رواية جميله الفصل الحادي والعشرين حتى الفصل الخامس والعشرين والأخير بقلم الشيماء محمد حصريه وجديده
ما اكلتش قوي .. كنت عايزك انتي تأكليني
ضحكت بس كده انت بس تشاور لحظه وهجيب الاكل ..
في الفيلا
اكرم رجع بالرجاله وهناك قابلته نبيله فين وليد وجميله
ميس اهتمت تسمع الاجابه
اكرم هيباتوا بره الليله
نبيله هيباتوا فين وليه مفضلتش معاهم افرضنا حاجه حصلت اكرم مكنتش تسيبه
اكرم هو بأمان حضرتك ما تقلقيش .. بعدين محدش يعرف مكانه وغير كده هو عايز يفضل لوحده مع مراته ويقضي وقت خاص بص لميس واكد علي كلمه مراته
نبيله هو حر .. هو ادري بمصلحته
ميس يعني واخد اللي اسمها جميله دي معاه ليه
نبيله مراته .. واكيد وحشته وبعدين انتي ايه اللي مضايقك ولا علشان خف ووقف علي رجله ومعدش محتاج مساعده
ميس علي فكره هو اللي بعدني عنه مش انا اللي بعدت
ميس وقفت خدامه متوقعه منها ايه بعد اذنك
سابتها وخرجت ونبيله قالت لنفسها عمرك ما هتفهمي .. ده كان حب مش خدمه .. حب وبس
نسمه دخلت عند علاء علاء انا نازله مع الاجهزه للمستشفي
علاء وحشتيني يا بت انتي تعالي هنا
نسمه انا كنت معاك الصبح مالحقتش اوحشك سلام
نسمه ضحكت ودخلت وسندت علي الباب عايز ايه
قعد علي كرسيه تعالي
قربت منه تصدق من زمان نفسي اكون علي علاقه بمديري .. علاقه سريه ونسرق لحظات مع بعض
علاء شدها عليه طيب فرصتك اهي خلينا نسرق لحظات
نسمه ايوه بس ممكن حد يدخل هيكون شكلنا ايه
عند وليد
جاله تليفون وبعد ما خلص كان علي اخر غضبه وقمه العصبيه فقام بعكازه وراح لمحي
محي خير مالك وشك بيطلع ڼار
وليد يعني المفروض وانا في المستشفي تهتموا ولو من باب التمثيل بالشغل شويه يعني افهم لما الشركه تقع هتستفادوا ايه ايه المكسب في ده ما انتو هتقعوا معاها
وليد اه اعمل نفسك مش فاهم .. ولا علاء ما بلغكش باللي عمله واتصرف من دماغه !
محي ماله علاء عمل ايه
وليد استغل ان انا مفيش واستورد اجهزه مضړوبه وطبعا في اقل من شهر الاجهزه كلها وقفت والمستشفي بتتصل عايزه تنفذ الشرط الجزائي يا اما نستبدل الاجهزه كلها بأجهزه سليمه تقدر تقولي مين هيتحمل الخساره دي !!
محي علاء ما يعملهاش اكيد في غلط في الموضوع
وليد بجد علاء ما يعملهاش انت مصدق نفسك وانت بتقول كده !
محي ايوه مصدق
محي خرج ورايح عند علاء ومعاه وليد وخالد لمحهم فراح وراهم
خالد في ايه مالكم
محي مش وقتك يا خالد امشي دلوقتي
وصلوا المكتب ومحي فتحه مره واحده وهنا علاء ونسمه اتنفضوا لانها كانت علي حجره ووضعهم مش ظريف ..
محي قفل الباب بسرعه ووليد ضحك باستهتار هو اصلا ولا علي باله ولا مهتم بالشغل اصلا .. كفايه اللي هو فيه
محي ما ردش وعلاء فتحلهم الباب وهو مستغرب مالهم
علاء في ايه مالكم
محي اخر صفقه انت استوردتها .. اتعاملت مع انهي شركه
علاء الشركه بتاعتنا اللي بنتعامل معاها علي طول ليه في ايه
وليد اتدخل في ايه في ان الاجهزه كلها وقفت ومش شغاله وده مالوش غير معني واحد ان سيادتك جبت اجهزه مضړوبه من الشركه اياها وحطيت فرق الفلوس في جيبك فهمت في ايه
علاء انت بتخرف بتقول ايه اجهزه ايه اللي مضړوبه
وليد الاجهزه اللي سيادتك روحت ركبتها
نسمه اتدخلت انا اللي ركبتها وكلها كانت شغاله ..
وليد اتنرفز عليها بجد كانت شغاله !! وهو انتي اصلا مركزه في الشغل علشان تعرفي اذا كانت شغاله ولا لأ !! خليكي في اللي انتي فيه والنبي
نسمه اتحرجت وسكتت وعلاء اتنرفز انت مالكش حق تتكلم معاها كده
وليد انا اتكلم بالطريقه اللي انا عايزها مع اي حد هنا
علاء لا طبعا
اتدخل خالد اهدوا انتو الاتنين .. وليد الاجهزه سليمه انا كنت معاه في الصفقه دي
وليد انت كنت معاه !! يااه بجد !! ما انت
