رواية زواج ست أشهر الفصل التالت والرابع بقلم جمانه السعيدي حصريه وجديده
ملابسي وحاجاتي واجو اخذوهن الببتنا كبل
يوم العرس جابولي بدله فخمه ورحنا للصالون وعمي حاجز النا ستوديو علمود التصوير
كملنا الزفه الناس فرحانه واني وياا عبالك رايحين ندفن عزيز علينا
رحنا البيتنا اني وياي حنان
وهو ويااا امه واخته
وصلونا للبيت وباركولنا وطلعووو
شويه واجانا عشى جاهز عمي موصي علي من المطعم
جمانه السعيدي
سمر اني راح ابدل
اصيل براحتج خل اخذ تراكي اني هم اريد ابدل
اخذ التراك من الغرفه وطلع
واني دخلت وقفلت الباب
اجيت افتح البدله مااكدر موسحابه من ورا بلبدله حباسيات
والبدله ضيكه حتى مااكدر اتنفس
اني جسمي مليات والبدله ضابه عليه شكد حاولت مااكدر
هي بيه ردن تول ضيكه كلش وصدر تول والضهر مفتوح بلبدايه وبعدين حباسيات لازمات البدله
لزمت المشط وحاولت افتحهن بي ماكووو
لكيت مكص وحاولت افتح بي وماكووو
كعدت على الجربايه لان تعبت
اصيل دكيت الباب ليش ما تجين تتعشين الاكل راح يبرد
سمر مااشتهي اكل انت اني راح انام تعبانه
سمر شكد حاولت افتح البدله وماكدرت تعبت كلش
ويئست استحي اكله افتح البدله
اصيل تعشيت واتصلت ب لبنى وبقينا نحجي للساعه
ثنتين وبعدين صعدت جبت فراش وبطانيه من الغرفه
الفوك احنا خالين بيه الفراشات
ونمت بلصاله
سمر تعبت ونمت بلبدله مااكدر افتحه نمت واني منتجيه لان مااكدر اتمدد بلبدله
جمانه السعيدي
الساعه عشره ونص الصبح
كمت فتحت الباب امي جايبه ريوك وجايه
امي صباح الخير مبروك الف مبروك
اصيل الله يبارك بيج
هذا الريوك وابوك يكول خل بجون يتغدون عدنا
اصيل ادخلي جوه
امي لا مااريد ازعجكم من الصبح ننتظركم على الغده
اصيل تمام
اصيل رحت غسلت وجهي
سمر كوه فتحت عيوني البدله حيل مضايقتني اليل كله اتفزز مانمت براحتي ابد
اصيل سمر كعدتي يله ترا عازمينا على الغده
سمر شلون ياربي شلون ورطه هاي
اصيل يله منتضرج برا
سمر لازم افتح الباب واصيل يساعدني افتح البدله لان اختنكت
فتحت الباب صباح الخير
صباح الخيررر ليش لسه بلبدله
سمر دنكت لان مااكدر افتحه البارحه شكد حاولت وماكدرت افتحه
اصيل وشلون نمتي بيه شلون اتحملتيه
سمر ولا نمت كلما شويه افز
اصيل خل اساعدج
سمر اتحسرت ورجعت ليوره ياربي شكد استحي منه
اصيل هااا اساعدج لو تكملين اليوم وانتي لابسته
سمر انطيته ضهري وسحبت شعري ليكدام
اصيل اتقدمت فتحت اول وحده
سمر لزمت البدله من صدري واني اتمنى الكاع تنشك وتبلعني ولله عيب
اصيل افتح وحده ورا وحده بس كلش قويات وضابات
على جسمه
سمر اريد كلشي يخلص بسرعه متت من المستحه
جمانه السعيدي
اصيل كملت وكتله خلاص بعد تحتاجين مساعده
سمر لا شكرا ممكن تطلع حتى اغير ملابسي
اصيل اي ممكن
سمر طلع اصيل نزلت البدله يمه كمت اتنفس متت
جنت مختنكه كلش
لبست التراك وطلعت للحمام اريد اسبح
فتحت الماي الدافي وكعدت جوه الدوش
جسمي مطبع طبعات
