سكريبت قدوتى شكرا بقلم مروة حمدى

اتواصل مع أهله وهو كان واقف بره مستنى. 
تعرفى يا مس ظروفه غير ظروفى خالص بباه فى الخارج ومامته قايمة بالدورين معاه هو اخواته التلاته وكانت فاكره انه طالما مدرسة خاص ومصاريف عالية يبقى مش محتاج متابعه بس حبيت افهما بالراحه ان البيت دوره مهم واتفقت معاها على كم حاجه تعملها بخصوصه بس الحقيقى ماكنتش واثقة انها هتنفذ اوى اصل المسئولية بتهد. 
اخدته واتفقت معاه انه فى الفسحه يجيني نراجع سوا وال مش فاهمه مدرسة او درس انا موجوده وانى هتابعه وعايزه اتباهى بيه قدام الكل. 
بضحكه وعقل أطفال قالى جملة هزتنى هتتباهى بيا يا مس وانا لابس ظابط وبرمى الطقية فى الهواء زى ما شفتهم بيعملوا فى التلفزيون امبارح. 
انبسطت بيه اوى وقولتله علشان يبقى اجمد ظابط لازم يخلى بالى من دروسه وزى ما مديتي اديك ليا انا مديتها ليه. 
وهو بيوعدنى وأيده لمسة ايدى راحه غريبة سكنتنى لقيت نفسى للمرة المليون بقول جوايا. 
ربنا يباركلك يا مس منى 
هو مشى وانا عقلى انشغل لو مكنتيش وقفتى جنبى كان هيبقى وضعى ايه الا هو اكيد مش مدرسة حاصلة على بكالوريوس ودراسات عليا! 
ورجعت سألت نفسى بعاتبها 
طب بعد ابتدائى كانت فى اكتر من فرصة انى اجيلك واشكرك ماعملتش كده ليه 
حسيت انى مقصرة وناكرة لحقك اوى يا مس وان لا خجلى ولا طباعى ينفع يكونوا سبب فى تقصيرى وفضلت اسأل على حضرتك زمايلى القدام وحتى فى المدرسة. 
وقتها عرفت ان حضرتك وصلتى سن التقاعد وانك مسافرة مع ابنك لبلد عربى هو وأسرته حبيت اتواصل معاكي بأى شكل رقم تليفون حساب فيس اى حاجه بس للاسف الزمن بقا غير الزمن الخۏف عشش فى النفوس الناس فقدت الثقة فى بعضها تخيلى يا مس من اكتر ما سألت عنك الناس بقوا يتجنبونى اه ماتستغربيش ده كمان ال قالى على مكانك اتهرب منى ومش رضى يقولى على رقم تليفون حتى! 
بس انا عذراهم مهو من كتر البلاوي ال بنسمعها تعرفى يا مس متهيألي كده قالوا فى سرهم تلاقى فى مشكلة أو حاجة تخص فلوس أو عايزة حاجه أو طمعت أو كتييير اوى يا مس والاكيد ان كلهم اتفقوا على حاجه واحدة بس وهى. 
خلينا بعيد احسن 
علشان كده فكرت اكتب لك على أمل اوصلك واعتراف صغير ما بينا انا طول الفترة ال فاتت بفكر لو وقفت قدامك هقولك ايه بعد ما عدى اكتر من عشرين سنه 
هو انا وحشة اوى كده يا مس يشهد ربى انك دايما فى بالى وبدعيلك دايما بالخير ماتزعليش منى يا مس علشان خاطرى انتى اكتر وحده عارفة طبعى ڠصب عنى حقيقى. 
طب تعرفى انا فرحانه اوى بالجواب! 
اه بجد كده انا هقدر اقول كل حاجه نفسى اقولها من غير قيود ولا خوف ولا حرج طب
تعرفى انا هفضل ادور وادور ويوم ما هوصلك بإذن الله فى الاول هبعتلك الجواب بريد. 
هههههههههه مش متخيلة شكل الموظف وهو بياخده منى ! 
وقتها اول ما اكلمك هحكيلك حصل ايه. 
يا ترى هنتقابل يا مس هنتواصل  
بدعى دايما بده يا مس مش حابه أطول عليكى اكتر من كده بإذن الله فى يوم نتواصل ووقتها هتشتكى من ژنى وانى صدعتك كمان هههههه. 
معلمتى الف كلمه شكر لا تكفى الف خطاب يحوى بداخله مشاعر من العرفان لا يكفى كل لحظات الندم على التقصير والابتعاد لا أجد لها كفارة سوا رؤياك او سماع صوتك وعتابك اللطيف الحانى. 
بالختام اتمنى لك دوام الصحة والعافية حتى اللقاء واذا ما اراد الله عكس ذلك ليجمعنا فى جناته برحمته الواسعه. 
تمت