امرأة في حياة رجلين بقلم جمانه السعيدي البات الاول والتاني والتالت حصريه وجديده

امرأة في حياة رجلين بقلم جمانه السعيدي البات الاول والتاني والتالت حصريه وجديده 
البارت_الأول
بس بلبدايه قبل لاتبدي القصه حابه اكللكم بس بارتين بليوم
لان اني توني معالجه ايدي عندي التهاب أوتار حاد ضړبت ابره بلازمه والدكتور كال اهم شي الراحه 
وكلما اكول اخ ابو منتضر يكول عوفي كتابة القصص وانتي تصيرين زبنه
اني فهد مواليد ٨٠ اخ وحيد على اربع بنات 
اني تسلسلي رقم ثنيين قبلي بنيه وبعدي ٣
اني شكلي كلش عادي يعني شاب عادي جدا 
لا احلق على الموديل ولا تستهويني الموديلات 
صحيح كلش مرتب ونضيف 

بس شكلي مامميز 
طولي ١٦٥ اسمر عيوني زغار جسمي زين لا مليان ولا ضعيف
جمانه السعيدي
بس شنو غير احس نفسي ماكو مني بلكون كله هلكد مااهلي مهتمين بيه
لان الولد الوحيد على اربع بنات
كلش عندي ثقه بنفسي 
احنا ساكنين بناحيه الناحيه اقل من القضاء تكون 
زغيره من محافظة الناصريه
يمنه ساكنين خوالي وأقارب امي اما عمامي ساكنين 
بلمدينه 
اني عندي خوال ثنيبن وخالات ثنيين 
كلهم ساكنين يمنا
اما عمامي ٣ بيوت
بيت ابو مهند ٨ ولد وماكو بنات 
بيت ابو صلاح ٣ ولد وثنيين بنات 
بيت ابو علي ٢ولد و٣بنات
الصراحه اني مرايح هواي للمدينه ومشايف عمامي 
غير كم مره 
والسبب ابوي الله يحفظه انسان انطوائي كلش 
ومايحب العلاقات الاجتماعيه 
لهذا السبب كنا مانشوف عمامي اله مناسبات قويه يله نشوفهم يعني بصريح العباره لو فاتحه لو عرس
المسافه بين بيتنا والمدينه ساعه بلسياره 
اني طالب شكو رايح للمدينه 
بعدين اني متعود على خوالي وولدهم اصدقائي 
يمكن المرات الي نازل بيهن للمدينه ينعدن على الاصابع
جمانه السعيدي
احنا منطقتنا منطقه ريفيه رغم البيوت كله بناء واكو شارعين تبليط ابداية الناحيه
يعني البيوت كله تربي دجاج وبط وغنم وابقار 
منطقتنا غالب عليه الطابع الريفي
بس فرقنا عن الريف عدنا مي وكهرباء
كل منطقتنا واقاربي بلذات المستوى الدراسي الحد الابتدائيه وبس 
ماكو اي احد يوصل للمتوسطه 
يكولون مادام تعلم قرايه وكتابه خلاص بعد كافي 
وخاصتا البنات حيل مضلومات من هاي الناحيه
كل اقاربنا من بنات وولد واصلين ابتدائيه وبس 
بس اني لان مدلل كملت متوسطه وجاي ادرس اعداديه 
وناوي اصير محامي انشاء الله
احنا عدنا بيتنا كم بقره وغنم ودجاج اكو محصار خاص بيهن صاير ورا بيتنا 
وابوي هو الي محتار ببهن 
واني المدلل بلبيت الاكله الزينه اليه والبسه الزينه اليه
كلما امي تكول ازوجك اكله اني هذوله كرايبج كلهم مااريد منهم 
اني اريد وحده بيضه وحلوه 
كرايبج كلهن سمران وتكول زلم مو نسوان 
كلهن سمرات وسمينات
اريد وحده من تطلع وياي كله تكول شني هاي 
وين لكاها 
كون من اكعد الصبح واشوفه ترد روحي 
مو عبالك عباس البنجرجي نايم بصفي
لو هيج لو ماازوج طول عمري ابقه اعزب 
امي يااا يمه وين الكاها هاي يايمه بناتنا شريفات وحبابات والتعرفه احسن من الي ماتعرفه
فهد ابقه عازب طول عمري ولا ازوج وحده من كرايبج 
عبالك زلم ومحجبات لو ازوج لو ماازوج ابد 
امي مو اريد افرح بيك قبل لا اموت 
فهد عمرج طويل حبيبتي الغاليه 
جمانه السعيدي
تعرفون امي ليش تكول هيج لان احنا اكو قانون عدنا 
الولد ١٥ سنه ويزوج 
والبنيه ١٣ سنه اذا اكبر يعتبرونها فاته القطار 
اني هسه عمري ١٨ سنه وبعدني اداوم 
ولا اشتغل ولا عندي حلال حالي حالهم 
الكل كان يلوم على ابوي ليش فهد مايترك المدرسه ويشتغل ويزوج 
ابوي يكول عوفي اريده يكمل دراسته ويصير محامي
كان رد ابوي يسكت الكل
هسه نرجع المربط الفرس للوكعه الي وكعته على بوزي 
للبنيه الي خلتني ارفع الرايه البيضه واستسلم بس شفته 
جايكم بلكلام
جمانه السعيدي
بيت عمي الي بلمدينه يعني مو عمامي اخوان ابوي 
لا ولد عمه بس اني ماعندي عمام غيرهم 
واصيحلهم عمامي 
بس ابد ماشايف بس ولدهم اذا عدهم بنات اولا ماشايفهن 
ولا مفكر فد يوم راح اشوفهن 
الى ان خالي قرر يزوج على زوجته
خالي الجبير بيته بصف بيتنا وعدا خير من الله خمس ولد واربع بنات 
حب وحده من منطقتنا بنيه عمرها ٣٠ سنه ومنفصله 
خالي بوقته كان عمرا خمسين سنه 
بهاي المناسبه عمامي الي بلمدينه اجو كلهم همه وولدهم 
لان خالي يعتبر جبير هم
يعني شيخ فنده يسمونه وياخذونه مشيات ويحل المشاكل 
على العموم خالي سووا عرس ماله مثيل واذا اكلكم زوجته الاولى هي الي تطبخ بلعرس وهي الي تهلل وتركص 
مو تتوقعون ماتحبه 
بلعكس ټموت علي 
بس تخاف منه حيل لان خالي شخصيه وكلامه يمشي على اكبر واحد
وتكابر خاف يكولون عليه ضايجه 
بلعرس حضر ابن عمي من المدينه اسمه صلاح 
و