امرأة في حياة رجلين بقلم جمانه السعيدي البات الاول والتاني والتالت حصريه وجديده

شويه وامي تجي 
كعدت اجت ام علي هله خاله شلونك 
فهد الحمد لله 
ام علي ليش سويت زحمه 
فهد هسه اني شجايب الكم 
ام علي من زمان ماماكلين دهن حر شكرا 
للحكايه بقيه احبكمممممم 
مو تنسون التفاعل حبايبي
قصص
البارت الثالث
امراءه في حياة رجلين 
جمانه السعيدي
فهد دخلت وهي تمشي كدامي فتحتلي باب الصاله 
فهد انتي صحيح سادس السنه 
جوري اي سادس ادبي 
فهد اني هم سادس أدبي
جوري زين يعني نفس العمر
فهد سهل السادس لو اكو شي صعب عليج
جوري كلشي تمام بس عندي صعوبه بلانكليزي مستواي وسط تعرف لان كله قواعد وصعب عليه اسيطر علي كلش
فهد اكو ملازم هسه داخله تلخص المنهج وتسهله عليج
جوري عندي ملزمه ودخلت دوره عند استاذ طارق
فهد اي ولله سامع بي استاذ طارق يكولون خوش مدرس
جوري اسوي الي عليه والباقي على رب العالمين
عافتني وطلعت واني كلبي انشرح على ذني الكلمتين
جمانه السعيدي
مو يكولون خۏفك من المعيدي اذا عشك 
اني اعترف معيدي وعشكي من كل كلبي لا أعرف اللف ولا ادور ابد 
من اول ماشفته اول قرار اتخذته لازم هاي تكون زوجتي 
لان احبه حب حقيقي 
قررت ارتبط بيه
جوري هسه اعرفكم عليه 
اني جوري مواليد ٨٠ بيضه وجسمي مليان 
مليان بطريقه حلوه لا سمينه ولا صعيفه 
طولي ١٦٣ عندي اخوان ثنيين وخوات ثنيين 
بابا مټوفي واني عمري خمس سنوات
اخوي الجبير علي مزوج وهو وزوجته عايشن ويانه 
واخواتي ثنيينهم اكبر مني مزوجات 
وحده مزوجه اقاربنا والأخ مزوجه واحد غريب 
بقه عندي اخ واحد حسين اكبر مني بسنتين 
خريج صناعه وبعدا مامزوج 
جاي ندورله عروسه
بلبدايه من شفت فهد كان بلنسبه اليه كلش عادي 
ابن عمي وجاي علينه 
بس من تكررت الجيات واشوف نضرات الإعجاب بعيونه 
حسيت اكو شي
هسه راح احجيلكم شلون اتاكدت من حبه 
بمره جابلي ملزمه انكليزي طبعا اني ماطلبت منه ابد 
بس لان كتله ضعيفه بلانكليزي جابلي ملزمه
اخذته منه وشكرته 
وعفته على صفحه بليل قررت اشوف شنو الأشياء المهمه
الي منزليه بلملزمه 
اول مافتحته لكيته كاتبلي احبج ويمه كلب احمر
طبعا احنا عدنا بلبيت هاي الخرابيط ممنوعه 
اخوي الجبير كلش شكاك وعصبي جدا 
بحيث اني بقيت اتوسل شهر يله قبل ادخل دورة انكليزي 
هااا اخوي ياخذني ويرجعني 
وممنوع انزع العبايه بلدرس
ولو شايفين العركه على الحجاب اسبوع مانعني من المدرسه اله تلبسين حجاب يله 
مع ان بوقته ماكو حجاب ابد الي يلبسن حجاب بنعدن على الاصابع 
واحنا مو عائله متدينه كلش صحيح نصلي ونصوم بس 
مو ملتزمين كلش 
بحيث اني اطلع الاي احد يجينا بدون حجاب 
هااا اطلع اذا اخوي ماموجود 
اذا علي موجود مستحيل يقبل اطلع الاي احد ابد
جمانه السعيدي
كانت حجة علي انتي حلوه واخاڤ عليج 
شنو ابتليت حلوه هم اريد اعيش حالي حال صديقاتي بلمدرسه
على العموم من شفته كاتبلي احبج داخل الملزمه 
راسا شخبطت عليه 
خفت لا علي يشوفه وادخل بتحقيق ينتهي بكتلي 
لان ماراح يصدك اني مالي اي دخل 
واحتمال يتعارك ويه فهد فإني قررت امسحه وارجع الملزمه حتى الولد لايتعلق بيه 
لان اعرف اهلي مستحيل راح يقبلون بي 
ولد بسيط وبيتهم بلريف 
واني عايشه عد اهلي غير مستوى
فهد بعد ما دار حديث بينا على اامدرسه قررت اشتريله ملزمه وبحجة الملزمه اروح البيتهم 
رحت هلمره طلعتلي عروسه تخبل 
ولا اذكر رحت مره وماطلعتلي مبدله ولابسه شي حلو ومرتب 
لابسه ثوب بنفسجي ساده ومطر من الصدر 
ولابسه طوك بنفسجي قماش وشعرها كيرلي مسويته 
سحر ياناس مو اطلاله
بس كعدت انطيته الملزمه اخذته وشكرتني وطلعت 
عبالك اني مسوي انجاز مو مشتريله ملزمه
بس تفاجئت من رحت الهم المره الي بعدها ماطلعتلي 
ابد ودزت الملزمه بيد امه
ام علي يمه تكول جوري هاي الملزمه ماتفيدني مونفس المنهج الي ندرسه
فهد شلون مونفس المنهج ممكن احجي وياها
ام علي اليوم قافله عليه السطح وتقرا تكول عندي امتحان كلش مهم
فتحت الملزمه ولكيته شاخطه على كلمت احبك بحيث ماتبين شنو مكتوب ابد
عرفت هي رفضتني بس كتلني الفضول ليش هي ماتريدني شبيه اني 
جمانه السعيدي
اخذت الملزمه وطلعت بس شكد ضايج بساعته
اني عقلي صوري هي راح تحبني مثل مااني احبه 
ومستحيل راح ترفضني 
ولله لو تعرف اني شكد احبه ولا ترفضني ابد
كطعت عنهم فتره شهر ابد مانزلت للولايه 
وهم صادفت الامتحانات مال نص السنه
كلما افتح الكتاب تطلع كدامي 
شلون بله شلون ويه جوري حرت وحتاريت و يا هذا الحب
امتحنا نص السنه وبدت العطله 
واجتنا دعوه اخو جوري حسين راح يزوج بالخميس الي يجي 
فرحت كلش اكيد راح اشوفه 
ايجوز تصير فرصه واكدر احجي وياها
قبل يوم