رواية فلاحة ف الجامعة الأمريكية الفصل الاول حتى الفصل التاسع والأخير حصريه وجديده
محتاجه أقول إنه كان فيه نظرات ما بين الحين والآخر موجهه ناحيتى.. الموضوع ضايقنى أكتر بس طنشت وكنت مركزه مع الشرح.. وجه عليا الدور سألنى وقالى.
طبعآ سؤال زى ده ما ينفعش حد يجاوبه غير الأولى ع الدفعه.. اتفضلى.
سألنى وجاوبته بكل ثبات.. لقيت الدكتور بيقوله على فكره يا تيم.. ليلى مجتهده وشاطره جدا.. ولو استمرت على مجهودها ده ما أشكش إنها هتبقى واقفه مكانك كده بتشرح ل زملائها السنه الجايه بكتيره إن شاء الله .
شكرا لحضراتكم على ثقتكم دى وأتمنى إنى أكون عند حسن ظنكم إن شاء الله.
قولت الكلمتين دول وقعدت مكانى تانى.. وكنت بتمنى المحاضره تخلص بسرعه علشان أختفى من المكان كله.
المحاضره خلصت وطلعت بسرعه حتى ما وقفتش ل زملاتى.. علشان عارفه هيقولوا إيه كويس وعارفه إنهم هيقعدو يسفو عليا قوى.. وأنا مش حمل كلمه واحده من حد.
على فكره كنت مستنى المحاضره تخلص علشان كنت عايز أتكلم معاكى فى موضوع مهم بس شكلك كان ليكى رأى تانى.
كان هو.. أستغفر الله العظيم يارب انت طلعتلى منين ولا عايز منى إيه.. وفضلت متردده أرد عليه وأشوفه عايز منى إيه ولا لأ.. طب يارب أرد عليه وأحط للى بيحصل ده حد ولا أسيبه وما أردش عليه يااارب طلعنى م الحيره دى.
رديت بس بعد شوية.. أفندم حضرتك موضوع ايه !.. لقيته شاف الرساله علطول زى ما يكون كان مستنيها.
ممكن نتقابل علشان الكلام فى الشات مش هعرف أقولك كل إللى أنا عايزه !
أفندم !.. ليه يعنى الكيبورد عامل لحضرتك بلوك من الحروف ولا إيه !
هههههههههه لأ مش كده.. بس فيه كلام مش هينفع يتقال فى الشات والله .
طب ليه بس والله دى هى نص ساعه بكتيره.
اللهم طولك ياروح.. والله العظيم لو حضرتك مش واخد بالك ف أنا بنت وكمان مغتربه وفى جامعه يعنى أى كلمه هتتقال عليا هتتصدق وواحد بيحب وعشره بيكرهو.
طب يبقى حد يجيب سيرتك ب أى كلمه.
الدنيا مش بالعافيه يا بشمهندس أظن مش هتروح تمسك لسان الناس وهى بتتكلم ولا هتدخل تعدل نواياهم.
مش عارفه ليه كان فيه احساس جوايا مصدقه وبيقولى روحى وفيه إحساس تانى بيقولى لأ ما
