سكريبت قدوتى شكرا بقلم مروة حمدى

سكريبت قدوتى شكرا بقلم مروة حمدى. 
 
حنين يجرفنى لتلك الأيام ذكراك معلمتى تملئ القلب بالعرفان كم وددت البوح أمامك بما أحمله لك من تقديرا واحترام بجميل صنع مني ماانا عليه الأن ولكنه الطبع الخجل والانطواء. 
لم أمتلك الشجاعه للمثول أمامك احقاقا بحقك والمجاهرة على الرغم من قنوعى التام به بكل وقت متذكرة إياك بجميل الدعاء دفعه من الزمن قوت عزيمتى لابحث عنك غاليتي طارقه كل الأبواب لتحول بيننا المسافات . 

معلمتى اكتب لك خطابى ولاأعلم ان حالفنى الحظ وقراته يوما وهو المحفوظ بين دفاترى ولكن على الاقل استطعت إخراج القليل مما يعتمر به القلب آمله بلقاء قريب اضعه بين يداك. 
أستاذتي الغالية مس منى 
وحشانى اوى يامس انا مى عشرى عرفتينى 
طب فاكرة البنت ال فى اولى ابتدائى لما مسكتيها من ايدها وشدتيها ليكى تنصحيها تذاكر وتبقى شاطرة زى زمايلها! 
ها!! 
البنت ال بعد السنه دى كنتى بتتباهى بيها قدام المدرسات! 
ايوه انا مى.. 
عارفة انك مستغربة انى بعد الوقت ده كله افتكرتك وبعتلك جواب كمان بس حقيقى يا مس انا عمرى ما نسيتك كل مرحلة مريت بيها فى حياتى بشوفك قدامى وانت بتميلى عليا ايديكي محاوطة كتفى صوتك الهادئ وهو بيهمس فى ودانى ياه يا مس انا كل يوم بسأل نفسى لو مكنتيش عملتى كده انا كنت هبقى فين دلوقت 
ااه نسيت اقولك انا كمان بقيت مسهههه تخيلى! 
عارفة يا مس من كم يوم كنت داخلة فصل جنبى لزميلة ليا شفتها واقفة ماسكة عصاية أطول من التلميذ ال واقف قدامها كان منزل رأسه لتحت وهو بيسمعها وعينه بتروح على زمايله تخاطيف كنت حساه مكسوف قدامهم عينيه لمعت بدمعه نزلت على الأرض محدش شافاها غيرى كان الباقين مركزين مع كل كلمه بتخرج من المس بتاعتهم فى حق زميلهم حتى هى من عصبيتها ما اخدتش لبالها. 
قلبى اتوجع عليه اوى يا مس وڠصب عنى عنيا سرحت لعشرين سنه ورا بفتكر تفاصيل اليوم اياه لما سالتى مين محلش الواجب يطلع بره التخته وقتها قمت انا وتلاته كمان واتعاقبنا عقاپ خفيف ونبهت علينا مش تتكرر والا هتستخدمى العصاية تأنى يوم سألتى مين محلش الواجب وقمت انا وحد كمان وقتها الضړبة كانت خفيفة شويه وتالت يوم لما سألتى مين مش حفظ السورة 
شفتى يا مس انا فاكره ازاى هههه مع انى اصحابى بيتريقوا عليا وبيقولوا ذاكرتي ذاكرة سمك ماهو مش كل حاجه ينفع تتنسى ولا ايه 
طب انت فاكرة يامس حصل ايه يومها ها!! 
انا افكرك 
وقتها انا قمت وببص حواليا ملقتش حد غيرى وطلعت وقفت قدامك وانتى كنت مصدومه وبصتيلى كده وقولتى 
_انتى تانى. 
من خوفى وكسوفى مااقدرتش اتكلم بس سمعت صوت نفس عالى وفجاءة لقيتك محاوطنى من كتفى وصوتك قريب منى اوى برفع عينى شويه لاقيتك قدامى بابتسامه صغيرة كنتى بتعاتبينى. 
_قوليلى