قصة زواج قاصر بقلم وسام الفراجي حصريه وجديده وكامله جميع الفصول

الحيوااان غريزته وبس
اول يوم كتلها تلمين هاي فضلات الصخول والهوايش تنظفيهن تنظيف زين كالت ب احلامج هذا شغلج وشغل الخلفوج وتكافشنا ..
سمع رجلها كتلها كتلة بحيث اتونس ع صوت صياحها .. 
صارت تمشي مثل الميل تصدكون ربنا شلون يرد الظلم والله .. عيني الي ورمتها ثاني يوم من كتلت رجلها وارمة نفسها اليسرى شوف شلون ربنا عادل ..
طلعت مذلولة خليتها تنظف شكو شي فضلات .. 
مسحتهن مسح واني اكلها هذا قدرج لان ما مو انسانة وعندج ضمير خلي يفيدج السم مالتج هسة
مشيتها ع صراط المستقيم مرت العجوز وكاونتها تريد تطردها وطلعلها رجلها دبج ببطنها زلغها زلغ لان يعرف هاي مرت منو يروح تبلغ عليه طبعا هي مو بس هروب هواي سوالف عليه ..
كالت هاي بنيتي كتلها خالة الله دازج الية ام والله احن من امي ..
وهذا رجلي الفطير يدور اطفال وكل ليلة عايدها كتله اطفال ما يصير عندي تريد تزوج روح شوف وحدة ترضى بخلقتك ..
كايلي صايرة لسانج طويل وھجم عليه كتلني .. 
لهسة من اتذكرها اختنك .. 
وصار يدور نسوان وراي كطيعة الله وياك .. 
لكاله وحدة مثله نص نصيص .. وكالي بيها كتله اني ما اظل يمك بعد هو بصراحة متحججة اريد اهج ..
عياط وصياح وطلعت بالليل لبيت هاي الخالة
وسولفت الها كلشي وكالت ظلي يمي الما نشوف تاليها .. وفعلا اجه يريدني ارجع كتله تزوج ما ارجع روح اخذها وطلكني. .. 
سالفة منا حجي منا رايح جاي المهم اني قفلت كلت هاي فرصتي اخلص من هالخيسة ..
تططططططلكت يجوز تشوفون عالكلمة مزعجة قسما ما فرحت ليوم بحياتي بكد ما صرت مطلكة .. وخلللصت يبو صرت حرة ..
هنا ظليت كم يوم ببيت خالة هاي العجوز .. 
بعدين رحت لبيت خالي .. خالي لزمني كتلني كال ما تبطلين سوالفج انت تزوجتي كتله تطلكت كال ولي عني ديحي بالشوارع ..
رجعت كلش مقهورة ع بيت العجوز .. 
ارتاحيت ظليت كم يوم حسيت نفسها كلش ثكيلة .. مع العلم شايليني بالصلاوات ..
جان خالتي تكلي بنيتي ورا ماتروح فترة طلاكج زين وكذا اريدج اني لابني معتز زلمة معدل بس شوي رجله يعرج وما اجبرج بكيفك ..
اني بداخلي صراحة ليش جذب فرحت لكيت مكان زين حتلو اعرج هم بشړ بس يكون ادمي صحيح ..
راحت فترة طلاكي وكذا وهذاك القزم تزوج وحدة مثله ..
واني بعد فترة اخذت معتز .. 
وصارت عندي عمة تخبببل تنحط ع چرح يطيب بمثابة ام ..
صار السقوط .. والاحداث هاي ..
ب 2007 اني جبت طفلي الاول .. 
وعشت حياة سعيدة بعد معاناة وخيسة وناس حياية وسم
وهسة الحمد لله بيت اليه وحدي بنفس البيت الكبير 
عمتي امي مو عمة ما تقصر بشي .. 
جاي احجيلكم هسة ةالدمعة بعيني ع الشي الشفته صدكوني من تذكرت هذاك وقت اختنك واكتب
الحمد لله الحمد لله الف الحمد لله ..
هسة عايشة ملكة ما عشت هالحياة لا عند امي ولا عند هالقزم ومحافظة ع نفسي وحاطتتهم بعيوني ..
اليوم واني اكتب احب اكلكم عندي 4 بنات و 3 ولد هههههههه وماكو عسر الا بعدها يسر بس واحد يعرف شلون يتصرف ..
صورت بنتي الكعدة حدزها للكاتب وسام علمود ينشرها ستوري شوفوها هاي الكعدة المدللة ..
وهاي نهاية قصتي من مأساة وزواج بوقت كنت طفلة من ناس ماعدها حتى انسانية والخلل ب اهلي
الى حياة سعيدة وحب واطفال وعمة بمثابة ام .. 
بالختام اكلكم احبكم كلكم