رواية جميله الفصل السادس عشر حتى الفصل العشرون بقلم الشيماء محمد حصريه وجديده

ومن ده ..
حط ايده علي بطنها بحب والغيره دبت في قلب ميس لانها اول مره تشوف جوزها كده .. ضعيف .. رومانسي .. بيحب .. 
وليد باس جميله اللي اتحرجت جدا وحاولت تبعد بس وليد رفض 
وضمھا جامد قوي ليه ومش عايز يسيبها تبعد 
جت مضيفه قربت واتكلمت مع وليد بالعربي 
المضيفه لازم نتحرك دلوقتي يدوب 
وليد تمام .. هتوصليها لحد الطياره صح 
المضيفه ايوه ما تقلقش ابدا حضرتك ابدا 
وليد انا متشكر جدا ليكي. .. خلي بالك منها 
جميله لا اله الا الله .. استودعتك الله الذي لا تضيع ودائعه 
وليد محمدا رسول الله وانا كمان استودعتك الله الذي لا تضيع ودائعه
جميله ابتسمت ومشيت ووليد بيبص عليها لحد ما اختفت تماما وبرضه واقف 
ميس هاه مش خلاص مشيت ولا وصله الرومانسيه دي مش هتخلص يالا نمشي 
وليد لما الطياره تقلع يمكن تتأخر ولا حاجه تحصل 
ميس يوووه يا وليد 
وليد محدش طلب منك تيجي 
ميس قعدت علي اقرب ترابيزه وهو واقف باصص للقزاز مستني 
ميس بتفكر .. مستنيه اللحظه اللي تعرف فيها انها اتخطفت يا وليد .. انا اكتر واحده هفرح فيك .. بقي دي تفضلها عني .. انا تبطل تحبني علشان دي !! ماشي يا وليد ان ما ذليتك ما ابقاش انا ميس 
وليد اخيرا شاف الطياره بتتحرك وحس ان قلبه بيتحرك معاها كان نفسه يكون جنبها يمسك ايدها علشان ما تخافش 
جميله في الطياره وخاېفه ومسكت جامد في الايد وافتكرت ايد وليد اللي كانت مسكاها وهما جايين مع بعض .. خاڤت انها ما تشفوش تاني او ان اي حد يبعدهم عن بعض .. خوف من المجهول ملي قلبها 
اخيرا روحوا الاتنين وقعدوا في الفندق مع بعض اتعشوا وبالليل ميس قربت من وليد 
وليد تحبي اسيبلك الاوضه واخرج 
ميس ليه بتقول كده 
وليد ماهو انتي هتفضلي تعملي حركاتك دي وتصدعيني بكلامك هروح اخد اوضه لوحدي لحد ما نسافر 
ميس انت بتعمل كده ليه فيا انا مراتك يا وليد مراتك مش واحده من الشارع 
وليد مراتي !! امممم مش هنخلص احنا من القصه دي !! ميس مش هنعيده كل شويه .. اقولك تصبحي علي خير ولا اسيب الاوضه اختاري 
ميس ما ردتش بس طفت النور وعطته ظهرها ونامت 
القلق والخۏف مسيطر عليه ومستني وصول جميله المفروض ان دلوقتي طيارتها وصلت 
ميس صباح الخير .. مش هننزل نفطر 
وليد انزلي انتي انا عايز اطمن علي جميله الاول وتليفونها لسه مقفول المفروض انها وصلت 
ميس عطته ظهرها وابتسمت وقلبها بيدق بفرحه 
جميله نزلت من الطياره وخرجت واستلمت شنطها وطالعه پخوف وليد قالها ان في حد هينتظرها .. بتتلفت يمين وشمال پخوف لانها مش شايفه اي حد تعرفه نهائي 
ومره واحده حد من وراها مسكها جامد وپعنف وهيا صړخت بصوتها كله ...
الحلقه ال ١٧
بقلم 
shimooo novels الشيماء محمد
جميله نزلت من الطياره وخرجت واستلمت شنطها وطالعه پخوف وليد قالها ان في حد هينتظرها .. بتتلفت يمين وشمال پخوف لانها مش شايفه اي حد تعرفه نهائي 
ومره واحده حد من وراها مسكها جامد وپعنف وهيا صړخت بصوتها كله ....
عماد بس في ايه اهدي مالك 
جميله عماد !! خضتني .. قلبي كان هيقف 
عماد اسف بس انتي واخده في وشك وماشيه وانا بنادي ومش سمعاني فوقفتك .. حقك عليا .. بس ليه خاېفه كده 
جميله الظاهر اتعديت من قلق وليد وخوفه عليا .. المهم يالا !
عماد يالا بينا .. العربيه بره مستنيانا 
خرجوا الاتنين وركبوا العربيه .. 
عند ميس 
راحت لوليد بسرعه وهيا هتتجنن ودخلت عنده كان بيتكلم في الفون بتاعه وبيضحك .. بصلها وتجاهلها 
وليد ماشي حبيبتي المهم حمدالله علي سلامتك ويارب تكوني مبسوطه بمفاجئتي ليكي 
جميله انا طايره من الفرحه مش بس مبسوطه .. هتيجي امتي بقي 
وليد بكره طيارتنا باذن الله يا قمر ما تقلقيش مش هتأخر عليكي المهم خلي بالك من نفسك ..
ميس واقفه وعنيها بتطلع شرار لحد ما وليد قفل وبصلها 
وليد افندم 
ميس هيا جميله فين وما تكدبش لانها مكنتش علي الطياره اللي رايحه القاهره !!
وليد وقف ومين قالك انها رايحه القاهره انا قلتلك ولا انتي افترضتي انها رايحه مطار القاهره !!
ميس تنحت نعم !! امال نزلت مطار ايه 
وليد مطار اسكندريه .. عندك مانع 
ميس سكتت اشمعني مطار اسكندريه يعني !!
وليد كان نفسها تشوف بحر اسكندريه 
ميس حضرتك بتتريق 
وليد قرب منها ومسك دقنها ورفعلها وشها قصاده 
وليد اوعي تتخيلي للحظه اني ممكن اسمح لحد ېلمس شعره واحده منها .. او تفتكريني عيل ابن امبارح وممكن تضحكي عليه او تخططي من وراه .. عيب عليكي ده انا وليد نصار .. وبعدين يعني خليكي ذكيه شويه خططتي وخطتك فشلت ما تجيش تجري عليا وتقوليلي هيا فين وليه مكنتش علي الطياره  
ميس بتوتر انا مخططتش لحاجه !!
وليد وهو بيضيق عينيه وببصلها بتركيز امال بتسألي عليها ليه وعرفتي منين انها مكنتش علي طياره القاهره !! الا اذا