي
طبعا اخذت رقم تليفون عمي واتفقت ويا اخابره لمن اوصل البغداد
وفعلا وصلت للنهضه وخابرته انطاني العنوان صعدت تكسي وطلعت
وصلت تقريبا بلاربعه العصر البيتهم جان الجو بارد بداية شهر الواحد
دكيت الباب جان تطلعلي شمس بت عمي طبعا شمس اسم لايك عليه لان هي تضوي مثل الشمس
فتحت الباب وجانت ملتفته تحاجي امها يعني ضهرها عليه لابسه بنطون ثلجي وستره قصيره نيلي وبدي احمر
وشعرها كلش حلو 
والاحلى العطر الي كفخني ودخت 
التفتت عليه وكالت نعم تفضل
القادم مفاجئه نرجو ان تنورونا بتعليقاتكم الحلوه 
احبكممممممم
تفاعلو حبايب لان القصه كلش حلوووه 
انزللكم ٣بارتات بليوم لان القصه مكتوبه وجاهزه
قصص
البارت الثاني 
زواج انقاذ 
جمانه السعيدي
التفتت عليه وهي لازمه الجنطه بايد والازمه الباب بايده الثانيه 
...نعم تفضل 
اني اباوع عليه ونسيت اني عليمن جاي 
...تفضل منو حضرتك 
...هااا اني اني ياس خضر 
نزلت حواجبها وتحجي وياي باستغراب
...نعم شنو ياس خضر انت صاحي بيك شي 
...هااا العفو اني ياس ابن ابو صلاح عمي احمد موجود 
...هسه دقيقه 
الټفت وصاحت 
ماما هذا جاي على بابا 
....شنو هذا مو بشړ كدامج 
...شمعرفني ياس خضر مدري حميد منصور
اجت امها كالت السلام عليكم تفضل عيني منو حضرتك
هي طلعت واني بقيت اباوع عليه معقوله هيج تطلع للشارع 
ابشرفي لو عندي ما اخليه توصل للباب 
امها...تفضل عيني شرايد
ياس...العفو خاله اني ياس ابن ابو صلاح جاي على عمي احمد جايبله امانه 
...اي تفضل ينتضرك
جمانه السعيدي
دخلت للاستقبال وشويه واجا عمي ورحب بيه واستقبلني 
احسن استقبال 
وسئلني عن الاهل وعن الوالد وماقبل اروح اله اتعشه وابات عدهم 
الصراحه اني ما جنت ناوي ابقه عدهم بس من بعد ماشفت شمس 
قررت ابقه اريد اشوفه واتعرف عليه لان حيل عجبتني 
عمي حيل فرح بيه وبدا يسئلني عن الاهل واحد واحد
بلسته وشويه يله رجعت شمس عمي صاح عليه حتى تجي تسلم عليه 
...
....شمس تعاي بابا سلمي على ابن عمج ياس 
...اهلا وسهلا 
...اهلا بيج
عمي احمد يله بابا بدلي وتعاي نتعشه جبتيهن الكتب الي رحتي للمكتبه علمودهن 
...اي بابا جبتهن 
..يله حبيبتي بدلي وتعاي منتضرينج 
...هسه بابا ابدل واجي
اني شمس مواليد ٩٧ اشبه الصوره كلش اني وحيدة ماما وبابا 
من اني زغيره دائما اسئل ماما ليش اني وحيده وما عندي اخوان وخوات 
دائما دكول رزق رب العالمين الحمد لله والشكر 
انتي الشمس الي نورت حياتنه 
بابا وماما موضفين 
بابا بدا يتعب كلبه وقدم على تقاعد مبكر لان بعد مايكدر يداوم وماما اداوم
صفاتي السلبيه خوافه وخاصتا من قصص الجن كلش اخاڤ
والشي السلبي الثاني تلعب نفسي بسرعه من اي شي مقزز 
وراسا اتقيئ ما اتحمل ابد
خل احجيلكم